Чөлөөт бөхийн гурав дахь өдрийн хагас шигшээ барилдаанууд эхэлж, Оросын Заур Угуев болон Э.Бэхбаярыг ялсан Ираны Реза Атри нар барилдав. Хэрэв Иран тамирчин ялсан бол манай тамирчин хүрэл медалийн төлөө дагах барилдаан хийх байсан юм. Гэвч Орос тамирчин 8-3 гэсэн харьцаатай ялалт байгуулж, финалд шалгарлаа. Ийнхүү Э.Бэхбаярын хувьд олимп дуусч байна.

Э.БЭХБАЯР ХҮРЭЛ МЕДАЛИЙН ТӨЛӨӨ ДАГАХ БАРИЛДААН ХИЙХ БОЛОМЖТОЙ

Гавьяат тамирчин Э.Бэхбаяр шөвгийн наймд Ираны Реза Атритай барилдаж, 5-1 гэсэн харьцаатай ялагдав. Хэрэв Ираны тамирчин финалд шалгарвал Э.Бэхбаяр хүрэл медалийн төлөө дагах барилдаан хийх боломжтой болно.

 Э.БЭХБАЯР ШӨВГИЙН НАЙМД ШАЛГАРАВ

Гавьяат тамирчин Э.Бэхбаяр эхний барилдаанаа Арменийн Арсен Арутюняны эсрэг хийж, 6-1 гэсэн харьцаатай яллаа. Манай тамирчин шөвгийн наймд Ираны Реза Атритай барилдана.

Б.ХОНГОРЗУЛ ЭХНИЙ ЯЛАЛТАА АВЛАА

Б.Хонгорзул Францын Матилде Ривьерег 7-5 гэсэн харьцаатай ялж, шөвгийн наймд шалгарлаа.

ӨНӨӨДӨР МУГТ Э.БЭХБАЯР, Б.ХОНГОРЗУЛ НАР БАРИЛДАНА

Монголын баг тамирчдын өнөөдрийн/2021.08.04/ тэмцээний хуваарийг хүргэж байна.

Чөлөөт бөх

• Эмэгтэйчүүдийн 57 кг – Б.Хонгорзул vs Матилде Ривьере/Франц/ – 10.37 цагт
• Эрэгтэйчүүдийн 57 кг – Э.Бэхбаяр vs Арсен Арутюнян /Армени/ – 11.05 цагт

Токио 2020 олимпийн медалийн хүснэгт наймдугаар 3-ны байдлаар

1. Хятад – 32 алт, 21 мөнгө, 16 хүрэл – нийт 69 медаль
2. АНУ – 24 алт, 28 мөнгө, 21 хүрэл – нийт 73 медаль
3. Япон – 19 алт, 6 мөнгө, 11 хүрэл – нийт 36 медаль
4. Австрали – 14 алт, 4 мөнгө, 15 хүрэл – нийт 33 медаль

62.Монгол – 0 алт, 1 мөнгө, 2 хүрэл – нийт 3 медаль