Олон улсаас Кубад тусламжийн бараа илгээж байна | News.MN

Олон улсаас Кубад тусламжийн бараа илгээж байна

Олон улсаас Кубад тусламжийн бараа илгээж байна

Олон улсаас Кубад тусламжийн бараа илгээж байна

“Covid-19”-ийн халдварын тоо улам бүр нэмэгдэж, эдийн засгийн хүнд байдалд орсон зэрэг олон таагүй нөхцөлтэй нүүр тулгараад буй Куба улс энэ долоо хоногт Мексик, ОХУ, Боливи улсуудаас илгээсэн хүнсний болоод эмнэлгийн тусламжийг хүлээн авсан юм. Тухайлбал, 1000 тонн шош, амьсгалын аппарат зэргийг тээвэрлэсэн Мексикийн тэнгисийн цэргийн хөлөг онгоц өчигдөр /7.30/ тус улсад хүрчээ. Куба улсын Дотоод худалдааны сайд Бетси Диаз ачааг хүлээн авах үеэрээ Мексик улс нэмж хоёр амьсгалын аппарат явуулахаар болсныг нийтэд дуулгажээ.

Хөлөг онгоцны ачаа хүлээн авах ёслолын ажиллагааны үеэр Кубын худалдааны сайд Родриго Малмиерка “Би Мексикийн Ерөнхийлөгч Андрес Мануэль Лопес Обрадорт хувийн зүгээс талархал илэрхийлж байна. Тэрбээр манай улсыг хяхан боогдуулах байдлыг эсэргүүцэж ирсэн. Энэхүү эсэргүүцлээ ч нотлон  харууллаа. Таны сэтгэлийн дэм Куба улсыг дэмжиж тэтгэх болно” гэжээ.

Хөлөг онгоцоор тусламжийн ачаа тээвэрлэгдэж ирэхээс гурван долоо хоногийн өмнө тус улс орон даяар эдийн засгийн хүнд нөхцөлд туйлдаж, хүний эрхийн ноцтой зөрчилд бухимдсан иргэд нүсэр жагсаал хийсэн юм.

Харин Куба улсын эрх баригчдын зүгээс энэхүү жагсаалыг АНУ-ын гар хөл бологчид улс орны хүнд хэцүү байдлыг ашиглан иргэдийг турхирах замаар өдүүлсэн үймээн гэж үзэж байгаа юм. Мөн АНУ #SOSCuba хэмээх хүмүүнлэгийн тусламжаар Куба улсын эсрэг хэрэгжүүлдэг хориг арга хэмжээгээ халхалж ирсэн бөгөөд үнэн хэрэгтээ Куба улсад үүсээд буй бүхий л зовлон зүдгүүр АНУ-аас үзүүлдэг худалдааны хоригоос үүдэлтэй гэжээ. Харин дээрх улсаас ирүүлж буй тусламжийг жинхэнэ анд нөхрийн тусламж болохыг онцолжээ.

Харин энэхүү тусламжийн талаар Куба улсын эдийн засгийн алдартай блогч Педро Монреал өөр байр суурьтай байгаа юм. Тэрбээр “Тусламж манай улсад эрүүл мэнд, эдийн засаг, улс төрийн ноцтой нөхцөл байдал үүссэн энэ цаг үед ирсэн нь сайшаалтай юм. Энэ нь хүмүүнлэгийн яаралтай тусламж болохын зэрэгцээ улс төрийн нөхцөл байдлыг зөөлрүүлэх эерэг үр дүнтэй байна. Гэвч нөхцөл байдлыг бүтнээр харахад үүний хувь нэмэр өчүүхэн болохыг та ойлгоно” гэжээ. Мөн Кубын эдийн засагч Рикардо Торрес Вьетнамын илгээхээр амласан 12 мянган тонн будааг нэг хүнд 900 орчим грамм болж очихыг тооцоолжээ.

