Сурвалжлага: Монголчууд хоол, архи хоёртоо хордож байна | News.MN

Сурвалжлага: Монголчууд хоол, архи хоёртоо хордож байна

Сурвалжлага: Монголчууд хоол, архи хоёртоо хордож байна

Сурвалжлага: Монголчууд хоол, архи хоёртоо хордож байна

Бүх нийтийн амралтын өдрүүд урт удаан үргэлжилж, төр засаг нь наадаагүй ч иргэд нь наадмаа хөдөө, агаар салхинд гарч "нижгэр" тэмдэглэх шиг боллоо. Баяр тэмдэглэж сураагүй биш манайхан "наадмын" гэх тодотголтой тосонд живсэн хуушуур, өөхтэй хонины хорхог, ямааны боодог идээд араас нь хийжүүлсэн ундаа, архи, айраг гурвыг харин ч нэг ууж, эрүүл мэндэд нь том гай болохыг хожим эмнэлгийн орон дээр ухаардаг нь харамсалтай.

Энэ жилийн баяр наадмын өдрүүд олон хоног амарсан, удаан хугацаанд хоригдсон иргэд агаар салхинд гарах, орон нутгийг зорих нь эрс нэмэгдэж, хоолны хордлогын дуудлага эмнэлгүүдийн ачааллыг хэд дахин нэмжээ.

Баянзүрх дүүргийн нэгдсэн эмнэлэг. Тус эмнэлгийн яаралтай тусламжийн тасаг хөл хөдөлгөөн ихтэй, архи согтууруулах ундаа хэтрүүлэн хэрэглэсэн, согтуу хүн 103-аар хүргэгдэн ирж буйтай таарсан юм. Энэ үеэр яаралтай тусламжийн эмч Г.Оргилмаатай хэсэгхэн хором ярилцав.

Г.Оргилмаа эмч “Долдугаар сарын 11-нээс хойш яаралтай түргэн тусламжийн 103 утсаар 43 архины хордлого, өөрсдөө ирсэн 58 архины хордлого бүртгэгдсэн Мөн архины хамаарлаас үүдэлтэй хэвлийн өвдөлтүүд, зүрхний цочмог өвдөлт, артерийн даралт ихсэх зовиуртай хүмүүс их ирсэн. Хорхог идэж, хүйтэн ундаа, айраг уусан гэх мэт хэвлийн цочмог өвдөлт их байлаа. Ерөнхийдөө яаралтай тусламжийн тасагт 24 цагийн хугацаанд ирдэг хүмүүсийн 60 хувь нь архины хамааралтай байдаг. Иргэддээ хандаж хэлэхэд гэртээ даралтны аппарат, халууны шил болон өвчин намдаах эм, даралтны эм, халуун бууруулах эм зайлшгүй байлгаж байгаарай” хэмээн ярилаа.

Мөн тэрбээр иргэдийг хоол хүнсний зөв дадал хэвшил, дэглэмтэй болохгүй бол Covid-19 гэхээсээ илүүтэйгээр архи, хоол ундны зохисгүй хэрэглээг хэтрүүлж, эрүүл мэндээрээ хохирч байгааг санууллаа.

Улсын хоёрдугаар төв эмнэлэг. Үүдээс хойш болсон болохоор тус эмнэлгийн яаралтай түргэн тусламжийн ачаалал дүүргийн эмнэлэгтэй харьцуулбал харьцангуй багассан байв. Энэ үеэр Б.Батхүү эмчтэй ярилцав.

Тэрбээр ярихдаа “Баяр наадмын өдрүүдээр архины болон хоолны хордлоготой хүмүүс их ирсэн. Хүмүүс хорхог идээд архи, айраг уудаг. Түүнээс болоод хордлогонд ордог, цус алддаг, хэвлийгээр хүчтэй өвддөг, нойр булчирхайн "acute pancreatits" гэсэн оноштой хүмүүс их байлаа. Мөн ходоодны үрэвслээр хэвтсэн хүмүүс их байсан. "Acute pancreatits" болон ходоодноосоо цус алдаж байсан хүмүүсээ манайх яаралтай хэвтүүлэн эмчилсэн. Бусад эмийн эмчилгээтэй иргэдээ дүүргийн эмнэлэг рүү нь хүргэж өгөөд заавар зөвлөгөө өгсөн. "Аcute pancreatits" гэдэг нь нойр булчирхайн үхжилт хэлбэр гэсэн үг л дээ. Энгийнээр тайлбарлавал, урд нь архи уугаад ч юм уу нойр булчирхайгаа сэдрээж байсан хүн хоолны буруу дэглэм бариад дахин архи ууснаас болж үүсч байгаа зүйл. Өдөрт 2-3 ийм төрлийн өвчтэй хүмүүс, 4-5 архины хордлоготой хүмүүс ирж байсан" гэв.

