“Буянт-Ухаа” нисэх буудлын цаашдын ашиглалт болон нисэхийн салбарыг танилцуулах "Buyant-Ukhaa air show 2021" өдөрлөг өчигдөр /2021.7.30/ боллоо. Энэ хүрээнд “Буянт-Ухаа” нисэх буудлын зурваст бага оврын агаарын хөлгийн үзүүлбэр болсон юм.

Олон нийтэд нээлттэй зохион байгуулсан тус үйл ажиллагаанд хүмүүс халдвар хамгааллын дэглэмээ баримталж гэр бүлээрээ зорин очжээ. Нисэх зурваст агаарын хөлгүүдтэй танилцахаас гадна бэлтгэсэн үзүүлбэр нь иргэдийн сонирхлыг ихэд татаж байлаа. Цар тахлын нөхцөл байдалтай холбоотойгоор зай барих, амны хаалтаа зүүхийг үйл ажиллагааг зохион байгуулагч нар сануулж байсан бөгөөд нислэгийн зурваст нэвтэрч зургаа авахуулах боломжоор хангаж байсан юм. Тиймээс олон нийтийн зүгээс дараа дараагийн жил уламжлал болгон зохин байгуулах шийдвэр нь зөв гэж хэлж байлаа.

Гэрэл зургийг Л.ЭНХ-ОРГИЛ