Баянгол дүүргийн нэгдүгээр хороо Нарны гүүрний орчимд өнөөдөр /2021.07.28/ 16.00 цагийн орчимд автомашин шатжээ. Тээврийн цагдаагийн албанаас өгсөн мэдээллээр автомашины урд хэсэгт гал гарч, шатаж эхэлжээ. Улмаар Нийслэлийн гал түймэр унтраах 10 дугаар ангийн алба хаагчид галыг түргэн шуурхай унтраасан байна. Эх сурвалжийн мэдээллээр ослын улмаас ноцтой хохирол учраагүй бөгөөд автомашины эвдрэлтэй холбоотой гал гарсан аж.