"Хичээлийг цахим, танхимын сургалт гэж хослуулж магадгүй" | News.MN

"Хичээлийг цахим, танхимын сургалт гэж хослуулж магадгүй"

"Хичээлийг цахим, танхимын сургалт гэж хослуулж магадгүй"

"Хичээлийг цахим, танхимын сургалт гэж хослуулж магадгүй"

Энэ жил цэцэрлэг, сургуулийн үйл ажиллагааг нээх үү гэдэг нь иргэдэд хүлээлт үүсгээд байна. Боловсрол, шинжлэх ухааны сайд Л.Энх-Амгалангийн зүгээс энэ жил танхимын сургалтыг нээхээр төлөвлөснийг өмнө нь мэдэгдсэн. Гэвч хичээлийн шинэ жилийг нээхийг Засгийн газар, Улсын онцгой комиссоос эцэслэн шийдээгүй байна. Ерөнхий боловсролын сургуулийн хичээлийг танхимаар эхлүүлэхээр тодорхой хувилбар, төлөвлөлтүүдийг салбарын яам боловсруулсан байна. Үүнтэй холбогдуулан цаг үеийн асуудлаар Бага, дунд боловсролын газрын дарга Т.Ням-Очироос тодрууллаа.


"ЗУРГААН НАСТНУУДЫН БҮРТГЭЛ НАЙМДУГААР САРААС ЭХЭЛНЭ"

Намар хаяанд ирж цэцэрлэг сургуулиуд үүдээ нээх үү гэдэг нь өнөөдрийг хүртэл тодорхойгүй байна. Боловсрол, шинжлэх ухааны яамнаас хичээлийн шинэ жилийг эхлүүлэх асуудлаар ямар бодлого төлөвлөгөөтэй ажиллаж байна?

-Боловсрол шинжлэх ухааны яам цар тахлын үед боловсролын үйлчилгээг тасалдуулахгүй байхад сүүлийн хоёр жил бүх чадлаа дайчлан ажилласан. Хэдийгээр зайнаас тодорхой хугацаанд хичээллэсэн ч танхимын сургалтыг гүйцэх төгс сургалт өнөөдрийг хүртэл алга.

Ерөнхий боловсролын хичээлийн агуулгыг цахим контент руу шилжүүлсэн ч хүлээн авч буй хүүхэд бүрт хүртээмжтэй биш. Харилцан адилгүй орчин нөхцөлд хүүхдүүд амьдарч байгаа учраас теле хичээл ялгаатай байдлыг үүсгэж байгаа юм.

Иймд танхимын сургалтыг эхлүүлэх шаардлагатай. Үүнийг ч дэлхийн олон улс зөвлөж, бид ч мэдэрч байна. Цар тахал дэгдсэнээс хойш хоёр жилийн хугацаанд хүүхдүүд хичээлийн хоцрогдолтой болсон. Үүнийг хэрхэн яаж арилгах талаар салбарын яам өнгөрсөн гуравдугаар сараас эхлэн үндэсний хэмжээний цогц төлөвлөгөөг боловсруулаад ажиллаж байна. Хичээлийн шинэ жилийг эхлүүлэх, танхимын сургалтыг нээхээр бид бэлтгэл ажлаа хангаж байгаа ч Засгийн газар, Улсын онцгой комисс эцэслэнэ. Иймд салбарын яамны зүгээс хичээл сургалтын үйл ажиллагааг эхлүүлэхэд бүхий л талаар бэлтгэл ажлыг хангаж байна.

Эцэг, эхчүүдийн хувьд зургаан настнуудыг бүртгэх үү гэдэгт хүлээлттэй байна. Шинээр нэгдүгээр ангид элсэх сурагчдыг хэзээнээс бүртгэж эхлэх вэ?

-Covid-19 халдвар дэгдэхээс өмнөх жилүүдэд бид  хавар нь нэгдүгээр ангийнхныг бүртгэж, ирэх оны төсвийн төлөвлөлтөд тусгах байдлаар ажилладаг байсан. Цар тахлын улмаас сүүлийн хоёр жил нэгдүгээр ангийнхны элсэлтийг намар наймдугаар сараас эхлүүлэх зохицуулалт хийж байна. Аль болох эрсдэл багатай цахимаар бүртгэх боломжийг эрэлхийлж байна.

