Маргааш буюу 2021 оны долдугаар сарын 27-ны өдрийн 23.00 цагаас энэ сарын 29-ний өдрийн 06.00 цаг хүртэлх хугацаанд Баянгол дүүргийн дүүрэг, гуравдугаар хороолол Амарсанаагийн гудамжны авто замыг хөндлөн огтолж, ус дулаан дамжуулах шугамын ажил хийгдэхээр болсон.

Иймд авто зам хаах хугацаанд нийтийн тээврийн үйлчилгээний Ч:2 "Шархад – МУБИС – 3,4-р хороолол", Ч:58 "3.4 хороолол – Мишээл экспо", Ч:49 "1-р хороолол – Модны 2 – МУИС – Дүнжингарав худалдааны төв", Ч:74 "Цагаан даваа – Гандан – Вокзал" чиглэлүүдээр зорчих иргэд та бүхэн доорх зураглалын дагуу зорчилтоо төлөвлөнө үү.

Авто зам хаах хугацаанд нийтийн тээврийн үйлчилгээний Т:5 "3. 4 хороолол – Офицеруудын ордон" чиглэл зогсоно.

Нийтийн тээврийн үйлчилгээтэй холбоотой санал, хүсэлтийг тус газрын 70044040 дугаарын утсаар тогтмол хүлээн авч, шуурхай шийдвэрлэнэ.