“Эрүүл мэнд чухал ч хичээл, сургуулиа нэгдүгээрт тавих цаг болсон" | News.MN

“Эрүүл мэнд чухал ч хичээл, сургуулиа нэгдүгээрт тавих цаг болсон"

“Эрүүл мэнд чухал ч хичээл, сургуулиа нэгдүгээрт тавих цаг болсон"

“Эрүүл мэнд чухал ч хичээл, сургуулиа нэгдүгээрт тавих цаг болсон"

Наадмын дараа намар гэдэгчлэн тун удахгүй хичээлийн шинэ жилтэй золгох гэж байна. Цар тахлын улмаас сүүлийн хоёр жилийн хугацаанд сурагчид зайнаас суралцлаа. Тэд будаг нь ханхалсан ширээ сандал, инээд хөөр цангинасан багш хамт олноо үгүйлж байгаа. Өөрөөр хэлбэл цар тахлын нөлөөнд хамгийн их хохирч буй хүмүүс бол сурагчид.

Хүүхдүүд хоёр жил теле хичээл үзсэн  ч улсын хэмжээнд хичээлийн хоцрогдолтой 174 мянган хүүхэд бий гэсэн судалгаа гарчээ. Монгол Улсын хувьд сүүлийн хоёр хичээлийн жилд дунджаар нийт хугацааны 50 орчим хувийг зайн, теле хичээлээр явуулаад байгаа юм. Үндсэндээ дэлхийн улс орнуудад цар тахал нүүрлэсэн ч тэд боловсролын салбараа умарталгүй, сурагчдад хохирол багатай даван туулж байна.

Харамсалтай нь, манай улсад боловсролын салбарт үүссэн хичээлийн хоцрогдлыг нөхөхгүй бол ирээдүйд бүхэл бүтэн “харанхуй” үе гарч ирэх эрсдэлтэй юм. Дэлхийн банкны хийсэн судалгаагаар, зөвхөн covid-19-тэй холбоотой хичээлийн хоцрогдлоос үүдэн Монголын эдийн засагт ирээдүйд хоёр их наяд төгрөгийн бодитой хохирол үүснэ гэж дүгнэсэн байна.

Салбар яамнаас ирэх есдүгээр сарын 1-нд хичээл орохоор бэлтгэж байгаа гэдгийг онцолсон. Иймээс бид сургууль, эцэг эхчүүд, сурагчид хичээлийн шинэ жилд бэлэн эсэх талаар сурвалжиллаа.

ЕСДҮГЭЭР САРЫН 1-НД ТАНХИМААР ХИЧЭЭЛ ЭХЛҮҮЛЭХЭЭР БЭЛТГЭЖ БАЙНА

БШУЯ-наас есдүгээр сарын 1-нд танхимаар хичээл эхлүүлэхээр бэлтгэл ажлаа хангаж байгаа.

Энэ тухай БОЛОВСРОЛ, ШИНЖЛЭХ УХААНЫ САЙД Л.ЭНХ-АМГАЛАН:

Сургууль хичээл эхлүүлэх хугацаа Боловсролын хуулийн дагуу зохицуулдаг. Тийм учраас бид хуулиа хэрэгжүүлнэ. Гэхдээ есдүгээр сарын 1 гэхэд “Covid-19”-ийн нөхцөл байдал сайжрах уу, эсвэл муудах уу гэдгийг хэлэхэд эрт байна. Одоогоор 12-17 насны хүүхдийн 70 орчим хувь, ЕБС-ийн багш нарын 80 орчим хувь нь вакцины хоёр дахь тунгаа аваад байна.

Намрын хичээлийн жилийг хуулийн хугацаанд нээхийн тулд чармайн ажиллана. Гэхдээ эцсийн шийдвэрийг Засгийн газар гаргана. Бид энэ жилийн есдүгээр сарын 1-нд хичээлээ эхлүүлэхгүй бол хоёр жилийн турш танхимын хичээлийг бүрэн хаасан цөөн хэдэн улсын тоонд орохоор байна.