Энэ жилийн хувьд наймдугаар сарын хоёрдугаар долоо хоногоос эхлэн тухайн орон нутаг нэгдүгээр ангийн элсэлтээ эхлүүлнэ. Ингэхдээ боловсролын цахим системд тулгуурласан хүндрэл чирэгдэл багатай нээлттэйгээр зохион байгуулахаар төлөвлөсөн. Урьдчилсан байдлаар, энэ жил 81 мянга гаруй хүүхэд нэгдүгээр ангид элсэх урьдчилсан тооцоо бий.

"ЦАР ТАХЛЫН НӨХЦӨЛ БАЙДЛААС ШАЛТГААЛЖ ЕСДҮГЭЭР САРЫН НЭГЭНД ЦАХИМААР НЭЭЛТ ХИЙХ БАЙХ"

Энэ намар хичээлийн шинэ жил цар тахлыг дотоодод алдсан үед эхэлнэ гэдгээрээ онцлог байна. Есдүгээр сарын 1-нд хичээлийн шинэ жилийг танхимаар эхлүүлэх үү гэдэг хүлээлт маш их байна. Эсвэл цахимаар уу?

-Халдварын тархалт нөхцөл байдлаас шалтгаалан мэргэжлийн байгууллагууд зөвлөмж гаргаж, заавар чиглэл өгнө. Бид аль болох олон хүний бөөгнөрөл үүсгэхгүй, халдвараас урьдчилан сэргийлэх бүхий л зохион байгуулалтыг хийж, эрсдэл багатай хичээлийн шинэ жилийн нээлтийг зохион байгуулна. Тиймээс есдүгээр сарын 1-нд цахимаар нээлтээ хийх болов уу. Өнгөрсөн жил ч бас бид есдүгээр сарын 1-нд хичээлийн шинэ жилийг цахим нээлтээр эхлүүлсэн. Гэхдээ сурагчдыг аль болох танхимын сургалтад хамруулахыг зорино. Тухайн үед халдварын тархалтын нөхцөл байдлаас шалтгаалан танхимын болон танхимын бус хосолсон сургалт явах боломжтойгоор хичээлийг эхлүүлнэ.

Тэгэхээр сурагчид танхимын болон зайнаас гэсэн хосолсон хэлбэрээр хичээллэх үү?

-Хэрэв сурагчид танхимаар хичээллэхээр болбол ямар цагийн хуваарьтай байх, анги танхимын зохион байгуулалт ямар байх зохицуулалт, хувилбарыг боловсруулсан. Тухайлбал, 5:9 стратеги хэрэгжүүлж болно.

Тухайн анги бүлэг тав хоног танхимаар хичээллээд дараагийн 7 хоног нь зайнаас хичээллэх хувилбар байж болно.  Гэхдээ наймдугаар сарын дунд үеийн халдварын нөхцөл байдлаас зохицуулалт, хувилбарыг эцэслэнэ.

Магадгүй вакцинжуулалт, байгалийн дархлаа, одоогийн мэргэжлийн байгууллагаас авч хэрэгжүүлж буй ажлууд үр дүнгээ өгвөл хүүхэд бүрд тэгш, хүртээмжтэй сайн хувилбаруудыг хэрэгжүүлнэ. Өнгөрсөн жил 2:3 буюу долоо хоногийн гурван өдөр танхимаар, хоёр өдөр нь зайнаас хичээллэснээр нэг сургууль, анги танхимын ачаалал буурч байсан. Нэг ангид суралцах хүүхдийн тоог 25-д барьж байсан.

Энэ жил ерөнхий боловсролын сургуульд хэчнээн хүүхэд суралцахаар байна вэ?

