АНУ-аас 60 гаруй оронд Covid-19-ийн эсрэг 110 сая тун вакцин илгээж, хандивласан болохыг Мягмар гаригт мэдэгдэв. Энэ нь бусад улс орнуудын хандивласан вакцины хэмжээг нийлүүлснээс ч их дүн болохыг Цагаан ордноос онцоллоо. Ерөнхийлөгч Жо Байден өнгөрсөн зургадугаар сарын сүүлчээр нийт 80 сая тун вакцин хандивлахаар төлөвлөснөө дуулгаж байв.

Тэгвэл энэ удаагийн нийлүүлэлт ерөнхийлөгчийн амлалтын биелэлт төдийгүй ирэх саруудад АНУ-аас нэмж илгээх хэдэн зуун сая тун вакцины урьдчилгаа аж. Энэ сараас эхлэн 500 сая тун "Файзер" вакциныг бага доогуур орлоготой 100 улс орон руу илгээнэ гэжээ. Тухайлбал, Индонез найман сая тун, Филиппин 6.2 сая тун, Колумб улс зургаан сая тун вакцин тус тус хүлээн авчээ.

С.НАРАНГАРАВ

ЭХ СУРВАЛЖ: AXIOS