С.НАРАНГАРАВ

Эх сурвалж: Reuters

Энэ мэдээнд өгөх таны сэтгэгдэл?
3
ЗөвЗөв
3
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2021-07-31 59.153.86.29

1950, 1960-иад ОНЫ ЗХУ-ыг ДАГАСАН ЕВРОПЫН СОЦИАЛИСТ ОРНУУДЫГ БАРУУНЫХАН " КОММУНИЗМЫН ХИЙ ҮЗЭГДЭЛ ЕВРОПООР ТЭНҮҮЧИЛЖ ЯВНА" ГЭЖ ХЭЛДЭГ БАЙЖ,ТЭР ХИЙ ҮЗЭГДЛИЙН ДЭГЛЭМ БҮХЛЭЭРЭЭ,ҮНДСЭЭРЭЭ 1990-ээд ОНД НУРАН УНАЖ ГАЗРЫН ХӨРСНӨӨС ҮҮРД АРЧИГДСАН АЖ,ЭНЭ ХИЙ ҮЗЭГДЛИЙГ УДИРДАЖ БАЙСАН КОММУНИСТ НАМУУДЫГ ХОРИГЛОЖ, УДИРДАГЧДЫГ ЦААЗАЛСАН,ЭСВЭЛ ТЭД ЭХ ОРНООСОО ЗУГАТААН ГАРСАН,ЭСВЭЛ ШОРОНД ХОРЬСОН БАЙДАГ АЖ,ХАРИН МАНАЙД ЭНЭ ДЭГЛЭМИЙГ УДИРДАЖ БАЙСАН НАМЫГ ХОРИГЛООГҮЙН ГАЙГ ОДОО БИД АМСАЖ БН, ЭНЭ НАМ ХУУЧИН …

Avatar

Зочин 2021-07-31 202.179.25.148

Нэг хүнд 900гр будаа ч гэх шиг. Бэлгийн морины шүдийг тоолчихын байна л даа ккк

Avatar

Зочин 2021-07-31 66.181.161.52

Манайх ч хэдэн амьсгалын аппарат илүүчлэх боломжтой сайхан шоу хийж болно манайхаас ядарсан сири ливи ирак гээд америкчууд ороод гарсан улсууд бас бх

Avatar

zochin 2021-07-31 150.129.142.123

yadarchikhsan uls gej iim baydag , neg khund 900 gr budaa , manayd khusseneeree awch bayna , tegeed bayalag buteej ajillakhguy murtluu khutsaad l , p***a gewj

Avatar

/*-*/ 2021-07-31 49.0.142.18

Социализм гэдэг чинь ийм л байдаг юм л даа, манайх 1992 онд зах зээлд шилжээгүй бахь байдгаараа үлдсэн бол энэнээс ч дор болох байлаа

Avatar

Зочин 2021-07-31 203.91.115.54

Дэлхийн хамгийн том гүрэн хавчаад, хяхаад байхаар тэгж байгаа юмаа. Социализмдаа ч биш. Бид далай багшийгаа уриад, АНУ-тай нийлж хоёр хөршөө өшиглөөд байвал дорхноо тийм байдалдорно. Эрээнийг хаагаад хэд хоноход л манайд будаа, гурил тасарна шүү дээ. Социализмын үлдэгдэл буянаарбид өдий дайтай яваа байх шүү. Кубад олигарх байхгүй байх, бас үгээгүй ядуучууд байхгүй шүү. Олигархаар тэд нэг их дутаагүй байхоо. Бид л ус үзээгүй гутлаа тайлж давхиад одоо юу ч үйлдвэрлэхгүй, ёстой хэдэн малынхаа буянд

Avatar

Зочин 2021-07-31 66.181.183.157

Арай эндүүрч байна. Ардчилсан америкийн хүчтэй хориг гэж энэ. Хятадыг ч Америк хоригт хийвэл ийм нөхцөл үүснэ. Монгол улсын хажууханд орос 1990 онд аймаар байсан. Америк хориг тавьж ЗХУ-ыг дампууруулж нураасан болохоос хятад биднийг аварсан юм биш.

NewsMN Гар утасны хувилбар Татах
NEWS.mn

Мэдээллийн эх сурвалж