-Ерөнхий боловсролын сургуульд 680.8 мянга гаруй хүүхэд өнгөрсөн онд суралцсан бол энэ жил 718.817 хүүхэд хичээллэх тооцоо бий. Энэ нь өнгөрсөн оныхтой харьцуулахад 38 мянган хүүхдээр нэмэгдсэн үзүүлэлт. Энэ хэрээр ерөнхий боловсролын сургуулийн ачаалал нэмэгдэнэ. Ялангуяа нийслэл, орон нутагт аймгийн төвүүдийн ерөнхий боловсролын сургуулийн ачаалал ихэснэ. Тиймээс аль болох ачааллыг тэнцвэржүүлж гурван ээлжгүй байх чиглэлд бодлого зөвлөмжүүдийг орон нутгийн боловсролын байгууллагад өгч бүх зохицуулалт хийгдэж байна.

Сурагчид танхимаар хичээллэсэн ч хоцрогдлыг нөхөж чадах уу. Хичээлийн хоцрогдлыг нөхөх гээд илүү цагаар хичээллэх асуудал өнгөрсөн намар гарч байсан. Үүнд хэрхэн анхаарч байна?

-Зайн сургалтын хамгийн том сул тал нь хүүхдүүд харилцан адилгүй орчинд ялгаатай байдлаар хичээл хийж байна.

Тиймээс богино хугацаанд хүүхдүүдийн хичээлийн хоцрогдлыг арилгах асуудал нь ойрын гурван жилийн хугацаанд бидний гол баримтлах зарчмын үйл ажиллагаа болж хэрэгжих ёстой. Энэ ч үүднээс хичээлийн хоцрогдол арилгах гурван жилийн төлөвлөгөөг боловсруулсан. Энэ жил есдүгээр сарын 1-ээс эхлэн хэрэгжүүлнэ.

Мэдээж гуравдугаар ангийн хүүхэд нэгдүгээр ангидаа нийт хичээлийн 45 хувийг зайнаас авсан, хоёрдугаар ангидаа хичээлийнхээ 68 хувийг зайнаас авсан. Иймд зайнаас авсан хичээлүүд, агуулгыг нөхөх ёстой. Гэхдээ эцэг эх, багш, сурагчдад хичээлийн дарамт өгөхгүй. Хэрэв бид хичээлийн хоцрогдлыг арилгах гэж илүү давтлага өгч, илүү цагаар ажиллавал маш хурдан стресс, ядаргаанд орно. Хүүхдүүд хичээлдээ дургүй болно. Улмаар сургуульдаа явах сонирхолгүй болно. Эцэг эх, сурган хүмүүжүүлэгчид ч мөн адилхан хичээлийн хоцрогдлыг нөхнө гэж стресстэх шаардлагагүй. Иймд хичээлийн хоцрогдлыг арилгахад агуулгаа хөнгөрүүлж нягтруулах, багш нарыг бэлдэх зэргээр бэлтгэл ажлаа өнгөрсөн гуравдугаар сараас хэрэгжүүлж эхэлсэн.

Намар эцэг эхчүүдийн хувьд бага ангийн хүүхдээ хичээлийг нь хийлгэх гэж “дайн” болдог. Бүтэн хоёр жил гэртээ “хоригдсон” хүүхдүүд хичээлдээ ороход дасах хугацаа гарах, сэтгэл санаанд ч бас өөрчлөлт орох болов уу. Тиймээс ерөнхий боловсролын сургуулиудад  сэтгэлзүйч бэлдэж байгаа гэж сонссон?

-Энэ нь цар тахлын дараах маш том асуудал. Иймд Есдүгээр сарын 1-ээс хүүхдүүдэд хичээл заахаас илүүтэй хамт олонд нь дасгах, нийгэмд төлөвших нийгэм сэтгэлзүйн үйлчилгээ хоёр долоо хоног үргэлжилнэ. Дараа нь, хичээлүүдийг үе шаттайгаар эхлүүлнэ. Тиймээс биш эцэг эх багш нар хичээл орохоор л хоцрогдлоо нөхөх юм шиг ойлгож хүүхдэд хичээлийн хэт их “дарамт” өгөх нь урт хугацаанд сөрөг үр дагавар гарна. Иймд сургуульд нийгэм сэтгэлзүйн тогтолцоог бүрдүүлэх ажлыг давхар эхлүүлсэн.

Ерөнхий боловсролын сургуульд ажиллах сэтгэлзүйчдийг бэлдэж байна. Сэтгэл зүйчид зөвхөн хүүхдүүдтэй биш эцэг эх, сурган хүмүүжүүлэгчтэй  ч давхар ажиллана. Ингэснээр үр дүнд хүрнэ.

