“Цар тахалтай дасан зохицож, хичээл сургуулиа нээе” | News.MN

“Цар тахалтай дасан зохицож, хичээл сургуулиа нээе”

“Цар тахалтай дасан зохицож, хичээл сургуулиа нээе”

“Цар тахалтай дасан зохицож, хичээл сургуулиа нээе”

Ирэх есдүгээр сарын 1-нд хичээл орох уу гэх асуудал эцэг эх, олон нийтийн анхаарлын төвд байна. Цар тахлын нөлөөнд хамгийн их хохирсон хүмүүс бүл хүүхдүүд. Хүүхдүүд хоёр жил шахам зайнаас суралцсан ч улсын хэмжээнд хичээлийн хоцрогдолтой 174 мянган хүүхэд бий гэсэн судалгаа гарчээ. Үндсэндээ дэлхийн улс орнуудад цар тахал нүүрлэсэн ч тэд боловсролын салбараа умарталгүй, сурагчдад хохирол багатай даван туулж байна.

Харамсалтай нь, манай улсад боловсролын салбарт үүссэн хичээлийн хоцрогдлыг нөхөхгүй бол ирээдүйд бүхэл бүтэн “харанхуй” үе гарч ирэх эрсдэлтэй юм. Дэлхийн банкны хийсэн судалгаагаар, зөвхөн covid-19-тэй холбоотой хичээлийн хоцрогдлоос үүдэн Монголын эдийн засагт ирээдүйд хоёр их наяд төгрөгийн бодитой хохирол үүснэ гэж дүгнэсэн байна.

ӨВЧНИЙ НӨХЦӨЛ БАЙДЛЫГ ХАРГАЛЗАН ҮЗЭЖ ХИЧЭЭЛ СУРГУУЛИЙН АСУУДЛЫГ ШИЙДНЭ

Энэ жилийн тухайд хичээл хэрхэн орох уу гэдэг нь эцэг эхчүүдийн дунд асуулт хэвээр байна. Ерөнхий сайдын хэвлэлийн төлөөлөгч Ч.Болортуяа “Есдүгээр сарын 1-нд хичээл сургуулийг эхлүүлэх хуультай. Хичээл сургуулийг эхлүүлэхээр бэлтгэл ажлыг хангаж ажиллахыг салбарын сайд, яамдын удирдлагуудад өгсөн. Энэ хүрээнд Л.Энх-Амгалан тодорхой мэдээллийг хүргэсэн. Есдүгээр сарын 1-нд хичээл эхэлнэ гэсэн хүлээлтийг иргэд зөвөөр ойлгох хэрэгтэй. Өөрөөр хэлбэл, "дельта" вирусийн тархалтаас шалтгаалж, хичээл сургуулийн төлөвлөлтийг хийнэ.  Өвчний нөхцөл байдлыг харгалзан үзэж хичээл сургуулийн асуудлыг шийднэ”гэжээ.

Салбар яамнаас ирэх есдүгээр сарын 1-нд хичээл орохоор бэлтгэж байгаа гэдгийг онцолсон. Тухайлбал, Боловсролын сайд Л.Энх-Амгалан “Намрын хичээлийн жилийг хуулийн хугацаанд нээхийн тулд чармайн ажиллана. Есдүгээр сарын 1-нд хичээлээ эхлүүлэхээр аймаг орон нутаг, сургууль цэцэрлэгийн удирдлагуудад чиглэл өгч бэлтгэл ажлаа хангаж байна. Гэхдээ эцсийн шийдвэрийг Засгийн газар гаргана. Бид энэ жилийн есдүгээр сарын 1-нд хичээлээ эхлүүлэхгүй бол хоёр жилийн турш танхимын хичээлийг бүрэн хаасан цөөн хэдэн улсын тоонд орохоор байна” гэжээ.

