"Экспортын гацаа үргэлжилбэл улсын төсөвт цохилт болно" | News.MN

"Экспортын гацаа үргэлжилбэл улсын төсөвт цохилт болно"

"Экспортын гацаа үргэлжилбэл улсын төсөвт цохилт болно"

"Экспортын гацаа үргэлжилбэл улсын төсөвт цохилт болно"

Сангийн яамнаас Засгийн газраас хэрэгжүүлж буй “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний үр дүнгийн талаар мэдээлэл өглөө.

Сангийн сайд Б.ЖАВХЛАН:

-Засгийн газрын хуралдаанаар эрүүл мэндээ хамгаалж эдийн засгаа сэргээх 10 их наядын цогц хөтөлбөрийн гүйцэтгэл, үр дүнгийн талаар танилцууллаа. Өнгөрсөн гуравдугаар сараас хэрэгжүүлсэн гурван төрлийн зээл өнгөрсөн долоо хоногийн байдлаар 3 их наяд 183.4 тэрбум төгрөгийн зээл олгогдсон байна. Гүйцэтгэл 70 хувьтай үргэлжилж байна. Зээлийн гол зорилго нь эдийн засгаа сэргээх, ажлын байрыг хадгалах. Энэхүү төлөвлөгөөг 10 их наядын хөтөлбөр биелүүлж байна гэж бид үзлээ. Өнгөрсөн долоо хоногт 3.1 их ная төгрөгийн зээлийн хүрээнд 204.290 мянган ажлыг байрыг хамгаалж чадлаа. Гурван төрлийн зээлийг тус бүрээр нь задалбал,

  • Ажлын байрыг дэмжих 3 хувийн хүүтэй зээл энэ онд 2 их наядын зээл олгогдоно. Одоогоор 1 их наяд 701.5 тэрбумыг нийт 22660 зээлдэгчид олгожээ. Ингэснээр 91582 ажлын байрыг дэмжсэн байна.
  • Төв банкнаас нийт 593 тэрбумын зээл гаргажээ. Үүнд 2645 зээлдэгч хамрагджээ. Нийт 26069 ажлын байрыг хамгаалжээ.
  • Ипотекийн зээлийн хүрээнд 512 тэрбумын зээлийг олгожээ. Нийт 6710 өрх хамрагджээ. Үүний нөлөөгөөр Барилга угсралт, барилга үйлдвэрлэлийн салбарт үйл ажиллагаа явуулсан ААН-үүдийн 86 мянган хүн ажлын байраа хадгалж байна.

Эдийн засаг энэ оны эхний улиралд 15 хувиар өссөн дүнтэй байна. Энэ нь 2019 онтой харьцуулахад 3 хувийн өсөлттэй байна. Оны эцсээр 6.5 хувийн эдийн засгийн өсөлтөд хүрэх боломжтой. Эдийн засгаа сэргээх хөтөлбөрийг анх хэрэгжүүлэхдээ бид 120 мянган ажлын байрыг хадгалах зорилт тавьсан. Оны сүүл гэхэд энэ зорилтдоо хүрч чадна. ААНОАТ энэ оны эхний улиралд 886 тэрбум төгрөг байна. Үүнийг өнгөрсөн онтой харьцуулахад 57 хувиар өссөн үзүүлэлт юм.  Мөн НӨАТ-ын орлого өсч цар тахлын  өмнөх үеийнхээс ч өссөн дүнтэй гарлаа. НӨАТ төлөгчийн тоо хоёр дахин нэмэгдсэн нь орлогод нөлөөлсөн. Хэдийгээр эдийн засаг эерэг үзүүлэлттэй гарсан ч улсын төсөвт эрсдэл байгаа юм. Цар тахлын улмаас өнгөрсөн хугацаанд хилийн боомтуудын нөхцөл байдал хүндэрч экспорт  хоёр сар “тэг” зогслоо.  Урд хөрш ачаа тээвэр хүлээн авахгүй гэж мэдэгдсэнээр хил дээр ачаа бараа овоорох, ачаа тээвэрлэлт гацах, экспорт зогсох зэрэг олон асуудал үүслээ. Долдугаар сард ч бас экспорт бага хэмжээтэй байгаа юм. Ийм нөхцөл байдал цаашид удаан үргэлжилбэл улсын төсөвт багагүй цохилт авна. Тиймээс хилийн боомтуудын нөхцөл байдлыг сайжруулах чиглэлээр Засгийн газраас боломжтой бүх арга хэмжээг авч байна. Тухайлбал, Гашуунсухайт боомтод ачаа тээвэр болон тээврийн машины жолооч нарыг урд хөрш рүү хил нэвтрүүлэхгүйгээр хилийн бүсийн зоонд чингэлэг ачаа тээвэр буулгах шинэ терминалын бүтээн байгуулалт үргэлжилж байна. Энэхүү терминалыг наймдугаар сард ашиглалтад оруулж, Гашуун сухайт Шивээхүрэн боомтын үйл ажиллагааг хэвийн горимд шилжүүлэхээр зорьж ажиллаж байна.

