Оросын холбооны улсад бензиний үнэ их хэмжээгээр өссөн тул тус улсын Засгийн газар АИ-95, АИ-98 автобензиний экспортыг есдүгээр сарын 1-н хүртэл түр хязгаарласан байна. Энэ шийдвэртэй холбоотойгоор өнөөдөр /2021.7.29/  Ашигт малтмал, газрын тосны газраас мэдээлэл хийхээр боллоо.

Монголд дээрх шатахууны ердийн хэрэгцээний 45 хоногийн нөөц байгаа аж. Иймд АИ-95, АИ-98 шатахууныг БНХАУ-аас импортлохоор бэлтгэж байна гэж Засгийн газраас мэдээлэв.

Харин БНХАУ-д долдугаар сарын 5-ны өдрийн байдлаар АИ-92 шатахууны литр тутмын үнэ 3270 төгрөг, дизель түлшний литр тутмын үнэ 2883 төгрөг тус тус байгаа юм. БНХАУ-ын хувьд он гарснаас хойш шатахууны үнэ нийт 12 удаа нэмсэн бөгөөд экспорттой холбоотой ямар нэгэн мэдээлэл гаргаагүй байна.