Хичээлийн хоцрогдол маш их үүссэн. Нэгэнт бид цар тахалтай дасан зохицон амьдрахаас хойш хичээлийн жилийн хугацаанд нь танхимаар эхлүүлэхээр бэлтгэл ажлыг хангаж байгаа" гэв.

ХАЛДВАРГҮЙТЭЛ АРИУТГАЛАА МӨРДӨӨД СУРГАЛТЫН ҮЙЛ АЖИЛЛАГАА ЯВУУЛ ГЭВЭЛ БИД БЭЛЭН БАЙГАА

Сургуулиуд дархлаажуулалтын цэг болоод удаж буй. Хотын төвийн хэд хэдэн сургуулиар орж бэлтгэл ажилтай танилцлаа. Тухайлбал, Монгол-Оросын хамтарсан гуравдугаар сургууль, зургадугаар сургууль, 31 дүгээр сургуулиар ороход сургууль хаалттай, багш ажилчид амарсан учраас хүн байхгүй байна гэдэг тайлбарыг өгч байлаа. Харин хувийн сургуулиуд хэдийнээ сурагчдаа хүлээн авахад бэлэн болсноо дуулгаж байна. Тэд хичээлийн шинэ жилийн элсэлтээ хавраас эхлүүлжээ. 

НЭГДҮГЭЭР СУРГУУЛИЙН ЗАХИРАЛ Р.ЭНХБАТ:

-Эцэг эх, багш сурагчид, бүгдээрээ хичээл сургууль танхимаар ороосой гэж хүсч байна. Сургуулийн хувьд бэлтгэл ажил хангагдсан. Бидний хамгийн санаа зовоож буй асуудал бол вакцинжуулалтын асуудал байна. Одоогоор 12 хүртэлх насны хүүхдүүд вакцинд хамрагдаж байна. Өөрөөр хэлбэл долдугаар ангийн хүүхдүүд вакциндаа хамрагдчихлаа. Тэрнээс доош ангийн хүүхдүүд эрсдэлтэй байна. 1-6 дугаар ангийн хүүхдүүд эрсдэлтэй нөхцөлд байна. Төр засгаас ямар шийдвэр гаргах нь уу. Түүнийг баримталж ажиллана. Манай сургууль 3600 гаруй хүүхэдтэй. 2020-2021 оны хичээлийн жилд ихэнхдээ онлайнаар хичээллэсэн. Сургуулийн хувьд хичээлийн танхим, сургалтын орчны бэлтгэл бүрэн хангагдсан. Айхтар засвар хийгээд байх шаардлага гарахгүй байна. Хамгийн гол нь вакцинжуулалтын асуудал шийдэгдээд халдваргүйтэл ариутгалаа мөрдөөд сургалтын үйл ажиллагаа явуул гэвэл бидний хувьд бэлэн байгаа.

ЦАР ТАХАЛТАЙ ДАСАН ЗОХИЦОХ ЁСТОЙ

Есдүгээр сарын 1-ээс хичээл эхлэхийг дэмжих үү?

Есдүгээр сарын 1-ээс хичээл эхлэхийг дэмжих үү?https://news.mn/r/2454236/

Posted by News.mn on Tuesday, July 20, 2021

Иргэдийн зүгээс ирэх хичээлийн жилийг танхимаар хичээллүүлэх сонирхолтой байгаагаа илэрхийлсэн юм. Гэвч Монгол Улсад тавхан секундын дотор бусдад халдах чадвартай, дельта хувилбар хүн амын бүртгэгдсэн нь ирэх намар хичээл танхимаар эхлэх эсэх нь эргэлзээ дагуулж эхлэв.

