Самар түүхээр яваад сураггүй болсон иргэн өнөөдрийг хүртэл олдоогүй байна. Тодруулбал, Сэлэнгэ аймгийн Ерөө сумын Бугант багийн Өнчин толгой гэх газарт 29 настай эрэгтэй Б нь самар түүхээр яваад алга болжээ. Онцгой байдлын албан хаагчид цагдаагийн байгууллагатай хамтран энэ сарын 20-ноос эрлийн ажиллагааг эхлүүлээд буй.

Эрлийн багийнхан Өнчин толгой гэдэг газраас Хотгойн рашаан гэдэг газар хүртэл 20 км-т эрэн хайх ажиллагааг зохион байгуулсан ч үр дүнд хүрээгүй байна. Иймд эрлийн ажиллагааг түр зогсоожээ. Эрлийн багт Онцгой байдал, цагдаагийн албан хаагчдаас гадна сумын Засаг даргын Тамгын газар, Хан-Хэнтий Улсын тусгай хамгаалалттай газрын ажилтнууд  багтаж байгаа юм.