Иргэддээ зөвлөхөд өөх тостой хоол бага идэж, хоолны дэглэм барьж, архи дарс аль болох хэрэглэхгүй байх хэрэгтэй. Өмнө нь өвдөж байсан хүмүүс хэрэглэвэл маш хурдтай сэдэрдэг.

"103-Т НААДМЫН ӨДРҮҮДЭЭР АРХИНЫ ХОРДЛОГО ИХ БАЙСАН"

Эцэст нь Улаанбаатар хотын хамгийн ачаалал ихтэй, цаг завгүй өдрийг өнгөрүүлдэг 103 буюу Нийслэлийн түргэн тусламжийн төвөөр орлоо. Тус төвийн статистик эмч Б.Баярсайхан завгүй ажлынхаа хажуугаар зав гарган ярихдаа "Хоолны хордлого гэхээсээ илүү архины хордлого наадмын өдрүүдэд их бүртгэгдсэн. Долдугаар сарын 10-18-ны хооронд манай осол гэмтлийн дуудлагын 53.8 хувийг архины хордлого эзэлж байна. Урд жилүүдийг бодвол өссөн үзүүлэлт. Хоолны хордлого өмнөх жилүүдтэйгээ ойролцоо, өдөрт 1-2 дуудлага л ирсэн. Нийт дуудлагын 0.4 хувийг энэ төрлийн дуудлага эзэлж байна. Тостой хоол идээд л хүйтэн юм уухаар нойр булчирхай, цөс хүчтэй цочирддог" гэв.

Гэр бүл, хамт олноороо хордлогонд орсон тохиолдол бүртгэгдээгүй.

Монголчуудын хоолны хэрэглээ өөх, тосноос их хамааралтай. Шарсан, хуурсан тостой хоолыг архи, хийжүүлсэн ундаа, хүйтэн шар айргаар даруулах нь элэг, цөс, нойр булчирхайг "алдаг" гэдгийг дээрх эмч нар хэлж байна.

Мөн тэд хоолны хордлого гэхээс илүү архины хордлогод орж байгаа хүмүүс их байна хэмээн онцолж байгааг та бүхэн уншсан байх. Аливаа зүйлийн тун хэмжээ ихдэхээрээ л бидний зовлон эхэлдэг. Тиймээс идэж, ууж байгаа зүйлдээ цензурьтай хандаж, биеэ бодоорой.

Энэ мэдээнд өгөх таны сэтгэгдэл?
9
ЗөвЗөв
3
ХахаХаха
3
ТэнэглэлТэнэглэл
2
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

26 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-22 103.57.94.128

Mongolchuud tegdeg ingedeg geed hundlungiin hun shig yaritsgaah yum. Uchnuun jil ingej yarilaa. Ur dun heveer baina. Iimd eniig huvi hunii uhamsart daatgaad orhilgui turuus bodlogo heregjuuleh tsag bolson busuu

Avatar

Зочин 2021-07-22 67.81.184.102

Хоол,ундыг зөв тааруулж хүртэхгүй бол эмийг хоол шиг идэх болно

Avatar

Хорь 2021-07-22 103.26.193.242

Тэгвэл архиа хориочээ

Avatar

Чимгээ 2021-07-22 192.82.76.234

Баяр тэмдэглэнэ амарна гэхээр л Монголчууд мах идэж архи уух л гэж бүгд ойлгодог..хүүхдүүддээ бас транс тосны цуглуулга хор бялуу kfc ийн хор багц багцаар захиалж өгнө….Европод бол баяраар харин ч гэртээ гараараа хийсэн хоолоо идэж ярилцаж …өөр өөр.манайхаан ядаж хүүхдүүддээ бялуу хиам захиалгын шарсан хуурсан юм битгий авч өгөөч дэж.өөрсдөө ч дүүрч хохино.архи ууж хордоод үхвэл үхэг архичинтай хэрэлдэхгүй амар…