Л.ТӨР-ОД:

-Цар тахлын нөхцөл байдлыг харгалзан үзэх хэрэгтэй. Ер нь олон улсын туршлагыг харгалзах нь зүйтэй байх. Хамгийн зохистой нь хичээлийг цалгардуулахгүйгээр танхимд олон хүүхэд бөөгнүүлэхгүй байх нь зөв. Зарим сургууль, хоёр гурван ээлжээр хичээллэдэг. Үүнийг зогсоогоод ялангуяа цар тахал болон дараах үед нэг ээлж рүү шилжих хэрэгтэй. Нэгдүгээрт, хүүхдийн бөөгнөрлийг багасна, хоёрдугаарт хүртээмжийг дээшлүүлэх байх. Ер нь бол холимог буюу хагас танхим, хагас цахимаар явуулсан нь дээр. Мэдээж хэрэг цар тахлын нөхцөл байдал сайжрахаас хамаараад хичээлийг танхимаар оруулсан нь зөв.

Ч.ГАН-ОЧИР:

Вакцин хийлгэсэн хүүхдүүд хичээлд орох нь зөв байх. Нэгээс тавдугаар ангийнхан танхимаар орно гэхэд хэцүү. Тэгэхээр бага анги нь онлайнаар ороод вакцин хийлгэсэн хүүхдүүд танхимаар орох хэрэгтэй.

С.ГАНЧИМЭГ:

Нөхцөл байдалтайгаа уялдаад одоо дасан зохицох ёстой. Хичээл орохгүй бол хүүхдүүдийн ирээдүй хэцүү болж байна. Сургуулийн насны хүүхэдгүй ч гэсэн бусад хүмүүсийг харахад онлайн хичээл үр дүнгүй байгаа нь харагдаж байна. Зөвхөн нэг талаа бариад бусад салбараа хаяад байгаа юм болов уу. Хүүхдүүдийнхээ боловсролыг анхаарах, нэгдүгээрт тавих цаг болсон байх. Хэдий эрүүл мэнд чухал ч гэсэн дэлхий даяараа зохицож амьдарч байна.

 

Н.ЖАВХЛАН:

-Танхимаар хичээллэх нь зөв. Одоо учраа олоод амьдрах хэрэгтэй. Дор бүрнээ өвчин тусахгүйг хичээн амьдрах хэрэгтэй. Хүчээр өвчин тусгаад байгаа биш. Сахилга бат чухал байна. Бусад орнуудын жишгээр явахгүй бол болохгүй байх. Танхимаар ороосой гэж дэмжиж байна.

Энэ мэдээнд өгөх таны сэтгэгдэл?
8
ЗөвЗөв
4
ТэнэглэлТэнэглэл
2
ХөөрхөнХөөрхөн
1
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

23 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-21 103.9.90.100

1 ангид 55-65 хүүхэд сурч байгаа тоог багасгаж, хичээлийг 20-25 хүүхэд танхимд суралцахаар 2-оос 3-н хэсэгт хувааж баг, хэсэг болгож, гэрийн даалгаврыг их өгч багш заавал шалгаж дүгнэх байдлаар бага ангийн хүүхдийн хичээлийг ядаж 40-45 минут оруулах байдлаар зохицуулалт хийх …г.м асуудлыг аль болох болж бүтэх талаас нь шийдвэрлэх хэрэгтэй байна. Түүнээс 9 сарын 1-нд хичээл эхлээд ганц хоёр сар орсон болоод ковид гээд орохгүй цахимд шилжвэл нэмэргүй. Хүүхдүүд бидний ирээдүй шүү дээ.

Avatar

Зочин 2021-07-21 203.91.115.43

Дэлхий нийтэд дeльта болон түүнээс ч хортой өөр вирус тарж эхэлж байгаа талаар мэдээлж бна Ирэх намар өвөл маш хүнд болох тухай ярьж байна Тэгэхээр сургууль орох боломжгүй болох нь

Avatar

Иргэн 2021-07-21 64.119.20.3

5-аас дээш насны хүүхдүүдээ хичээл эхлэхээс өмнө вакцинд хамруулаад 9 сарын 1-нээс уламжлалаараа бүх сургуулиуд хичээлээ эхлэхийг дэмжиж байна. Хичээлийн явцын дунд мэдээж өвчлөл энэ тэр гарах ч эмчлэгдээд эдгээд г.м-ээр, ер нь цаашдаа ковидтой нөхцөлдөө зохицоод бүх хичээл сургуулиа хэвийн явуулж таарах байхоо. Алийн болгон ковид хэмээх ханиадаас болж нийгмээрээ хохирохов ухаантай байцгаая.

