НЭМЭЛТ:

Монголын 3х3 сагсан бөмбөгийн эмэгтэй шигшээ баг хэсгийн зургаа дахь тоглолтоо Францын эсрэг хийж, 22-18 гэсэн харьцаатай хожигдлоо. Монголын багийн хувьд маргааш хэсгийн сүүлийн тоглолтоо Хятадын эсрэг хийнэ.

3Х3: “ЭЦСЭЭ ХҮРТЭЛ БУУЖ ӨГӨХГҮЙ”

НЭМЭЛТ:

Румынд хожигдсоныхоо дараа 3х3 шигшээ багийн тамирчин Б.Солонго "Бид хожъё гэсэн шийдэлтэй гарч ирсэн боловч жижиг алдаануудаас болоод хожигдлоо. Харамсалтай байна. Францын эсрэг чадлаараа тоглоно. Эцсээ хүртэл ямар ч байсан бууж өгөхгүй" гэв.

3Х3: РУМЫН МОНГОЛЫГ ЯЛЖ, ОЛИМПИЙН АНХНЫ ХОЖЛОО АВАВ

НЭМЭЛТ:

Монголын 3х3 сагсан бөмбөгийн эмэгтэй баг Румын улсын эсрэг хэсгийн тав дахь тоглолтоо хийж, 22-14 гэсэн харьцаатай ялагдлаа. Энэхүү тоглолтын өмнө хоёр баг хоёулаа нэг ч хожилгүй байсан бөгөөд ийнхүү Румын улсын эмэгтэй баг анхны хожлоо авлаа. Харин Монголын хувьд тав тоглож, тав хожигдоод байна.

3х3 сагсан бөмбөгийн Монголын эмэгтэй шигшээ өнөөдөр/2021.07.26/ 09.40 цагаас хэсгийн тав дахь тоглолтоо Румын улсын эсрэг хийх гэж байна. Монголын багийн хувьд хэсгийн өмнөх дөрвөн тоглолтондоо хожигдсон бол Румын улсын баг мөн ялгаагүй эхний дөрвөн тоглолтондоо хожигдсон.