7 хоног бэлтгэл хийх гэж яваад 4 сарын дараа олимпийн аварга болж харив | News.MN

7 хоног бэлтгэл хийх гэж яваад 4 сарын дараа олимпийн аварга болж харив

7 хоног бэлтгэл хийх гэж яваад 4 сарын дараа олимпийн аварга болж харив

7 хоног бэлтгэл хийх гэж яваад 4 сарын дараа олимпийн аварга болж харив

Токио-2020 олимпийн регбигийн эрэгтэйчүүдийн аварга баг өчигдөр/2021.07.28/ тодорлоо. Алтан медалийн төлөө Фижи болон Шинэ Зеландын багууд учраа тааран тоглож, 27-12 гэсэн харьцаатай Фижи улс ялалт байгуулан аваргаа хамгаалан хоёр дахь удаагаа олимпод түрүүлэв. Харин хүрэл медалийг Өмнөд Африкийн баг АНУ-ыг ялж, хүртжээ.

2016 онд Бен Райан хэмээх эрхэм Фижигийн багийг дасгалжуулж олимпод түрүүлсэн бөгөөд 2017 оны нэгдүгээр сард Уэльс мэргэжилтэн Гарет Бабер түүнийг ажлыг авч, шигшээ багийг удирдах болжээ.

Гарет Бабер алтан медаль хүртсэнийхээ дараа “Бидний амжилт үүгээр тогтохгүй. Олимпийн наадамд бид их урьдаас бэлдэж эхэлсэн. Сүүлийн дөрвөн жил хагасын хугацаанд өдөр бүр л түрүүлэх ёстой гэсэн дарамт мэдэрч амьдарлаа. Хэрэв түрүүлж чадахгүй бол яаж Даваа гаригт ажилдаа очно доо гэж бодож байсан шүү. Хэдийгээр бид жижиг улс ч гэсэн баялагтай, санхүү мөнгөтэй улсуудыг ялж чадаж байна. Фижигийн ард түмэн бидний амжилтаар бахархаж байгаа гэдэгт итгэлтэй байна. Бид эх орондоо, гэр бүлдээ, хайртай хүмүүстээ бэлэг барьж чадлаа. Бид чинь тосгондоо, далайн эрэг дээр л бэлтгэлээ хийдэг” гэжээ.

2016 онд Фижи улсын регбигийн баг тамирчид эх орондоо ирэхэд онгоцны буудал дээр тэднийг маш олон хүн угтан авч байсан бол энэ жил "Covid-19"-ийн улмаас тамирчид ирсэн даруйдаа 14 хоногийн тусгаарлалтад орох аж.

Бабер дасгалжуулагч дөрөвдүгээр сарын эхээр Сува хот дахь Христийн зочид буудалд тамирчдаа цуглуулж, нэг долоо хоногийн бэлтгэл хийх төлөвлөгөөтэй байжээ. Гэвч улс оронд нь "Covid-19"-ийн халдвар эрчимтэй дэгдэж, багаараа тусгаарлагджээ. Тэр цаг үеэс хойш тамирчид, дасгалжуулагчид гэр бүлтэйгээ уулзаагүй байна.

Эх орондоо бэлтгэл хийх боломжгүй болсон учир Фижигийн регбигийн баг Австрали руу явж, хэсэг хугацаанд бэлтгэл хийжээ. Эргэж эх орондоо ирэн Токио руу нисэх гэсэн боловч Фижи улс агаарын хилээ хаасан гэнэ. Ийнхүү тэд Токио руу хөлдөөсөн загас ачсан онгоцонд суун ирсэн аж.

Бабер энэ талаараа ярихдаа “Дөрөвдүгээр сарын 5-ны Улаан өндөгний баярын өдөр бид бэлтгэлээ эхлүүлсэн. Гэвч халдварын нөхцөл байдал хурдацтай муудсан. Тэр цаг үеэс хойш тамирчид маань гэр бүлтэйгээ уулзаагүй. Бид тусгаарлалтад байх үеэр тамирчид маань оргоод гэр бүл рүүгээ явахад бэлэн байсан. Тэр үед нэг дасгалжуулагч маань ‘Та нар ингээд явбал бүх зүйл дуусна. Бид олимпод орж чадахгүй’ гэж хэлсэн. Ийнхүү бид гурав, дөрөв хоногийн дотор гэнэтийн шийдвэр гаргаж, Австрали руу явах болсон” хэмээжээ.