Элсэлтийн ерөнхий шалгалтыг ямар байдлаар зохион байгуулах вэ?

-Элсэлтийн ерөнхий шалгалтын хугацаа хойшилсноос биш зохион байгуулалтад ямар нэгэн өөрчлөлт ороогүй. Элсэгчид наймдугаар сарын 19-22-ны хооронд шалгалт өгнө. Магадгүй Covid-19 халдвар авсан хүүхдүүд есдүгээр сард дахин шалгалт өгч болно. Улсын хэмжээнд нийт 81 шалгалтын байр бэлдсэн. Үүнээс нийслэлд 40, аймаг тус бүрт хоёр шалгалтын байр бэлдээд байна. Элсэгчид өмнөх журмын дагуу л шалгалтаа өгнө. Шалгалтын нэг байранд 10-15 хүүхэд сууна. Энэ нь танхимын 50 хувийг л ашиглаж хүн хоорондын зайг барьж байгаа юм. Мөн ариутгал халдваргүйжүүлэлтийг тодорхой дүрэм журмын дагуу хийнэ.

Элсэлтийн ерөнхий шалгалтын үеэр замын түгжрэл, гаднын хүчин зүйлсээс болж хүүхдүүд шалгалтаа өгч чаддаггүй асуудал жил бүр гардаг. Хэрэв хоцорсон бол есдүгээр сард дахин шалгалт өгч болох уу?

-Энэ бол хувь хүний ухамсар, хариуцлагатай холбоотой асуудал. Гэхдээ бид мэргэжлийн байгууллагуудтай хамтран элсэлтийн ерөнхий шалгалтын үеэр замын зохицуулалт хийх чиглэлээр хамтран ажиллана.

Энэ мэдээнд өгөх таны сэтгэгдэл?
15
ЗөвЗөв
11
ТэнэглэлТэнэглэл
5
ХөөрхөнХөөрхөн
5
ХарамсалтайХарамсалтай
3
БурууБуруу
1
ХахаХаха
1
ГайхмаарГайхмаар
Баярлалаа!

Холбоотой мэдээ

44 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-07-28 103.212.116.12

Хичээлээ эхлүүлсэн нь дээр.халдвар хамгаалалтын дэглэмийг сайн баримтлах нь чухал.Угаасаа нялх балчиргүй ойлгож байгаа

Avatar

Human 2021-07-28 66.181.161.116

Shaa2

Avatar

2 тун вакцин баталгаа болж чадахгүй байна, ковид буурахгүй байна 2021-07-28 202.9.40.7

Хүүхдээ эрсдэлд оруулж, амь насаар нь дэнчин тавьмааргүй байна. Халдвар тээгч болгож гэр бүлийнхэндээ өвчин зовлон тээж эрсэн буруутан болсон гэсэн сэтгэлзүйн дарамттай нэг насаар нь зовоомооргүй байна. Боловсролыг нөхөж олж болно, амь нас нөхөгдөхгүй.

Avatar

Зочин 2021-07-28 66.181.161.99

Боловсрол нөхөгддөггүй юм балай минь. Орк юм ярихын.

Avatar

11r angi 2021-07-28 66.181.161.94

Hicheeldee ywmaar baina, bugdeeree 2tungaa hiilgesen shde, hotsrogdoloo arilgamaar baina, tanhimaar hicheel oruul.!!!!!

Avatar

Зочин 2021-07-28 66.181.161.94

Buhel buten 2jil hicheel surguuliaa haachihaad odoo virusaa alga bolgood butsaad hotsrogdoloo arilgaad surna gedeg yu l bol, ugaasaa butehgui gedgiig harj l baigaa baih, virustaigaa zohitsood amidarhaas uur zam bhguil bizdee. hicheeldee ywmaar baina.!!!!!!!