Avatar

suragch 2021-07-21 202.179.21.226

huuhduudiihaa talaas bodood uzeech etseg ehcuudee tanhimaar oroor bnaaa

Avatar

Иргэн 2021-07-21 202.9.47.63

Сургууль оруулах хэрэггүй.эрүүл саруул байвал жаргал.

Avatar

Зочин 2021-07-21 103.212.117.233

Ene ulsiin surguuliin heden lalriin bagsh nar ajlaa hiihgui bh sanaatai, buur davartsan.

Avatar

ХУУЛЬЧ 2021-07-21 192.82.64.190

ХҮН, ХҮҮХЭД ЭРҮҮЛ БАЙЖ АМЬДРАЛ ҮРГЭЛЖИЛДЭГ БАЙГАЛИЙН ДИАЛЕКТИК ХҮН ТӨРЛӨХТӨНД ҮЙЛЧИЛЖ ИРСЭНИЙГ САНЖ МОНГОЛЧУУД АМЬДРАХ УЧИРТАЙ ,,,,,,,ЯМАР САЙН ДАА ХҮН ӨВЧИНГҮЙ ЭРҮҮЛ БОЛ ЖАРГАЛ,,,,ГЭХЭВ ДЭЭ ,,,,,

Avatar

Зочин 2021-07-21 122.201.31.46

Сургууль хаалттай байхад хичнээн хүүхэд сурагч оюутнууд халдварт өртсөн бэ. Хүн цөөдөөд байгаа бол хичээлээ танхимаар оруулах байлгүй дээ тэгээд ч зүгээр сургалтын төлбөр цуглуулах ажил биз Одоо Дельта яригдаж эхэлсэн ийм цаг үед хичээл сургууль гэх нь зүгээр л юм байх даа

Avatar

Араа бодоогүй алхам 2021-07-21 124.158.68.17

Хүссэн хүсээгүй 9сарын 1 нд хичээл орно. Тэгээд төлбөртэй сургуульд явдаг бүх хүүхэдүүд төлбөрөө өгөөд дуусахаар карантилж онлайн хичээл болгож хувиргана. Өмнөх 2 жилд яг тэгж ирсэн. Тэгээд ороогүй хичээлийн жилийн төлбөр бүтэн төлөгдөж, онлайн хичээл гэж жанхуу шиг юмаа сайн болжбна гэж хөөрөгдөнө. Манай төр засагийн хийж чадах зүйл ард иргэдээ дээрэлхэж доромжлох

Avatar

Зочин 2021-07-21 192.82.70.218

Бусад орнуудтай л их барьцах юм. Бусад орны иргэд чинь ухамсартай, ядаж л аминдаа хайртай. Манай орк архичин эх эцэг айл хэснэ, өвчин авна, хүүхдэдээ халдаана гэдгээ огт бодохгүй, өнгөрсөн хойно нь тэгсэн байна штээ гээд л дуусна. Нийгэм ххмт олон нь шаардлага тавихгүй, төр нь хариуцлага тооцохгүй, бүх юм бусад оронд байдгаас эсрэг шүү дэн.

Avatar

Зочин 2021-07-21 202.9.40.24

AНУ д фрайзерыг 5 аас дээш насны хүүхдэд хийж эхэлсэн бн. Манайхан мөн адил 5 аас дээш насныхандаа хийгээд хичээлээ эхэлмээр бн. Өөрсдөө чадахгүй бж юу хүлээгээд хараад суудаг юм бол??

