Засгийн газрын өгсөн чиглэл, УОК-ын шийдвэрээр гадаа талбайн спортын арга хэмжээ, тэмцээн уралдааныг үзэгчгүй, халдвар хамгааллын дэглэм дор, холбогдох хүмүүсийн зөвшөөрлөөр зохион байгуулахаар болсон билээ. Үүнтэй холбогдуулан аймаг, бүсийн хурдан морины уралдаанууд зарлагдаж эхэлжээ.

• Сэлэнгэ хурд – 2021

Төвийн бүсийн хурдан морины зуны уралдаан Сэлэнгэ хурд – 2021 нь наймдугаар сарын 6-наас 8-ны өдрүүдэд зохион байгуулагдахаар болжээ. Энэхүү уралдаанд морьдыг сэрвээний өндрөөр нь хэмжиж уралдуулахаар болжээ.

• Гиннесийн уралдааны 8 жилийн ойн уралдаан

Монголын морин спорт уяачдын холбооны 25 жилийн ой, Гиннесийн уралдааны 8 жилийн ойн хурдан морины уралдаан Дорнод аймгийн Хөлөнбуйр суманд наймдугаар сарын 6-наас 8-ны өдрүүдэд явагдана. Энэхүү уралдаанд морьдыг мөн сэрвээний өндрөөр нь хэмжиж уралдуулах аж.

• ММСУХолбооны 25 жилийн ойн уралдаан

Монголын морин спорт уяачдын холбооны 25 жилийн ой, Гиннесийн уралдааны 8 жилийн ойн хурдан морины уралдаан Ховд аймгийн Буянт сумын нутаг “Цалуугийн дэнж” хэмээх газарт наймдугаар сарын 6-наас 8-ны өдрүүдэд зохион байгуулагдана. Морьдыг сэрвээний өндрөөр нь ялгаж уралдуулах гэнэ.