Avatar

Oyutan 2021-07-28 103.212.117.102

Etseg ehchuudee ta nariin huuhduud oyutan boloogui baigaa bolohoor oyutang neeh toohgui 10n jiliin huuhduudiin bolovsrol chuhal gej dairaad bh ym
Harin hamgiin chuhal bolovsrol avah ystoi humuus oyutnuud ene baidlaaraa buhel buten 2-3 uyiinhen tag burenhii humuus garlaa
Oyutnuud online hicheelee hiij chadaj baigaa ch bid nart dadlaga gedeg zuil nen heregtei bn
Yg unendee anagaahiin oyutnuudiig ymar ch uyd hicheelluulj baih ni zuitei gej bodoj bn

Avatar

Нийслэлийн иргэн 2021-07-28 202.126.88.216

Бэлэнчлэх шүүмжлэх хүний муу үзэх дуртай нийгэм бий болсон тэрний дараа гарч ирэх үе нь харанхуй бүдүүлэг бичиг үсгийн боловсрол дутуу нийгмийг цогцлоох гээд суурийн тавьж байна. Бүх юмыг Ковидтой холбож нийгмийн бүх салбар хэдхэн хүний гарт орж энэ байдал нь тэр хүмүүст таатай мөнгө олох боломж бүрдүүлж. Тэдний нэг шалтгаан нь хичээл сургуулийг хаалттай байлгаж ард түмнийг айдас хүйдэстэй байлгах.

Avatar

Зочин 2021-07-28 66.181.161.94

Yaaaag zuw.

Avatar

Л.Сувдбаяр 11-р анги 2021-07-28 203.91.117.8

хичээл оруулах хэрэгтэй хичээлдээ ормоор бн Одоо бүгд 2 тунгаа хийлгэцэн юм чинь оруулах хэрэгтэй. Хүүхэд бүр хичээлийн хоцорогдол их байна.

Avatar

T 2021-07-28 66.181.176.132

Ali angiin huuhduud ni yaj hicheellehiin, tsetserleg yahiin erthen todorhoi helcheechee,

Avatar

zochin 2021-07-28 192.82.71.102

suragchidaa hvleej avah surguulia barij duusgaachee 3-4 jil bolchihloo hvvhdvvd maani bagtahgvi hetsvvdlee

Avatar

Зочин 2021-07-28 202.21.116.26

Хүүхдүүд зүгээр, архаг хууч өвчтэй хүмүүс л хэцүү. Ковид дуусхыг хүлээвэл дуусахгүй, тэгхээр зүгээр нээ! манайх шиг удаан хичээлээ хаасан орон дэлхийн хаана ч байхгүй!

Avatar

Зочин 2021-07-28 64.119.25.17

Хүүхдүүд өөрсдөө зүгээр ч гэсэн дамжуулагч болох эрсдэлтэй

Avatar

Битгий х** 2021-07-28 202.55.188.82

Онлайн хичээл гэж жанхуугаа больж үз. Төлбөртэй сургуульд Явдаг хүүхдүүдийн төлбөрийг 100% авчаад олигтой ч юм сурахгүй 2 жил өнгөрсөн

Avatar

Зочин 2021-07-28 202.21.116.26

10 жилийн хүүхдүүдийг танхимаар явуул. Хөдөөнөөс баахан оюутан авчирах хэрэггүй шүү!

Avatar

зочин 2021-07-28 202.126.88.45

Тэртэй тэргүй өвчин ихсээд байгаа болохоор их дээд сургуулийн оюутнуудыг онлайнаар явуулах нв зөв байхаа дунд сургуулийн бага ангийн хүүхдүүдийг харин онлайнаар хийж чадахгүй байгаа болохоор танхимаар явуулах нь зөвөө дөнгөж 1-р ангид орогсдыг бол танхимаар л явахгүй бол өөр яахийн оюутнууд ахлах ангийнхан бол онлаинаар хичээлээ хийгээд болоод байгаа юм чинь машины түгжрэлээ ч бас давхар тооцох хэрэгтэй дээ тэгээд хагас жил хүрэхэд энэ өвчины байдал ямар болох нь мэдэгдэх байлгүйдээ