Avatar

Зочин 2021-07-22 202.126.88.58

emch nar maani baihgui bol yana vee

Avatar

Гэрээр 2021-07-22 122.201.22.229

80301800 архины хордлого тайлах үйлчилгээ

Avatar

Зочин 2021-07-22 64.119.26.150

Үхэр монгол гэж ярьдаг нь ч оргүй биш бололтой

Avatar

Зочин 2021-07-22 202.126.88.179

МОНГОЛЧУУД ЯМАРЧ БАЯРЫГ УУЖ ИДЭХЭЭР Л ТӨСӨӨЛЖ ЗАМБРААГҮЙ УУЖ ИДЭЖ Л БАЯРЛАДАГ ЮМДОО…ТЭГЭЭД БАЙГАЛЬ ОРЧИНОО БОХИРДУУЛЦГААНА…..ХЭЗЭЭ Ч СЭХЭЭРЭХГҮЙ УХААРАХГҮЙ ГЭГЭЭРЭХГҮЙ МӨНХИЙН МУНХАГ АРД ТҮМЭН ШҮҮ ДЭЭ

Avatar

Зочин 2021-07-22 202.21.107.81

Үхэх гэж байгаа юм шиг ууж идэх юм даа. Тааваараа амьдраач дээ.

Avatar

Зочин 2021-07-22 103.80.210.183

Тааваараа байлгахгүй байна ш дээ. УЛС төрч гэдэг хулгайчууд элдэв сүлжээ гээд дээр нь хоолны газрууд элдэв шоу хоол чихэж идэхийг уриалаад байнадаа

Avatar

Зочин 2021-07-22 103.229.122.89

Өөрийн толгой гэж чамд бий юу

Avatar

Зочин 2021-07-22 202.126.88.179

АМЬДРАЛЫН НААД ЗАХЫН СОЁЛГҮЙ, ЁС СУРТАХУУНГҮЙ БОЛООД Л ТЭР…ДЭЭР НЬ АМЬДРАЛЫН НААД ЗАХЫН ЗӨВ ЗОХИСТОЙ ДАДАЛ ЗУРШИЛ АРИУН ЦЭВЭР ГЭЖ БАЙХГҮЙ МӨРТӨӨ Л МОНГОЛ НААДАМ МОНГОЛ СОЁЛ ГЭЖ ЯРИХ НЭЭХ ДУРТАЙГ ЭЭ…МОНГОЛ АХУЙ СОЁЛ НЬ ХАЧИН БАЛИАР ЗАВААН СОЁЛГҮЙ БОЛХИ БҮДҮҮЛЭГ

Avatar

Зочин 2021-07-22 43.242.243.208

Бүр нэг хэмжээ хязгаараа мэдэхгүй мал шиг, бас тэгээд ийм байж улс төржих дуртай, одоо тэгээд хордлого нэмэгдээд эхэлбэл төр засгаа буруутгаж харааж эхэлнэдээ…

Avatar

Архичинг 2021-07-22 202.126.90.11

Ийм замаар өвдвөл эмчлээд хэрэггүй нийгэмээ цэвэрлэ

Avatar

Монголчууд БАЯР ГЭХЭЭР Л "УУЖ ИДЭЖ" Л БАЯРЛАДАГ ШДЭЭ 2021-07-22 202.126.88.155

ӨӨРСДИЙГӨӨ АВААД ЯВАХ ЧАДВАРГҮЙ МӨРТӨӨ ОЛООД ИРСЭН ВАКЦИНЫГ ИЙМ ТИЙМ ГЭЖ ГОЛЖ ШИЛНЭ….ХУУЛЬ ДҮРЭМ ЖУРАМ МӨРДӨХГҮЙ….ЭНЭ 7 САРД ХЭВИЙН АМЬДРАЛД ШИЛЖИХ ХҮЛЭЭЛТТЭЙ БАЙСАН Ч ИРГЭДИЙН ХЭНЭГГҮЙТЭЛЭЭС БОЛЖ БАЙДАЛ ШАЛ ДОРДЛООО…..ЯМАР БАЯРААР УУЖ ИДЭЖ Л БАЯРЛАДАГ НЭХ ӨРӨВДӨЛТЭЙ…..ХААНААСАА ХААЛГАЧ ХҮРТЭЛЭЭ ЯМАР Ч ХУУЛЬ ДҮРЭМ ЁС ЗҮЙ МЭДЭХГҮЙ ЗАВХАРСАН ОРОН ШҮҮҮ

