Морин спортоор дэлхийд өрсөлдөх Монголын баг, тамирчид өнөөдөр /2021.08.01/ ОХУ-ыг зорьж байна. Энэ удаагийн тэмцээнд гурван хүний бүрэлдэхүүнтэй эрэгтэй, эмэгтэй багаас бүрджээ.

Багш, дасгалжуулагч Д.Ариунболдоор ахлуусан эрэгтэй баг 2019 онд 17 орон оролцож, өрсөлдсөн Дэлхийн аварга шалгаруулах тэмцээнд дэд байр эзэлсэн амжилттай оролцсон. Тэмцээний талаар Монголын багийн дасгалжуулагчаас тодруулахад "ОХУ-ын нийслэл Москва хотод жил бүр "Джигиты" буюу Морьтны ДАШТ-ийг зохион байгуулдаг. Тэмцээнд Герман, Англи, Франц, Голланд зэрэг дэлхийн олон улсын тамирчид өрсөлддөг.

Монгол Улсын баг 2019 онд анх удаа очиж, хүрэл, мөнгөн медаль хүртсэн. Энэ жил даагаа нэхэх гээд эмэгтэй, эрэгтэй хоёр багийн зургаан тамирчинтай явж байна. Энэ жилийн тэмцээнийг 2021 оны наймдугаар сарын 6-8-ны өдрүүдэд зохион байгуулна" гэв.

Энэ удаагийн эрэгтэй багт:

• А.Даваажаргал,
• Э.Билгүүн,
• О.Отгонбаатар

Эмэгтэй багт

• О.Уугантуяа,
• Э.Гантүлхүүр,
• Д.Ангирмаа нар оролцож байна.