Эхний шатандаа хасагдсан Б.Чинзориг тулааны дараа өгсөн ярилцлагадаа “Хэлэх үг олдохгүй байна. Үнэхээр харамсалтай байна. Уучлаарай л гэж хэлье. Тактик бэлдэж гарч ирсэн боловч хоёрдугаар үед бага зэрэг тактикаа хэрэгжүүлж чадахгүй алдчихлаа гэж хэлмээр байна. Та бүхнийхээ итгэлийг алдсан уучлаарай” гэв.

17:40

Б.ЧИНЗОРИГ ЯЛАГДАЖ, ТЭМЦЭЭНЭЭ ӨНДӨРЛҮҮЛЛЭЭ

Б.Чинзориг Узбекистаны Эльнур Абдураимовтой тулалдаж, шүүгчдийн саналаар ялагдан тэмцээнээ өндөрлүүллээ.

Долдугаар сарын 28-ны өдөр Олимпод оролцож буй Монголын анхны эмэгтэй боксчин М.Мягмаржаргал эхний шатандаа Их Британийн Лорен Прайстай тулалдана. Мөн энэ өдөр Э.Цэндбаатар Вьетнамын тамирчинтай тулалдах хуваарьтай.

17:13

Б.ЧИНЗОРИГ ӨНӨӨДӨР ТУЛАЛДАНА

Токио 2020 олимпийн боксын спортын эрэгтэй 63 кг-ийн тулаанууд өнөөдөр/2021.07.25/ эхэлж байна. 17.18 цагаас Монгол тамирчин Б.Чинзориг эхний шатандаа Узбекистаны 27 настай Эльнур Абдураимовтой тулалдах болно.