Ц.Анударь 29-р байр, О.Гүндэгмаа 38-р байр эзлэв

Буудлагын эмэгтэйчүүдийн хийн гар бууны 25 метрийн тэмцээний урьдчилсан шат өндөрлөлөө. Энэ тэмцээнд өрсөлдсөн Ц.Анударь 287 оноотой 29 дүгээр байр, МУГТ О.Гүндэгмаа 283 оноотой 38 дугаар байр эзэллээ.

Тамирчид маргааш түргэн буудлагад 30 сум тавьсны дараа шилдэг найм нь финалд шалгарч цааш өрсөлдөх юм. Маргааш урьдчилсан шат 08.00 цагаас эхлэх бол финалын буудлага 13.00 цагт эхэлнэ.

Ц.АНУДАРЬ 287 ОНООТОЙ 15-Р БАЙРТ ЖАГСЧ БАЙНА

НЭМЭЛТ:

Буудлагын эмэгтэйчүүдийн хийн гар бууны 25 метрийн тэмцээн эхэллээ. Ц.Анударь саяхан буудалтаа гүйцэтгэж, 287 оноо аван, 15-р байрт жагслаа. Удахгүй МУГТ О.Гүндэгмаа буудалтаа гүйцэтгэнэ.

Ц.АНУДАРЬ, О.ГҮНДЭГМАА НАРЫН МЕДАЛЬ ХҮРТЭХ СҮҮЛИЙН БОЛОМЖ

Токио 2020 олимпийн буудлагын эмэгтэйчүүдийн 25 метрийн хийн гар бууны тэмцээн өнөөдөр/2021.07.29/ 08.00 цагаас эхэлж байна. Энэхүү тэмцээнд Монгол Улсаа төлөөлөн МУГТ О.Гүндэгмаа болон Ц.Анударь нар өрсөлдөж байна.