АНУ, ОХУ-ын талууд "үр дүнтэй" өндөр түвшний уулзалт хийлээ | News.MN

АНУ, ОХУ-ын талууд "үр дүнтэй" өндөр түвшний уулзалт хийлээ

АНУ, ОХУ-ын талууд "үр дүнтэй" өндөр түвшний уулзалт хийлээ

АНУ, ОХУ-ын талууд "үр дүнтэй" өндөр түвшний уулзалт хийлээ

АНУ, ОХУ-ын дээд албан тушаалтнуудын Лхагва гаригт хийсэн уулзалтыг АНУ-ын төрийн департаментаас  "Бодитой бөгөөд мэргэжлийн” яриа хэлэлцээ боллоо гэж дүгнэлээ. Энэ уулзалтаар талууд өнгөрсөн сард Женевт болсон хоёр улсын төрийн тэргүүн нарын уулзалтын үр дүнг хэлэлцэж, армийн хяналт болон стратегийн ач холбогдолтой бусад асуудлуудаар санал солилцсон юм. Тодруулбал, АНУ-ын ерөнхийлөгч Жо Байден, ОХУ-ын ерөнхийлөгч Владимир Путин нар өнгөрсөн сарын 17-ны өдөр Женев хотноо анх удаа уулзсан бөгөөд стратегийн аюулгүй байдлын асуудлаар голчилж ярилцсан байдаг. Тэдний уулзалтыг олон улсын олон асуудалд санал зөрөлдөөнтэй ханддаг хоёр улсын харилцаанд онцын өөрчлөлт авчраагүй гэж үзсэн.

Хоёр улсын төрийн тэргүүн нар Женевт хийсэн уулзалтаараа стратегийн яриа хэлэлцээрээ үргэлжлүүлэхээр тогтсон бөгөөд “Цар тахлын хүнд хэцүү үе тулгараад байгаа ч цэргийн мөргөлдөөн үүсэх эрсдлийг бууруулах, цөмийн зэвсгийн аливаа аюулыг тооцож үзэх нь бидний үүрэг” гэж мэдэгдсэн юм. Тиймээс энэ уулзалт нь талууд цөмийн зэвсгийн аюулаас сэргийлэх асуудлыг адилхан эн тэргүүнд авч үздэгийг харуулж байна" гэжээ.

ОХУ-ын Гадаад хэргийн яам Лхагва гаригийн хэлэлцээрийг “Талуудын хэлэлцүүлэг стратегийн тогтвортой байдлыг хангах, армийн хяналтыг урьдчилан тооцох, эрсдэлийг бууруулах асуудалд чиглэсэн” болохыг онцолсон юм. Харин яриа хэлэлцээрт оролцсон АНУ-ын төрийн департаментын өндөр албан тушаалтан хэлэхдээ “АНУ уулзалтад сэтгэл хангалуун байгаа бөгөөд цаашид ч армийн хяналт болон стратегийн бусад асуудлаар тогтвортой бөгөөд үр дүнтэй яриа хэлэлцээ хийнэ гэдэгт итгэж байна” гэжээ.

Мөн нэрээ нууцлахыг хүссэн нэгэн албан тушаалтан сэтгүүлчдэд мэдээлэхдээ “Уулзалтаар хэлэлцсэн асуудал цөмийн зэр зэвсгийн хяналт зэрэг уламжлалт сэдвээр хязгаарлагдаагүй бөгөөд сансар огторгуй, хиймэл оюун ухаан, цахим ертөнцийн хэрэглээний асуудлыг нарийвчлан ярилцсан. Гэхдээ энэ яриа стратегийн аюулгүй байдлын хүрээнд өрнөснөөс бус хакертай холбоотой аливаа асуудлыг хөндөөгүй” гэв. Цаашлаад урьдчилан таамаглаж байсанчлан ОХУ-ын зүгээс АНУ-ын пуужингийн довтолгооноос хамгаалах системд санаа зовж буйгаа илэрхийлсэн бол АНУ-ын тал энэ систем Орос руу чиглээгүй, харин Иран, Хойд Солонгосоос ирүүлж буй аюул заналхийллээс сэргийлэх зориулалттай гэж хариулжээ.

