Монгол Улсын Шадар сайдын тушаалаар Онцгой байдлын ерөнхий газрын дэд дарга, бригадын генерал Б.Ууганбаяраар ахлуулсан ажлын хэсгийн бүрэлдэхүүн Өмнөговь аймагт ажиллаж байна.

Ажлын хэсгийн бүрэлдэхүүнд Эрүүл мэндийн яам, Онцгой байдлын ерөнхий газар, Мэргэжлийн хяналтын ерөнхий газар, Тагнуулын ерөнхий газар, Цагдаагийн ерөнхий газар, Зоонозын өвчин судлалын үндэсний төв, Нийслэлийн эрүүл мэндийн газар, Халдварт судлалын үндэсний төв, Нийслэлийн эрүүл мэндийн төв, Анагаахын шинжлэх ухааны их сургууль, Дэлхийн эрүүл мэндийн байгууллагын төлөөлөл ажиллаж байгаа юм.

Covid-19 халдварын хариу арга хэмжээний явцын үнэлгээ хийж, орон нутгийн тохиолдлын удирдлагын тогтолцооны багийг чадавхжуулах, мэргэжил аргазүйн удирдлагаар хангах, ажлын байран дээрх сургалтыг зохион байгуулж байна гэж Улсын онцгой комиссын Шуурхай штабаас мэдээллээ.