Гарет Бабер багийнхантайгаа хамт Фижи руу явахгүй бөгөөд тэрбээр Уэльс рүү явж, гэр бүлийнхэнтэйгээ уулзах гэнэ. Тэр гэр бүлтэйгээ нэгдүгээр сарын 3-наас хойш уулзаагүй гэжээ.

Энэ мэдээнд өгөх таны сэтгэгдэл?
31
ЗөвЗөв
6
ХөөрхөнХөөрхөн
6
ХарамсалтайХарамсалтай
3
ХахаХаха
3
ГайхмаарГайхмаар
1
БурууБуруу
0
ТэнэглэлТэнэглэл
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-29 64.119.19.181

Бэлтгэл хийх гэж гэрээсээ гараад 4 – хөн сарын дараа Олимпын аврага болоод эргэж очдог аавын хүүдүүд байдаг л юм бн. Байх байхдаа бүүр 10-20 -иороо байдаг юм бн.Манай улстай харьцуулахын аргагүй ядуу боломж муутай , ямарч хөх толбогүй, түүхгүй аралын хүүхдүүд гэнэ.Гэтэл манайхан бүхэл бүтэн нэгэн Жараны турш бүх юмаараа хангуулж бүх амьдралаа улсад даатгаж хэдэн мянга мянгаараа үеээс үе дамжуулан ноцолдож ноололдоод ганцхан алтан медальтай сууж байдаг яасан ч арчаагүй чадваргүй хүмүүс юмб дээ.

Avatar

Зочин 2021-07-29 192.82.69.244

Эрийн 3 наадамд нь бөх харваа 2 бдаг үндэсний спорт л гээд бдаг. Цалин авна бэлтгэл хийх орчин үнэгүй байрлах байр хоол үнэгүй ЕС нь хөтлөөд онгоцоор нь ачаад явна. ЕС дэмжиж үзэж сууна. Үр дүн оролцон гэдэг нь гайхамшиг гэж ярина.

Avatar

Зочин 2021-07-29 202.9.40.166

1 сая хүн амтай, хариугүй жаахан нутаг дэвсгэртэй эдийн засаг нь ядуухан энэ улс олимпын аварга болж чадаж байна. Мөн 1 сая хүн амтай хариугүй жаахан газар нутагтай ядуу эдийн засагтай Косово гэдэг жижиг улс жудогоор 2 алт авч болж байна. Гэтэл 3 сая хүн амтай, асар том газар нутагтай, баян эдийн засаг нь гайгүй бас бөхийн удамтай монголчууд олимпод яагаад амжилт олохгүй байна вэ.

Avatar

Зочин 2021-07-29 59.153.114.110

ш** муу малаа…

Avatar

Зочин 2021-07-29 202.126.88.43

Олимпын наадмын дэвжээнд хэн дуртай нь гардаггүй юм.Яасан барьцамхай атаархуу хүн бэ та.Монголчууд чадлынхаа хэрээр барилдаж байна.

Avatar

Зочин 2021-07-29 203.91.115.56

Рагьби.

Avatar

Зочин 2021-07-29 150.129.140.91

gants yalval hoorood boon yum bolno.Yalagdsan taldaa ih muuhai handana. Tegeed yalagdval devjee nudeed orilj barhiraad huvtsaa tailj shidleed suid bolno. yag temtseendee idevhgui unjgar baidal gargana.Tegeheer HAMGIIN 1T setgel zuin asuudal bnaaa manai tamirchdad!!!

Avatar

Зочин 2021-07-29 64.119.19.251

Хүний хүүхдүүд нэг иймэрхүү байдаг!! 20, 30- уулаа нэг зэрэг алтан медаль авчих юмаа!!?? Манай хүүхдүүд тувт луйвардуулана!

NewsMN Гар утасны хувилбар Татах
NEWS.mn

Мэдээллийн эх сурвалж