Avatar

Зочин 2021-07-28 183.81.171.43

Үнэндээ "Ковид" гдгийг өмнөө барьж, хаалт хийчээд Боловсролын яам нь ажилласангүй шдээ. Хүүхдүүдийн хичээл, сургууль, сурах, мэдэх зүйл бүгд хаягдсан гэж хэлж болно. 2 жил болж бхад ковидын эсрэг хүүхдүүдээ яаж сургах уу, хэрхэн хоцрогдолгүй бх уу гдг дээр Яам нь ямар ч төлөвлөлт бхгүй өнгөрсөн нь харамсалтай. Одоо ч "ТААМАГ" мэт юмаа ярьсаар л, ингэвэл хэцүү, тэгвэл блхгүй гсн наад яриаг чинь сонсож 2 жил боллоо, хүлээлээ, ажил хариуцсан Ням-Очир дарга минь эээээ

Avatar

Зочин 2021-07-28 64.119.18.204

тв хичээл бол зөвхөн монголд л бараг хэрэгжиж үзсэн туршлага биз дээ, яам харин ч сайн ажиллаж байна

Avatar

Зочин 2021-07-28 66.181.161.28

Халдварын тархалт буурахыг хүлээвэл дахиад хэдэн жил болохыг таашгүй.Тиймээс вакцинжуулах ажлыг эрчимжүүлэх мөн халдвар хамгааллын дэглэмээ мөрдөөд танхимаар хичээлээ оруулах.Амьд харилцаа хамгийн үр дүнтэй.Цахим хичээлд хамрагдалт харилцан адилгүй байгаа учраас хүүхэд хохирч байна

Avatar

Irgen 2021-07-28 122.201.21.251

Ug ni huuhduud maani surah bichig, nom materialiig biye daan sudlaad surah arga bariliig sain ezemsheed avbal zaaval tanhimiin surgalt, sain muu bagshaar zaalgah shaardlagagui l de. Manai zarim bagsh nar ch hoorhii shuu de.

Avatar

Эцэг, эх 2021-07-28 103.229.121.182

7:7 хоногоор ээлжлүүлэн танхимаар хичээллүүлье. 1 танхимд суух хүүхдийн тоо ч бага байна. Танхимаар хичээллэх үедээ дэглэмээ сайн баримтлах нь чухал.

Avatar

зочин 2021-07-28 203.98.76.176

ахлах ангиудаа танхимаар явуулаач,зайн сургалт чинь асар хортой байна

Avatar

зочин 2021-07-28 103.9.90.100

танихмаар хичээллүүлэх зүйтэй байна. Хүүхдүүдийн нүдний хараа маш их муудаж байна. 1,2 дугаар ангийн хүүхдүүдийг цахимаар хичээллүүлбэл хичээлийг нь хийлгэх гэж эцэг эхийн аль нэг нь ажлаасаа гарахаас өөр аргагүй байдалд хүрэхээр байна.

Avatar

Зочин 2021-07-28 139.5.218.112

Танхимаар хичээллмээр байна.5:9 бол болж л байна.Монгол шиг ингэж удаан сургуулиа хаасан улс алга даа.

Avatar

Зочин 2021-07-28 202.126.89.26

Baahan bolovsrolgui neg ue garah ni dee . Eneni hor urshig heden jiliin daraa garnadaa. Huuhdiinhee surguuli tsetserlegiig neegeechee. Uvchinuus aigaad baigaa etseg ehchuud ni huuhdee gert ni uldeej bolnoshdee. Bolovsrolgui haranhui buduulgeeree baij l baig.

Avatar

Зочин 2021-07-28 64.119.16.141

Тухайлбал жолооны сургалтууд, төрөл бүрийн мэргэжлийн дамжаа, хэлний болон иогийн олон төрлийн танхимын сургалт явагдаж байна. жолооны сургалт танхим болон машинд олон цагаар хамт байх болохоор иргэд аль болохоор олон цагийн сургалтанд хамрагдахгүй байх хэрэгтэй.

Avatar

Зочин 2021-07-28 64.119.16.141

9-10 сар дельта хувилбарын оргил үе улаанбаатарт явагдана.
Өвчлөл 5000 давна эрсдэл буюу үэхэл 20 руу дөхөх магадлал 60-70 хувьтай байна.
Хүүхдүүдийн өвчлөл 40 хувийг эзэлнэ. Одоогийн вакцины үйлчлэх хүрээ 8-р сард дуусахаар байгаа болно. Өнөөдөр танхимын сургалтууд төрөл бүрээр явагдах болсон энэ бол маш муу үр дагавартай.

