Гвиней олимпод эргэн ирж, Ц.Цогтбаатарын өрсөлдөгч барилдах болов | News.MN

Гвиней олимпод эргэн ирж, Ц.Цогтбаатарын өрсөлдөгч барилдах болов

Токио 2020

Гвиней олимпод эргэн ирж, Ц.Цогтбаатарын өрсөлдөгч барилдах болов

Гвиней олимпод эргэн ирж, Ц.Цогтбаатарын өрсөлдөгч барилдах болов

Баруун Африкийн Гвиней улс олимпод оролцохгүй гэдэг шийдвэрээ цуцалж, таван тамирчнаа Токио руу илгээхээр боллоо. Тус улсын спортын сайд Санусси Бантама Соу мэдэгдэхдээ “Эрүүл мэндийн мэргэжилтнүүд манай тамирчдыг Токиод болох 32 дахь удаагийн олимпод оролцохыг зөвшөөрснийг Төрийн сайд болон Спортын сайд нарын зүгээс ард түмэндээ зарлаж байгаад таатай байна” гэжээ.

Гвиней улс орон нутгийн цагаар Лхагва гаригт олимпод оролцохгүй гэдгээ мэдэгдсэн боловч Пүрэв гаригт энэ шийдвэрээ цуцалж, олимпод тамирчдаа илгээхээр болжээ. Тус улсын олимпийн хорооны ерөнхий нарийн бичгийн дарга Бен Дауда Нассоко “The Associated Press” агентлагт өгсөн ярилцлагадаа төрөөс нь тамирчдынхаа Токио явах зардлыг бүрэн гаргасан гэв.

Гвиней улсаа төлөөлөн чөлөөт бөхийн төрөлд Бен Дауда Нассоко, усан сэлэлтийн төрөлд Мамаду Тахиру Ба, Фатумата Ламарана Туре, 100 метрийн гүйлтийн төрөлд Аиссата Дин Конте, жүдогийн төрөлд Мамаду Самба Ба гэсэн таван тамирчин оролцоно.

Дашрамд дуулгахад, Монголын жүдо бөхийн тамирчин Ц.Цогтбаатар хоёрдугаар тойрогтоо Мамаду Самба Батай учраа таарсан. Ц.Цогтбаатарыг шууд гуравдугаар тойрогт шалгарна гэж байсан боловч ийнхүү түүний өрсөлдөгч олимпод оролцохоор боллоо.

Гвиней улс түүхэндээ олимпийн наадамд 11 удаа оролцсон боловч хараахан медаль аваагүй байна.

Энэ мэдээнд өгөх таны сэтгэгдэл?
12
ХахаХаха
3
ЗөвЗөв
2
БурууБуруу
1
ХөөрхөнХөөрхөн
1
ГайхмаарГайхмаар
1
ТэнэглэлТэнэглэл
0
ХарамсалтайХарамсалтай
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-23 110.70.59.74

худлаа мэдээ байх нэгэнт оноолтоо сугалаад тэмцээн эхэлчээд байхад одоо токиод очоод бүх ковидгүй гэдэг шалгуураа даваад тэмцээнд орно гэж юу байхав

Avatar

Зочин 2021-07-23 202.9.46.86

Мамаду Самбаг манай хүн ялна аа.

Avatar

Зочин 2021-07-23 103.57.95.220

Яанаа одоо манай хүн баларсаан, уг нь бөөн баяр болсон явж байсан юм

Avatar

Зочин 2021-07-23 66.181.183.233

За за, сул даваа авлаа гээд бодчихсон байсан хунд жаахан тааруухан л юм болж, одоо тэгээд арай сенегал Бэхээ шиг гвиней Цогтоо болчихгуй байлгуй дээ

Avatar

ЖУДО 2021-07-23 192.82.92.65

Өө ашгүй. Цогтбаатарт барилдаад бие халаалт хийж, дэвжээндээ дасахад амар болж

NewsMN Гар утасны хувилбар Татах
NEWS.mn

Мэдээллийн эх сурвалж