Тойм: Спорт бол бэлтгэлтэй тамирчдын сэтгэл зүйн тулаан | News.MN

Тойм: Спорт бол бэлтгэлтэй тамирчдын сэтгэл зүйн тулаан

Токио 2020

Тойм: Спорт бол бэлтгэлтэй тамирчдын сэтгэл зүйн тулаан

Тойм: Спорт бол бэлтгэлтэй тамирчдын сэтгэл зүйн тулаан

Токио-2020 олимпийн наадмын албан ёсны 12 дахь /2021.08.03/ өдрийн тоймыг та бүхэндээ хүргэж байна.


Чөлөөт бөхийн эмэгтэйчүүдийн 62 кг-ийн барилдаанууд өчигдөр эхэлсэн. Энэ төрөлд Монгол Улсаа төлөөлөн Х.Болортуяа өрсөлдөв. Тэрбээр эхний барилдаанаа Энэтхэгийн Сонам Маликийн эсрэг хийж, 2-2 гэсэн харьцаатай тэнцсэн ч хамгийн сүүлд авсан бүхэл оноогоороо манай тамирчин ялалт байгуулав. Ийнхүү шөвгийн наймд үлдсэн Х.Болортуяа Болгарын Тайбе Юсеинтай ээлжит барилдаанаа хийж, 10-0 гэсэн харьцаатай харамсалтайгаар ялагдаж, тэмцээнээ өндөрлүүлсэн.

Хэрэв Болгарын Тайбе Юсеин финалд хүрсэн бол манай тамирчин дагах барилдаан хийх байв. Гэвч Болгар бөх хагас шигшээд Японы Юкако Кавайд ялагдаж, хүрэл медалийн төлөө барилдахаар болжээ.

Үүний дараа орой 20.00 цагаас МУГТ С.Батцэцэг олимпийн хүрэл медалийн төлөө барилдсан. Тэрбээр 2012 онд Монголын чөлөөт бөхийн 32 жил тасраад байсан олимпийн медалийг авчирч байсан билээ. Тэгвэл энэ удаад дахин есөн жил тасраад буй чөлөөт бөхийн олимпийн медалийг авчрах гэж барилдсан.

С.Батцэцэг болон Киргизстаны бөх Мээрим Жуманазарова нарын хүрэл медалийн төлөөх барилдаан 10-1 гэсэн харьцаатай өндөрлөж, Мээрим Жуманазарова олимпийн анхны медалиа хүртэв.

Токиогийн олимпод тавдугаар байр эзэлсэн С.Батцэцэг:

-Цар тахлын улмаас тэмцээнд бага орсон. Олимпийн өмнө ганцхан тэмцээнд орсон. Мэдрэмж жаахан муу байна. Нигерийн бөх хамаагүй бяртай байсан. Ерөөсөө дөхөж очиж чадаагүй. Киргизийн бөх дээр санаа байсан боловч бодсоноо хийж чадаагүй. Дотроо бодоод л байсан. Өөрийнхөө барилдааныг гаргаад барилдаарай, чиний барилдаанд таарах хүн байна шүү гэж хэлсэн. 2015 оны барилдааныг минь сануулж, тэр үеийнхээ барилдааныг гаргаарай гэсэн. Дасгалжуулагчид маань сэтгэлээсээ ажиллаж байгаа. Сая буланд хамт гарсан н.Батбаяр, н.Баттулга багш нартаа маш их баярлалаа. Өөртөө их итгэлтэй байсан. Монголчуудынхаа итгэлийг алдсандаа харамсч байна. Монголынхоо ард түмэнд баярлалаа гэж хэлье. Цай сүүнийхээ дээжийг өргөж ард минь байсанд баярлалаа.

Харин Чөлөөт бөхийн шигшээ багийн ахлах дасгалжуулагч Б.Баттулга:

-Зуны олимпийн XXXII наадмын чөлөөт бөхийн төрлийн гурав дахь өдөр өнгөрч байна. Бид нар олимпийн есөн эрх авсан. Жин бүрт дэлхийн шилдэг 16 тамирчин өрсөлддөг. Манай тамирчид аль хэдийнэ хоёр, гурав даваа давж энд ирсэн. Одоогоор бид хүрэл медалийн төлөө барилдаад байна. Маргаашнаас эхлэн дахин гурван өдөр зургаан тамирчин барилдана. Спорт бол бэлтгэлтэй тамирчдын сэтгэл зүйн тулаан байдаг. Бид нарыг дэмжиж байгаа ард түмэндээ баярлалаа. Дараагийн гурван өдөр сайхан барилдаануудыг үзүүлнэ гэдэгтээ итгэлтэй байгаа. С.Батцэцэг эхний үе тактикийн дагуу барилдсан. Хоёрдугаар үед өрсөлдөгчийн дархан мэхэнд ороод оноогоо нөхөх гэж яваад тактикийн алдаа гаргалаа. Бүх тамирчид маань ялахын төлөө явж байгаа шүү.