Хоёр талыг АНУ-ын төрийн нарийн бичгийн даргын орлогч Вэнди Шерман, ОХУ-ын гадаад хэргийн дэд сайд Сергей Рябков нар төлөөлж оролцов. Төрийн департаментын хэвлэлийн төлөөлөгч Нед Прайс есдүгээр сарын сүүлээр дахин өндөр түвшний яриа хэлэлцээ хийхээр тохиролцсоноо мэдэгдсэн юм.  АНУ-ын ажлын баг NATO-гийн холбоотнуудад хэлэлцээрийн үр дүнг илтгэхээр энэ Пүрэв гаригт Брюселлийг зорих аж.

С.НАРАНГАРАВ

ЭХ СУРВАЛЖ: ASSOCIATED PRESS NEWS

Энэ мэдээнд өгөх таны сэтгэгдэл?
6
ЗөвЗөв
2
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Заагч 2021-07-29 202.9.46.84

Орос америкийн харилцаа сайжирвал хог вирус хятадад ашиггvй ба муу байгаасай гэж хог хятадууд залбирах байх хог вирус хятадыг устгавал дэлхий цэвэршиж вирус устана.

Avatar

зочин 2021-07-29 64.119.31.172

путлерийг төрийн эрхэнд байсан цагт орос америк 2 ойртож чадахгүй. путлер орос орныг хятадын хармаанд их гүн хийсэн, орос бол одоо хятадын утсан хүүхэлдэй болсон

Avatar

Зочин 2021-07-29 202.21.108.24

Орос Америкын харилцаа сайжирахад Хятад уурсана. Урд нь дээрхи 2 муудахад хамгийн их ашиг унагаасан нь Хятад.

Avatar

Зочин 2021-07-29 103.212.118.169

Энэ удаа Орост ч ашигтай, Америкт ашигтай хэлцэл хийжээ. Харин хятад сүйрч мэдэхээр боллоо.

Avatar

Хаха 2021-07-29 202.21.109.120

УГ НЬ ГОЛ ДАЙСАН ТОДОРХОЙ БАЙНА ХЯТАД

Avatar

Монгол цэргийн салбарт төвийг сахь 2021-07-29 172.58.228.27

Тэгж байж л их гүрнүүдийн дарамт шахалтаас тусгаар тогтносон бүрэн эрхээ хамгаална. Аль нэгэнтэй нь хамтран ажиллавал эрхэнд нь орно, ялангуяа Хятад Орос той тусдаа болон хамтран Монголыг мэдэлдээ байлгах сонирхолтой улсууд. Тэнцвэржүүлэх 3 дах хөрш стратегийн холбоотнуудтай харилцаагаа хязгаарлуулахгүй байх нь чухал

Avatar

Зочин 2021-07-29 202.21.109.115

УГ НЬ ТЭГМЭЭР ЮМ

Avatar

Зочин 2021-07-29 139.5.219.52

Орос цагаа тулахаар Америкийн талд орно. Хятадын коммунистуудын түрэмгий харгис бодлогын эсрэг дэлхийн хоёрдугаар дайны гол тоглогчид нийлээд эхэлсэн бололтой. Монгол улс хятадаас зайгаа зөв барих хэрэгтэй. Юу юуны туханд хүрэлгүй зэс, нүүрсээ аваач гэж гуйж гүйх хэрэггүй.

Avatar

Зочин 2021-07-29 103.212.118.169

Тийм шүү зөв. Хятад ашигтай байгаа бол нүүрс, зэсийн баяжмал авах гээд гуйгаад ирнэ. Хятадыг гуйхгүйхэн шиг тэдний өөрсдийнхөн зангаар тааруулаад нүүрс, зэсээ харах хэрэгтэй. Авахгүй бол тэр л биз, гуйж очоод хэрэггүй. Хятад дотор манай баялагаас ашиг олдог хэсэг нөхөд бий. Тэр ашиг олдог нөхөд өөрсдөөө авах гээд, ашгаа алдахгүй гээд гуйгаад ирнэ. Хятад мэтийн улсад ашгийн төлөө амиа өгөх нөхөд олон зуун саяараа бий.

NewsMN Гар утасны хувилбар Татах
NEWS.mn

Мэдээллийн эх сурвалж