Энэ мэдээнд өгөх таны сэтгэгдэл?
4
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-20 66.181.160.46

Халдварыг зориуд тараагаа биздээ. Цаг хугацаанд нь бага дээр нь нам дарсан бол эрүүл мэнд,эдийн засгаа аль алий нь аваад гарчих бололцоогоо алдсан.Делтаа ирсэн хуйхлуулхаа хүлээцгээ.

Avatar

Зочин 2021-07-20 103.26.194.84

Энэ байдлаараа ч Вэнэсуэл болох ч тун ойрхон байна даа. Улсаа бодох уу намаа бодох уу харж л байя

Avatar

Зочин 2021-07-20 89.85.156.2

Хулгайч хулгайч шүү дээ маскаа аваад хаячих

Avatar

амьрдалргал 2021-07-20 202.9.46.234

Гашуун сухайтын төмөр замыг 2011 онд МСS компани барьчихсан бол өдийд нүүрсээ санаа амар гаргаад бх байлаа. Женко гэж хөгийн лалраас болоод бидний амьдрал ахуй сүйрч бна дөө

Avatar

Зочин 2021-07-20 192.82.76.254

Хэлээд юүхэв.

Avatar

Зочин 2021-07-20 202.126.88.49

Хил дээрх гацаагаа гаргаж чадахгүй нөхдүүд төр засагт сайд дарга хийхээсээ ичдэггүй л юм байх даа.

Avatar

Зочин 2021-07-20 139.5.216.133

Энэ халдварын хүнд үед АН төрд байсан бол улсын данс улайлгаж ,эдийн засгийг сүйрүүлж өр зээлээ нэмчихсэн иргэдийн амьдрал тартагтаа тулчихсан байх биз. Тэд үүндээ гарамгай. Бас бусдыг гүтгэж гүжирдэх,дайрч доромжлох давшлахдаа сайн.

Avatar

Зочин 2021-07-20 124.158.70.72

MAN chin harin ulsaa suiruulchihlee sh dee

Avatar

zochin 2021-07-20 139.218.63.183

tumur zamaa bariachee buh gishuud mashintai terugere nuurs zuudug bolhoor gatsaagad eniig anhaarnuu eook erunhii saidaa

Avatar

1000 ямаатай айлын хүүхдэд 100 мянган төгрөг хэрэггүй харин 10 ямаатай айлын хүүхдэд сар бүр 1сая төгрөг өг 2021-07-20 150.129.142.249

Хавтгайрсан халамжаа зорилтод бүлэг рүү чилүүлэх. Сарын 2 сая төгрөгөөс дээш цалинтай иргэд мөн УИХ ЗГ гишүүд аймагын засаг дарга дэлгүүр захын эзэд хуулийн салбарын өндөр албан тушаалтан урлаг спортын одуудын хүүдүүдэд өгөх 100 мянга зогсоох түүнтий оронд өдөр бүр өлөн зэлмүүн амьдарч байгаа хүн амын 10% -д сард 500 мянган төгрөг өг. Мянган малтай айлын хүүхдэд 100 мянга хэрэггүй.

Avatar

Zochin 2021-07-20 173.26.174.113

Huuhed burt ogoh ni zuv shu de. Huuhed tom bolood bas ireedui uedee tusaldag bolno. Uls bodlogoor ireeduin ezdee beldej baina, etseg ekh yamar amidraltai baikh ni uund hamaagui gej boddog.

Avatar

Дөлгөөн 2021-07-20 202.126.89.119

Битгий ш**!

Avatar

Зочин 2021-07-20 64.119.24.243

Энэ новшнууд идэж уухаа

Avatar

АМЖИЛТ ХҮСЬЕ 2021-07-20 202.70.33.242

УУЛ НЬ Ч ИХ Л САЙН АЖИЛЛАЖ БАЙГАА ЮМ БАЙНА ЭНЭ КОРОНАГ Л ДАВАХУХААНАА ОЛОХ ХЭРЭГТЭЙ БАЙНА НҮҮРС ТЭЭВЭР СЭРГЭНЭ ГЭДЭГ МОНГОЛЫН ЭДИЙН ЗАСГИЙН НЭГ АВРАЛЫН ОД ЮМ ДАА. АЖИЛД НЬ АМЖИЛТ ХҮСЬЕ

NewsMN Гар утасны хувилбар Татах
NEWS.mn

Мэдээллийн эх сурвалж