ХӨЛ ХОРИОНД ХҮҮХДИЙН ЭРХ ХАМГИЙН ИХ ЗӨРЧИГДЖЭЭ

Бодит байдалд теле хичээл ч танхимын сургалтыг орлож, хүүхдүүдийн хичээлийг хоцрогдлыг нөхөж бас нийгэмшүүлж чадахгүй. Монгол Улсын хувьд сүүлийн хоёр хичээлийн жилд дунджаар нийт хугацааны 50 орчим хувийг зайн, теле хичээлээр явуулаад байгаа юм. Хүүхдүүд болсон хойно будаг нь ханхалсан ширээ сандал, анги хамт олноо үгүйлж байгаа. Хүүхдүүдийн хувьд нэг хэсэг нь теле хичээлээ алдаг оног үзэж байхад нөгөө хэсэг нь огт хичээлгүй, хоцорч байна. Нөгөөтээгүүр хүүхдүүд зөвхөн хичээл, сургуулиа алдаж байгаа юм биш. Тэд хаалттай хаалганы цаана гэр бүлийн хүчирхийлэлд өртөж, зарим нь сургууль дээрээ очиж үдийн цайгаар “гол зогоодог” байсныг ч нуух юун.

Хүний эрхийн Үндэсний комиссын 20 дах илтгэлд дурдсанаар “2019 -2020 оны хичээлийн жилд сургуулийн өмнөх болон ерөнхий боловсролын нийт 4113 цагийн теле хичээл, 2020-2021 оны хичээлийн жилийн нэгдүгээр улирлын байдлаар сургуулийн өмнөх болон ерөнхий боловсролын 1084 цагийн теле хичээлийг 16 сувгаар нэвтрүүлжээ.

2020-2021 оны хичээлийн жилд сургуулийн өмнөх насны хүүхдүүд теле хичээлд хамрагдаж чадаагүй шалтгааныг судалжээ. Тухайлбал, нийт 44038 хүүхдийн 8766 нь дэд бүтэцгүй буюу алслагдсан бүс нутагт амьдардаг, 2002 нь тогтвортой цахилгаан хамгамжгүй, 2882 нь зурагт радиогүй гэсэн байна. Харин 21221 сурагч цахилгаан техникийн боломжтой ч теле хичээлд хамрагдаагүй байна.

Мөн хол хорионд хүчирхийлэлд өртөж, түр хамгаалах байр, нэг цэгийн үйлчилгээ авсан хүүхдийн тоо 2-3 дахин өссөн байна. Хүүхдийн эрхтэй холбоотой дараах жишээг хүргэе.

-Манай дүүгийн хүүхэд 12 дугаар ангид суралцдаг. Хичээл цахимаар орж эхэлсэнтэй холбоотойгоор, ээжийгээ ажилдаа явсан хойгуур 20 гаран насны залуутай уулзаж байгаад жирэмсэн болсон бөгөөд таван сар хүртэл нуусан байв. Сургуульдаа явж байсан бол арай  ч ийм зүйл болохгүй байсан юм болов уу. Сургууль бол хүүхдийн аюулгүй байдлыг хамгаалах газар байжээ. /Эцэг эх асран хамгаалагчтай хийсэн ярилцлагаас/

-Сургууль хаагдсан энэ өдрүүдэд ажлн ачаалал огцом нэмэгдсэн. Би бага ангийн багш учраас 48 хүүхэдтэй нэг бүртэй нь цахим байдлаар тулж ажиллах шаардлага гарч байгаа. Өдөр бүр тэдний хийсэн хичээл, даалгаврыг хүлээн авч шалгадаг. Ер нь бага ангийн багш нарын дийлэнх нь эмэгтэйчүүд байдаг. Бид илүү их ачаалалтай болчхоод байгаа юм. /Нийслэлийн … дугаар сургуулийн багштай хийсэн ярилцлагаас/

