“Mongolia House” апп-ыг ашиглаад Хакүхогийн гэрээр зочлоорой | News.MN

“Mongolia House” апп-ыг ашиглаад Хакүхогийн гэрээр зочлоорой

Токио 2020

“Mongolia House” апп-ыг ашиглаад Хакүхогийн гэрээр зочлоорой

“Mongolia House” апп-ыг ашиглаад Хакүхогийн гэрээр зочлоорой

Монголын үндэсний олимпийн хорооноос Токио 2020 зуны XXXII наадамд зориулан бүтээсэн “Mongolia House” аппликейшнээ танилцууллаа. AR технологи дээр суурилан бүтээгдсэн тус аппликейшн нь Японы нийслэл Токио хотноо явагдаж буй олимпийн наадамд оролцож буй Монголын баг тамирчдыг танилцуулах, дижитал орчинд Монголын соёл, өв уламжлалыг таниулах үндсэн зорилготой юм.

ТАТАХ ЛИНК:

iOS: https://apps.apple.com/us/app/mongolian-house/id1576716558

Android: https://play.google.com/store/apps/details

Уг апп-ыг МҮОХ нь AR технологи хөгжүүлэлтийн чиглэлээр тэргүүлэгч Аргун ХХК-тэй хамтран бүтээжээ.

Олимпийн наадамд оролцож буй улс орнууд өөрсдийн улс, соёлоо танилцуулах зорилгоор тусгай орчин, байшин засдаг уламжлалтай. Манай улс ч 2020 оны Олимпийн наадамд өөрийн улсыг сурталчлах “Mongolia House” төслийг хэрэгжүүлэхээр бэлтгэл ажлаа хангаж, Токио цамхагийн дор засахаар ажиллаж байсан юм.

Гэвч цар тахлын улмаас төрөл бүрийн хязгаарлалт дор зохион байгуулагдаж буй энэ удаагийн наадамд манай улс анх удаа уг уламжлалыг дижитал орчинд шилжүүлэх санаачлага гаргаж, ийн аппликэйшнээ танилцуулж байгаа нь энэ юм. Дэлхийн технологийн хамгийн сүүлийн үеийн эрэлттэй чиг хандлагуудын нэг "AR"-ийг ашигласнаар уг апп нь хэрэглэгчдэд гар утсаараа Японы мэргэжлийн сумогийн их аварга Хакүхо М.Даваажаргалын гэрээр аялах боломжийг олгоно. Мөн Токио 2020 наадамд оролцож буй Монголын багийн танилцуулгыг үзэж, Монгол соёлыг танилцуулсан төрөл бүрийн контентыг хүлээн авах боломжтой ажээ.

“Өнгөрсөн жил явагдсан ОУОХ-ны чуулганы үеэр Монгол улс анх удаа дижитал хэлбэрээр улсаа танилцуулах зорилготой байгаагаа зарласан нь ийн биеллээ олж байна. Виртуал орчинд Монголчуудын бахархал болсон, тэр дундаа сумогийн их аварга Хакүхо М.Даваажаргалын гэрийг AR технологийн тусламжтайгаар хэрэглэгчдийн гарт ойртуулж байгаадаа баяртай байна. Дэлхийн өнцөг булан бүрээс апп-ийг маань хэрэглэгчид уг гэрт орж, машид нарийн урласан хийц, чамин тансаг эдэлбэр бүрийг нь мэдрэх боломжтой. Энэ апп таныг Монголын өнө эртнээс уламжлалтай түүх соёлтой танилцуулахаас гадна спортын арвин амжилтыг маань хуваалцах боломжийг олгох болно” хэмээн уг апп-ийг санаачлагч ОУОХ-ны гишүүн, МҮОХ-ны тэргүүн дэд ерөнхийлөгч Б.Баттүшиг онцлон тэмдэглэв.

Уг апп нь Монгол, Англи, Япон хэл дээр ашиглагдах боломжтойгоос гадна "iOS", "Android" үйлдлийн системд бүрэн нийцэн ажиллана. Технологийн дэвшлийг өв соёлолтой хослуулан дэлхийд таниулах боломж олгосон уг төслийн алтан ивээн тэтгэгчээр “Скайтел”, “И-Март”, “Хас Банк”, “Ачит Ихт” ХХК-ууд ажилласан бол мөнгөн ивээн тэтгэгчээр “Богд Банк”, “Аргун”, “МПлас”, “iLaw” компаниуд ажилласан байна.

Энэ мэдээнд өгөх таны сэтгэгдэл?
7
ЗөвЗөв
1
ХарамсалтайХарамсалтай
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-02 202.126.88.147

Virtualaar Olymp bolj bga ene ued uneheer sain Mongoloo surtalchilah shiidel bolson bn.Bayr hurgey

Avatar

Зочин 2021-08-02 59.153.86.5

Хакухогийн гэрт зочилж болохгүй бна даа

Avatar

Зочин 2021-08-02 66.181.176.23

neg ch olitoi ajilladag app bdguin ene ylsad

NewsMN Гар утасны хувилбар Татах
NEWS.mn

Мэдээллийн эх сурвалж