Avatar

Зочин 2021-07-28 103.10.23.85

8 сард дуусна ч гэх шиг, халдварлуулах хийж вакцин
Биш вирус тарьчаад

Avatar

Зочин 2021-07-28 202.21.116.26

Хүүхдүүд зүгээр, архаг хууч өвчтэй хүмүүс л хэцүү. Ковид дуусхыг хүлээвэл дуусахгүй, тэгхээр зүгннр нээ! манайх шиг удаан хичээлээ хаасан орон дэлхийн хаана ч байхгүй!

Avatar

Bod 2021-07-28 202.55.188.35

Magadgui gsn medeegee bolioo. Tiim ugui gsn todorhoi boditoi um medeellyaaa

Avatar

Ээж 2021-07-28 192.82.71.92

Бүх зүйлийг товч бөгөөд тодорхой төлөвлөх боломжгүй байгаа штэ. Дэлхий нийт маш олон хувилбараар ажиллаж амьдрах хувилбар бий болгож байна та ч мөн адил тийм байх болоод байна. Өвчлөл яаж нэмэгдэх яахыг хэн ч тооцож чадахгүй болоод байна даа.

Avatar

zochin 2021-07-28 202.179.25.236

ЦАХИМ СУРГАЛТ ХЭЦҮҮ ХҮҮХДИЙН ЭРҮҮЛ МЭНДЭД МУУ БАЙНА БАГА АНГИЙН ХҮҮХДҮҮДЭД БҮГД ДЭЛГЦИЙН ХАМААРАЛТАЙ ЯДАРДАГ АНХААРАЛ НЬ ТӨВЛӨРӨХГҮЙ АЖИЛЛАГАА ИХТЭЙ БАЙНА ШҮҮ.

Avatar

Bas 2021-07-28 139.5.217.227

Huviin tulburtei surguuliudiin tulburiig zogsoogoochee

Avatar

Зочин 2021-07-28 202.179.27.40

зөв шүү

Avatar

Зочин 2021-07-28 103.57.95.26

иш дадлагын сэтгүүлч минь нэг уулзсаных их дээд сургуулийг бас асуугаад авахгү дэ

Avatar

Зочин 2021-07-28 202.179.27.40

хүний бичсэнийг бүрэн уншиж байгаач. Бага, дунд боловсролын газрын дарга дээд боловсролын асуудлыг ярих юм уу?!

Avatar

Зочин 2021-07-28 202.5.202.132

Энэ хүн ажлаа овоо мэддэг хүн юм шиг байна..

Avatar

зочин 2021-07-28 66.181.161.1

Танхим цахимаар ээлжилсэнд орвол шууд л танхимаар нь зүтгүүлсэн нь дээр . Одоо ковидтой зэрэгцэж амьдрах цаг болсон .

Avatar

Зочин 2021-07-28 202.179.27.40

цахим боломжийг ашиглаж сурах цаг болсон шүү. хүүхэд ханиаднаас салахгүй. дээр нь ковид байна!!!

Avatar

Зочин 2021-07-28 2.133.63.108

Ерөнхий боловсролыг 12 жил биш, программыг шинэчилж 10 жил эсвэл 11 жил болговол яасан юм бэ. Багш нарын ачаалал, анги танхимын ачаалал, хүүхдийн ачаалал буурна. Мөн хуучны техник-мэргэжлийн сургууль, техникум зэргийг сэргээж мэргэжилтэй ажилчин бэлтгэмээр юмаа.

Avatar

Зочин 2021-07-28 202.179.27.40

олон улсын жишиг ш дээ, оогийнууд дураараа солиорох юмаа

Avatar

Зочин 2021-07-28 202.179.15.71

zuvuu zuv,
tanhim onlain gej hosluulah ni zuv arga bn, 9 sard aijtar tugjrel buun stress boloh bhda

Avatar

Иргэн 2021-07-28 202.126.88.237

Тэгээд цэцэрлэг нь яахаар болов оооооо

NewsMN Гар утасны хувилбар Татах
NEWS.mn

Мэдээллийн эх сурвалж