Энэ мэдээнд өгөх таны сэтгэгдэл?
4
БурууБуруу
2
ЗөвЗөв
1
ХахаХаха
1
ХөөрхөнХөөрхөн
1
ГайхмаарГайхмаар
1
ТэнэглэлТэнэглэл
0
ХарамсалтайХарамсалтай
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-08-04 202.9.47.19

Нүдний булайнууд

Avatar

Зочин 2021-08-04 64.119.29.144

хэдэн тамирчидаа харахаар л хайр хүрээд өрөвдөөд нулимс дүүрээд байхын олигтой дэмжлэг хангамж байхгүй бор зүрхээрээ л эх орныхоо нэрийг гаргана гээд хөлс хүчээ шавхаж яваа агуу хүмүүс….

Avatar

Зочин 2021-08-04 66.181.176.233

Топ 4 спортын хувьд бүр зүйл нь улсын хангамжтай шүү. Дээрээс нь баахан спонсортой. Тийм мөртлөө оролцож байгаагий нь харахаар гоёор хэлбэл гомдоод байх юм, муухайгаар хэлбэл зэвүү дургүй зэрэг зэрэг хүрч байна.

Avatar

Иргэн 2021-08-04 66.181.176.233

Сэтгэл зүй гэдэг нь магтуулахыг хэлээд байгаа юм шиг. Тэгвэл магтуулахаар л байл даа. Спортын сэтгэл зүй гэдэг чинь энэ биш. Хүн бүрийн, тэмцээн бүрийн, бэлтгэлжилтийн түвшин бүрийн онцлогтой уялдсан бүхэл бүтэн ШУ-ны салбар байна. Үүнийг нэвтрүүл. Бүтэн 4 жил тасралтгүй бэлтгэл хий. Тэмцээн бол тэрний чинь зүгээр л сорил. Тэмцээнд ялагдах гэж очдог хүн байхгүй. Ялах гэж очсон гэдгээ гавьяа юм шиг ярих юм. Явлаа, Манайх Ялагдлаа. Ийм л тамирчидтай улс байна. Удирдах арга барилаа ШУ ч болго.

Avatar

Зочин 2021-08-04 98.215.126.149

setgelzuigee nem, s e x ee has.

Avatar

Зочин 2021-08-04 122.201.23.75

duurgiin orlogch darga bolson nuhur genet garch ireel dasgaljuulj bariad shal demiishd. Urd n hiij baisan bol odoo ter duurgiin ajilaa l sain hiildee. ene chuluutiin holboo odoo shinechlegdmeer bna.

Avatar

Зочин 2021-08-04 202.126.89.164

Үндэсний бөхийн үндсэн тактик болох зууралдаж зогсох тактик манай бүх бөхийн төрөлд гүн нэвтэрсэн.Энийгээ больчих оо дасгалжуулагч нар аа.Одоо хоцрогдлоосоо сал аа.Бусад орныхноос суралц

Avatar

Зочин 2021-08-04 59.153.114.155

Дараагийн гурван өдөр сайхан барилдаануудыг үзүүлнэ гэдэгтээ итгэлтэй байгаа. гэнээ

Avatar

Зочин 2021-08-04 66.181.160.83

БАТЦЭЦЭГ, УРАНЦЭЦЭГ, АНХЦЭЦЭГ ГЭЭД МАНАЙ ГАЙХАЛТАЙ МОНГОЛ ЭМЭГТЭЙ ТАМИРЧДААРАА БАХАРХДАГ ШҮҮ. ТЭД МААНЬ ХИЙДГЭЭ ХИЙСЭН, УЛС ОРНЫ НЭРИЙГ ДЭЛХИЙД СПОРТООР ОЛОН ЖИЛ ТАХАЛЖ ЯВСАН ТАМИРЧИД. АНХЦЭЦЭГТ ИРЭЭДҮЙ БАЙГАА, ТИЙМЭЭС ДАРААГИЙН ОЛИМПОД ХАРНА. БАТЦЭЦЭГ, УРАНЦЭЦЭГ ХОЁРЫН ТУХАЙД НАС 31 ХҮРЧИХЛЭЭ. ОЛИМПООС АЛЬ АЛЬ НЬ ХҮРЭЛ МЕДАЛТАЙ. ХОЁУЛАА ДЭЛХИЙГЭЭС 4 МЕДАЛЬ АВСАН, ДЭЛХИЙН АВАРГА, ДЭЛХИЙН ХОШОЙ АВАРГА БОЛЖ БАЙСАН ЦАГТАА ЦАЛГИЖ ЯВСАН БҮСГҮЙЧҮҮД. ОДОО ЗАЛУУ ХАЛААГАА БЭЛДЭХ ЦАГ НЬ БОЛЖЭЭ.

Avatar

Бэлтгэл хийх хэрэгтэй. 2021-08-04 103.11.195.34

Бэлтгэл муу, сэтгэл зүй муу. Аврага бол аврага л байх ёстойг Японы зарим жудочид харуулж байна лаа. Ер нь энэ олимпод манайхнаас өөр хөмсгөө шивүүлсэн хүн амьтан бараг харагдаагүй шүү.

NewsMN Гар утасны хувилбар Татах
NEWS.mn

Мэдээллийн эх сурвалж