Хариуцлагын гэрээ" байгуулж, караоке, баарыг нээх санал гаргалаа | News.MN

Хариуцлагын гэрээ" байгуулж, караоке, баарыг нээх санал гаргалаа

Хариуцлагын гэрээ" байгуулж, караоке, баарыг нээх санал гаргалаа

Хариуцлагын гэрээ" байгуулж, караоке, баарыг нээх санал гаргалаа

Нийслэлийн Онцгой комисс өнөөдөр цахимаар хуралдлаа. Хурлаар сургууль, цэцэрлэгийн хичээлийн шинэ жилийн бэлтгэл ажил, нийслэлийн хэмжээнд “Хариуцлагын гэрээ” байгуулсан аж ахуйн нэгж, байгууллагын халдвар хамгааллын дэглэмийн хэрэгжилт, хяналт шалгалт, “Ковид-19” халдварын нөхцөл байдал, авч хэрэгжүүлж байгаа арга хэмжээний талаар хэлэлцэв. Энэ үеэр Нийслэлийн Засаг дарга бөгөөд Улаанбаатар хотын Захирагч, Нийслэлийн Онцгой комиссын дарга Д.Сумъяабазар холбогдох шийдвэр гаргаж, хугацаатай үүрэг даалгавар өгсөн юм.

Тухайлбал, сургууль, цэцэрлэгийн байранд ажиллаж байгаа коронавируст халдварын эсрэг дархлаажуулалт, халдвар илрүүлэх шинжилгээний байнгын цэгийг өөр байрлалд шилжүүлэх ажлыг зохион байгуулж, дархлаажуулалт болон шинжилгээний үйл ажиллагааг тасалдуулалгүй явуулах нөхцөл боломжийг бүрдүүлэн ажиллахыг Нийслэлийн Эрүүл мэндийн газар, Дүүргийн Онцгой комиссын дарга нарт өглөө. Мөн нийслэлийн хэмжээнд “Хариуцлагын гэрээ” байгуулсан болон цагийн хязгаарлалтад өөрчлөлт орсон аж ахуйн нэгж байгууллагын халдвар хамгааллын дэглэмийн хэрэгжилтэд тавих хяналт шалгалтыг зохион байгуулж, захирамж зөрчсөн, гэрээгээр хүлээсэн үүргээ биелүүлээгүй, аж ахуйн нэгж байгууллага, хуулийн этгээдэд тухай бүр хариуцлага тооцож ажиллахыг Улаанбаатар хотын Захирагчийн ажлын алба болон холбогдох албаны хүмүүст үүрэг болгов.

Түүнчлэн Улаанбаатар хотын Захирагчийн ажлын албанаас "Хариуцлагын гэрээ" байгуулж, караоке, баарыг нээх саналыг Хотын даргад уламжилсан юм. Нийслэлийн Засаг дарга бөгөөд Улаанбаатар хотын Захирагч Д.Сумъяабазар “Эдгээр байгууллагатай дуу, бүжгийн нэмэлт тоног төхөөрөмж, талбайг ашиглахгүйгээр зөвхөн баар, лоунж, пабны чиглэлийн үйл ажиллагаа эрхлэх, халдвар хамгааллын дэглэмийг мөрдөх чиглэлээр “Хариуцлагын гэрээ” байгуулж, үйл ажиллагааг үе шаттай эхлүүлэх ажлыг зохион байгуулах боломжтой. Хамгийн гол нь халдвар хамгааллын дэглэмийг чанд мөрдөх шаардлагатай” гэв.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

Энэ мэдээнд өгөх таны сэтгэгдэл?
3
ТэнэглэлТэнэглэл
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-03 66.181.164.175

Баар караоке Монгол улсад хэрэггүй эрхэлэгчид дэлгүүр юмуу өөр үйчилгээгээр солих хэрэгтэй

Avatar

ганаа 2021-08-03 192.82.76.45

энэ хүн яасан хэцүү хүн бэ монголчуудын амь насыг бодох сэтгэл ёстой алгаа корона их байхад больж үз бөх гэхээр ийм тэнэг шийдвэр гаргадаг юм уу эсэргүүцэж бна

Avatar

Зочин 2021-08-03 202.126.90.131

Tui chert, erguu hulgaichid

Avatar

Зочин 2021-08-03 66.181.160.73

buruu shiidver gargaj baina daa yuniihan hariuclaga baihavdee bituu orchin hamgiin ersdeltee dahin neg jil zogsooh hergegtee tiim chuhal salbar bish shuudee hereg tovog agsam sogtuu heruul zodoon oor shidgui hedhen hunii erh ashigiig hyzgaarlaj bolon shuudee

Avatar

Зочин 2021-08-03 202.131.7.231

Nuguu kinoteatr uzver uzdeg shigee dahiad taraaj hayah nidee

Avatar

зочин 2021-08-03 66.181.181.78

ХЭРЭГГҮЙ ЭЭ!!! КОВИД ӨДӨРТӨӨ ХАМГИЙН БАГАДАА 1000-ААС БУУХГҮЙ БАЙХАД
БААР, КАРАОКЕГ НЭЭЖ БОЛОХГҮЙ. ЭНД Л ХАЛДВАРЫН УУРХАЙ ҮҮРЛЭДЭГ.
АРХИ, НУС ЦЭР, ХАНИАД ТОМУУ, ХАЛДВАР БҮГД ЭНДЭЭС ТАРНА.
НӨГӨӨ СУРГУУЛЬ ЦЭЦЭРЛЭГ АЖИЛ ХӨДӨЛМӨР ТАГ ЗОГСОНО. ЭРГЭЭД Л ХӨЛ ХОРИО

NewsMN Гар утасны хувилбар Татах
NEWS.mn

Мэдээллийн эх сурвалж