"Непартак" нэртэй далайн хар шуурга "Токио-2020" олимпийн наадам болж буй Токио хотыг маргааш буюу долдугаар сарын 27-ны өдөр дайран өнгөрөх талаар Японы хэвлэлүүд мэдээлж байна. Хар шуурга орон нутгийн цагаар өдрийн 15.00 цагийн орчимд Токиод хүрэх төлөвтэй байгаа аж.

Шуурганы улмаас гадаа талбайд явагддаг байт харвааны эмэгтэйчүүдийн ганцаарчилсан төрөл зэрэг тэмцээн уралдаан эхнээсээ хойшлоод байгаа гэнэ. Энэ төрөлд Монгол Улсын тамирчин Б.Урантунгалаг өрсөлдөх юм. Түүнчлэн байт харваанаас гадна сэлүүрт завины тэмцээн шуурганаас болж хойшлогдоод байгаа гэнэ.

Одоогоор шуурганы хүч, хэр зэрэг хохирол учруулах зэрэг мэдээлэл тодорхой болоогүй байгаа ч хүчтэй шуурга, аадар борооны улмаас голууд үерлэх, моднууд булгарч унах, цахилгааны шонгууд унах зэрэг эрсдэлтэй байгааг анхааруулж байна.

Эх сурвалж: Japan Times