АН: ЗГХЭГ-ын дарга Ц.Нямдорж уучлалт гуйх ёстой

Хуучирсан мэдээ: 2021.07.30-нд нийтлэгдсэн

АН: ЗГХЭГ-ын дарга Ц.Нямдорж уучлалт гуйх ёстой

АН: ЗГХЭГ-ын дарга Ц.Нямдорж уучлалт гуйх ёстой
Ардчилсан намын ээлжит 4/11 мэдээллийн цаг өнөөдөр /2021.07.30/11:00 цагт боллоо. Энэ удаагийн мэдээллийн цагаар улс төрийн намын хууль, Шүүхийн тухай хуультай холбоотой УДШ бүртгэлийн асуудал болон Архангай асуудлаар мэдээлэл өгөв.

АН-ын Ерөнхий нарийн бичгийн дарга Ч.ӨНӨРБАЯР:
-Өмнө нь хоёр ялтан нэгнээ зодоход УИХ-ын гишүүд уйлан дуулаад л гүйж байсан. Тэр үеийн Хууль зүйн сайд, одоогийн ЗГХЭГ-ын дарга Ц.Нямдорж "Энэ ямар бузар булай, аймшигтай зүйл вэ" гээд л халаглаж суусан. Гэтэл өнөөдөр өөрийг нь Хууль зүйн сайдаар ажиллах байх үед буюу 2019 онд хүний эрхийг ноцтойгоор зөрчиж, иргэдийг тамлах зовоосон цагдаагийн албан хаагчдыг тэр хүн мэдээгүй өнгөрсөн байх гэж. Тэр үед цагдаагийн байгууллагыг удирдаж,  хууль зүйн салбарыг толгойлж байсан хүмүүс энэ асуудлыг мэдээгүй өнгөрүүлсэн байна. Ийм хариуцлагагүй байх таарахгүй. Одоо ЗГХЭГ-ын дарга өрөөндөө уйлаад л сууж байгаа байх гэж найдаж байна. Одоо энэ хүмүүст хариуцлага тооцох ёстой.
Өнөөдөр иргэдийнхээ эсрэг хүчирхийлэл үйлддэг, хүний эрхийг ноцтой зөрчдөг, цагдааг өөгшүүлж байсан Хууль зүйн сайд, Ерөнхий сайдад хариуцлага тооцох ёстой. Цагдаа иргэдээ хамгаалдаг болоход төр юу хийсэн бэ? Хууль сахиулах тогтолцоог өөрчлөх бодлого үгүйлэгдэж байна. ЗГХЭГ-ын Ц.Нямдорж олон нийтээс уучлалт гуйх ёстой.  Ерөнхийлөгч У.Хүрэлсүх "Монголын хамгийн үнэтэй баялаг бол ард түмэн" гэж хэлсэн. Тиймээс сайд дарга нартаа хариуцлага тооцооч ээ.
Мөн саяхан Архангай аймагт АН-ын зарим нэг хүмүүс эрх баригч нартай нийлж, Засаг даргаа хууль бусаар огцруулсан. Энэ асуудалд намын үндсэн дүрмээрээ хариуцлага тооцох ёстой. Намын үндсэн дүрмийг зөрчсөн хүмүүстэй намын удирдлага бус Үндсэн дүрмийн хороо хариуцлага тооцдог. Хорооноос холбогдох арга хэмжээг авч, ийм зөрчил гаргуулахгүй байх үүднээс олон нийтэд мэдээлэх ёстой.

“Л.ОЮУН-ЭРДЭНИЙН ЗАСГИЙН ГАЗАР БОЛ ЭНТЕРТАЙНМЕНТ, ПИ-АРЫН ЗАСГИЙН ГАЗАР”

АН-ын дэд дарга О.ЧУЛУУНБИЛЭГ:

-Үе үеийн Ерөнхий сайдууд өөрийн Засгийн газраа байгуулж, албан бусаар Засгийн  газартаа нэр өгдөг. Жишээлбэл, шинэчлэлийн Засгийн газар, эвлэлийн Засгийн газар гэх мэт. Өнөөдөр Ерөнхий сайд Л.Оюун-Эрдэнийн Засгийн газар ямар бодлоготой, нэртэй гэдэг нь огт тодорхойгүй. Хийж байгаа үйл явдлуудыг харахаар энтертайнмент, пи-арын Засгийн газар байна. Бодлогын шинэчлэлийг ярихаас илүүтэй гоё реклам, клип, сошиал троллуудаар ажлаа хийж байна. Гэтэл эдийн засаг хэрхэн хямарч, иргэд яаж амьдарч байгаа билээ. Монгол төрийн бүх стандарт доошоо уналаа. Нэг журам, хаалга барьчихаад “Агуу бүтээн байгуулалт, ажил хийчихлээ” гэж сурталчилдаг. Ард түмний амьдралыг сайжруулах ажлаа хийгээч ээ. Энэ чигээрээ явбал Монгол Улсын эдийн засаг түүхэнд байгаагүй уналтад орлоо.

Ардчилсан намд Улс төрийн намын хуульд өөрийн санал бодлоо оруулах, хуулийг шинэчлэх ажлын хэсэг байгуулагдсан. Өнөөдрийн улс төрийн намууд бүх нөөцөө шавхсан. Цаашдаа шинэчлэгдэхгүйгээр явах ямар ч боломжгүй. Ганц гарц нь Улс төрийн намын тухай хуулийг шинэчлэх юм. Тэгэхээр тоглоомын дүрмээ шинэчилье. Хамгийн багадаа 10-15 зүйлийн суурь шинэчлэлийг хийх ёстой гэж харж байна.

Нэгдүгээрт, улс төрийн намууд гишүүнчлэлгүй болох. Хоёрдугаарт, улс төрийн бүх намууд баруун, зүүн үзэл баримтлалаараа ялгарах ёстой. Гуравдугаарт нам өмчгүй байх ёстой. Дөрөвдүгээрт, төрийн шийдвэр гаргаж байгаа өмчтэй холбоотой үйл ажиллагаанаас хол байх ёстой. Тавдугаарт, хамгийн олон итгэл үнэмшилтэй хүмүүсийг намдаа нэгтгэдэг байх ёстой. Ерөнхийдөө намын хатуу гишүүнчлэлээсээ татгалзаж, дэмжигч гишүүнтэй болох ёстой. Ардчилсан нам 180 мянган гишүүнтэй МАН 200 орчим мянга гэж байгаа. Ардчилсан намын гишүүдийн ихэнх нь үнэт зүйлээ нэгдсэн байдаг. Эдгээр гишүүдээс хэн нь татвараа төлөх юм, хэн нь дэмжигч гишүүн байх вэ гэдгийг зохицуулна.

Энэ мэдээнд өгөх таны сэтгэгдэл?
16
ЗөвЗөв
9
ХахаХаха
8
ТэнэглэлТэнэглэл
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж