3х3: Монголын баг АНУ-д хожигдов

НЭМЭЛТ:

3х3 сагсан бөмбөгийн эмэгтэй багийн хэсгийн шатны хоёр дахь тоглолтууд дөнгөж сая явагдлаа. Монголын баг АНУ-тай тоглож, 21-9 гэсэн харьцаатай хожигдлоо.

Монголын 3х3 сагсан бөмбөгийн баг олимпийн эхний тоглолтоо Италийн эсрэг хийж, 15-14 гэсэн харьцаатай ялагдлаа. Тэд дараагийн тоглолтоо 20:00 цагаас АНУ-ын шигшээ багийн эсрэг хийнэ.

Хэдхэн жилийн өмнө Сүхбаатарын талбайн урд талбайд “Sprite 3×3” гээд сагсан бөмбөгт дуртай хүүхэд залуучуудын хүсэн хүлээдэг, зорин очдог тэмцээн болдог байв. Байр, гудамж бүрийн шилдгүүд төв талбай дээрээ цуглаж, бэсрэг наадмаа хийдэг байсан үе саяхан. Тэгвэл өнөөдөр/2021.07.24/ 16.30 цагаас тэр тэмцээнээс үндэслэсэн цэцэгс олимпийн наадмын эхний тоглолтоо Италийн эсрэг дараа нь сагсан бөмбөгийг үндэслэгч АНУ-ын эсрэг хийх гэж байна.

"Sprite 3×3" тэмцээн анх 2009 онд зохион байгуулагдсан.

2010 онд Сингапурт зохион байгуулагдсан залуучуудын олимпод 3х3 сагсан бөмбөгийн төрөл анх удаагаа багтаж байсан түүхтэй. Түүнээс хойш бүтэн долоон жилийн дараа 2017 оны зургадугаар сарын 9-ний өдөр энэхүү спортын төрлийг Токио 2020 олимпийн хөтөлбөрт оруулсан.