Avatar

Иргэн 2021-07-21 43.242.243.125

Энэ нэг томуугаас болж ирээдүйгээ харанхуй бүдүүлэг нийгэмшээгүй болгох шаардлага бхгүй. Манайхаас бусад үе тэнгийхэн нь сурч боловсорч хөгжиж бхад бид нар бахь байдгаараа сүүл мушгиж байх гэж дээ. Зүгээр л хүүхдүүдээ танхимд нь суулгаад сургая. Тусах нь тусаад эмчлэгдэж эдгэх нь эдгээд зүгээр л амъдарч цааш явцгаая

Avatar

Зочин 2021-07-21 66.181.177.84

Малнууд нь гэртээ төл малтайгаа. Бусад нь сур сур бас дахин сур. Ертөнцөөс гээгдлээ нэг үеэрээ!!!

Avatar

Зочин 2021-07-21 150.129.141.194

Ихэнх багш нар синофармын вакцин хийсэн, гэтэл Оном сангийн Америкт явуулсан судалгаагаар эсрэг бие суларсан үр дүн, муу байна гэсэн үр дүн гарсан байна, иймээс 8-р сардаа багтааж файзераар 3 дахь тунг хийхгүй бол гол өвчилж өвчин тараах хүмүүс нь багш нар болох нь байна шүү!!!

Avatar

kovid namaa 2021-07-21 129.19.156.2

nobshirgyi baigaag xarsan baixaa

Avatar

ta nariig ! ! guilagchluulax,deerelxex sanaatai blokloj, netee, z**l. 2021-07-21 129.19.156.2

trash

Avatar

- ylc 2021-07-21 129.19.156.2

BATEREIGAAR

Avatar

vakcun,YDIIN xool,tyrgen xool,cyrgyyliyydiin xoolpyy xyrtel opoj yctgaj bn 2021-07-21 129.19.156.2

oopsdoo xool yndaa xuuj,abch yab.
ymar ch ubchin,yu ch xuuj magad gedeg ni yrt XUGATSAAGAAR bloklogdoj BAIGAAGAA notlogdloo. opchniig boxurduulj.yctgaj.olon tom xyn xyyxed ALLAA.

Avatar

Vaktsin xaldvar 3/8 naas 1,6 bloklox sanaatai,daramtalj tsaxilgaan CTANTS,XYNII CAYA CAYAAR NI XULGAILCHAAS OLON XYN ALSAN USTGAX GEJ DALDALJ BN GEJ OILGOLOO,YAHAAD VAKTSINAAR XOER JIL BOLOV. 2021-07-21 129.19.156.2

TSAXILGAANAA XOER EELJEER,XULDUXGYIDEE BAI.

TOM ZAI XURAAGUURAAR AJILDAG, BALIAR XYNIIG ARD IRGED XAA CH XYLEEJ ABAXGYI BN. STANDARTGYI,SHUNALAAS TDAASHGYI CHUTGUR.

Avatar

DGG 2021-07-21 64.119.16.205

ЭРҮҮЛ МЭНДИЙН АСУУДЛАА НЭГДҮГЭЭРТ ТАВЬЖ БАЙ. АМЬД ЯВБАЛ АЛТАН АЯГАНААС УС УУХ ХУВЬ ТОХИОДОГ ЮМ. ДЕЛЬТА ХУВИЛБАР ГЭЖ АЮУЛ ТАРХААД БАЙНА ЦААНА ЧИНЬ.

Avatar

зочин 2021-07-21 202.21.105.186

Энэ сайтын сурвалжлагч нар аливаа асуудлыг улс эх орны эрх ашигт нийцүүлж биш, өөр зорилгоор бичээд байгаа мэт сэтгэгдэл надад байнга төрж байдгаа нуух юун

Avatar

Зочин 2021-07-21 192.82.65.168

Сайн унш

Avatar

ө 2021-07-21 103.9.90.130

Вакцин хийлгэсэн ахлах, дунд анги, их дээд сургуулийг богиносгосон цагаар танхимаар хичээллэж болох байхаа, цэцэрлэг, бага анги энэ үед худлаа до,

NewsMN Гар утасны хувилбар Татах
NEWS.mn

Мэдээллийн эх сурвалж