-Хүүхэд 95 хувийн харааны алдагдалтай. Тэр теле хичээл эхэлсэн цагаас хойш гурван сар өнгөрсөн ч хичээлээ хийж чадаагүй байна. Теле хичээл дандаа сурах бичигтэй холбоотой байдаг. Харин манай хүүхдэд монгол, хэл математикийн ном байхгүй. Дүрс бичлэгийн номоос өөр сурах бичиг байдаггүй. /Харааны бэрхшээлтэй хүүхдийн эцэг эхтэй хийсэн ярилцлагаас/

 

Энэ мэдээнд өгөх таны сэтгэгдэл?
6
ЗөвЗөв
1
ХарамсалтайХарамсалтай
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ss 2021-07-30 64.119.17.144

Eruul saruul bhad buh zuil boloh bh da hotsrogdol ih bgaa ch gesen baga nasniihan hetsuu shu de tomchuul masktai bgaad bj chadah ch 1.5r angiinhan bol unen hudlaa mask zuuj hicheeld yvna gedeg bol henii ch huuhduud korona awch ireh ayul undur

Avatar

Зочин 2021-07-30 192.82.67.233

Ковид ганц хоёр жил болоод өнгөрөх өвчин биш бололтой. ДЭМБ-ынханы ярьж байгаагаар хойшид ч байсаар байх нь. Ковид байхгүй болохоор хичээл сургуулиа хийнэ гэвэл тодорхойгүй хугацаагаар хичээл сургуульгүй гэсэн үг болохнээ. Иймд бүх хүүхдүүд оюутан залуусаа вакцинд хамруулаад маск зүүлгэх, ариутгал хийх г.м-ийн бусад арга хэмжээнүүдийг авч хичээл сургуулиа хэвийн явуульяа. Ковидын өвчлөл гарах л байх түүнийг нь эмчлээд явахаар дадлага туршлага бий боллоо шүү дээ.Цахим хичээл бол худлаа зүйл..

Avatar

Ха ха боловсрол 2021-07-30 202.126.88.212

Боловсрол хэрэггүй эрүүл байхад болноо одоо эзэнгүй сургуулийн барилгыг эмнэлэг болгоо болосрол гэж шал хэрэггүй зүйл гэртээ боловсроход цахимаар боловсроход л болно ккк

Avatar

Коронагаа барьж чадахгүй бж. Юу хуцаад бгаан 2021-07-30 202.55.188.82

Зайлаарай

Avatar

Зочин 2021-07-30 192.82.84.110

Manai mongolchuud dasan zohitsoj chadah yumuudaa ene baigaa baidaliig ni harhad

Avatar

Зочин 2021-07-30 103.80.210.183

эмя эмнэлэгийн байгаа царайг хар даа. УОК нь тахалаа бүүр сулдаа хаячихсан. өвчтэй хүн гарч ирэхэд зүгээр л хаячихсан. нөгөө хүн нь дураараа эм ууж байгаад эдгэрч байна.

Avatar

ami 2021-07-30 192.82.66.41

12 -oos doosh nasnii vaktsin hiilgeegui huuhduud buun ersdel bna shuudee. tgeed ch ene bdlara haldvar byyrahgui bhad bi l lav baga nasnii huuhdee setgel amar yvuulj chadhgui. baga angin huuhdud chn yun haldvar hamgaallaa sahih n btgii hel uursdiguu ch bie daagaa avch chadahdaa muu shuudee. hervee surguuli dr haldvar garval tsaana n bgaa ger ornii humus ajil hiideg av ej ajil gd bugd ersdeld orno tiimees bdoj bj onovchoi shiidver gargah n zuv shuu

Avatar

Зочин 2021-07-30 66.181.161.10

Хүүхүүдээ суруульд явуулчихаад өөрсдөө чөлөөтэй хэсэх гэсэн хариуцлагагүй эцэг, эх байдаг шүү!!!

Avatar

Зочин 2021-07-30 202.126.89.238

Дасан зохицох гэсэн үгнийхээ утга санааг тайлбарла.

NewsMN Гар утасны хувилбар Татах
NEWS.mn

Мэдээллийн эх сурвалж