Avatar

ХӨӨРХИЙ МОНГОЛЧУУД ИДЭШ УУШИНДАА ХЭЗЭЭ ЦАДНААА 2021-07-22 202.126.88.155

МОНГОЛЧУУДЫН СОЦИАЛИЗМ; 1990 ОНЫ ӨЛСГӨЛӨН ӨЛӨН ГЭДЭС НЬ ХЭЗЭЭ ИДЭШ УУШИНДАА ХАНАЖ ЦАДАХ ЮМ БОЛОО ??? ЦАДААСАЙ

Avatar

Зочин 2021-07-22 202.21.109.110

CОЦИАЛИЗМИЙН ҮЕД ӨЛССӨН

Avatar

Зочин 2021-07-22 202.9.40.10

huvi humuusiin bolovsrol humuujil yumda.eruul mendee tuhain hun l ooroo hyanaj baihgui bol 1000 heleed uher mongolchuud oilgohgui bhdo.zun bolohoor l tv sonin socialaar heleed l bdag.hulduu mongolchuud oilgohgui ba shede.naadam bolohoor tsag busaar mash ih hun chad hiij ba da ene bol mash hetsuu yumaa.ork setehuitei humuus denduu olon ba oo…horhogoo ideed huiten undaa airag arhia uugaad bval chadraad ; ba da.eruul mend hamgiin unetei shuu Mongoryu tumen

Avatar

Juju 2021-07-22 64.119.25.126

Eruul mendiin naad zahiin bolovsrol bhgui.Mah arhi 2 s oor bodoh yumgui humuus l haragdaad bdgiin

Avatar

Зочин 2021-07-22 103.212.116.123

Хортой, донтуулдаг архи үйлдвэрлэдэг нь батлагдвал АПУ-г татан буулгаад эздийг нь 1 худаг руу 50 жилээр явуулах хэрэгтэй. Мөн ч олон хүн архинаас болж амьдрал, амь нас дуусч байна.Архин дээрээ Чингисийн зураг тавихыг болиулах хэрэгтэй. Энэ АПУ-д хүндэднэ. Үүний оронд яагаад" Финландиа" шиг архи хийж болдоггүй юм.

Avatar

Manguu 2021-07-22 134.215.50.235

Car tahalyn yed ERYYLJYYLEH gedeg yumig haah heregtei.1 dor olon kumuusiig cugluulj 1 oroond horih inu buruu Tor zasag 1 hund Saran Eh 8 saya tog zarahyn orond gert in hurgej ogvol ulsyn tosov ard tymnii eryyl mended tustai.Shineer Setgej surcgaaya.

Avatar

иргзн 2021-07-22 202.179.25.90

Монголчууд Усанд живж үхнэ, Мотоцикл , Автомашины ослоор Чад хийнэ, Өндрөөс үсэрч амиа егүүтгэнэ, Нэг нэгнээ нухна, Хоол, Архиндаа хордож зуурдаар явна, Үйлдвэрийн болон Ахун ослоор ертөнцийн мөнх бусыг үзүүлнэ, иймэрхүү маягаар цөөхөн Монголчууд дууслаа дөө,

Avatar

Зочин 2021-07-22 103.80.210.183

монгол сургаалийг устгаж гуйвуулж цуурхдаг хятадын эрлийзүүдийн санаа гүйцэж байна даа. одоохон эргүүлээд эрүүл монгол болцгооё.

Avatar

зочин 2021-07-22 103.229.121.253

АПУ компани гэж архи нэртэй хор үйлдвэрлэдэг газар байна аа, архийг нь уугаад хордоод, донтуулагч бодистой заваан архи үйлдвэрлэж ард иргэдээ хордуулаад их л нүгэл хийж байна даа

Avatar

Иргэн 2021-07-22 203.98.77.126

Бисда нар дуртайдаа хэтрүүлж уугаад дараа нь солиороод байдгийн

Avatar

Зочин 2021-07-22 202.131.225.178

Үнэн шүү. Одоо ухаарч, эрүүл амьдарлын хэв маягийг хэвшүүлье.

NewsMN Гар утасны хувилбар Татах
NEWS.mn

Мэдээллийн эх сурвалж