Гималайн 14 оргилд гарсан хуруугүй уулчин осолджээ | News.MN

Гималайн 14 оргилд гарсан хуруугүй уулчин осолджээ

Гималайн 14 оргилд гарсан хуруугүй уулчин осолджээ

Гималайн 14 оргилд гарсан хуруугүй уулчин осолджээ

Өмнөд Солонгосын хуруугүй уулчин дэлхийн дээвэр Гималайн бүхий л өндөр 14 оргилд хүрснийг өчигдөр/2021.07.20/ албаны хүмүүс мэдээлжээ. Ким Хон Бин хэмээх 57 настай уулчны хувьд өнгөрөгч Ням гаригийн 16.58 цагт Пакистаны Каракорамын 8047 метрийн өндөртэй Броад оргилд хүрч, хамгийн өндөр оргилд гарсан хөгжлийн бэрхшээлтэй хүн болсон. Гэвч буцах замдаа буюу өчигдөр 09.58 цагт далайн түвшнээс 7900 метрийн өндөрт байхдаа ослын дуудлага хийжээ. Түүнтэй ойр авиралт гүйцэтгэж байсан уулчид аврахаар очсон ч чадаагүй аж. Түүнтэй хамт явж байсан Оросын уулчин Антон Пуговкины мэдээлснээр Ким бууж байхдаа гулсаж, 15 метрийн урттай хавцал руу унаж амиа алдсан гэнэ.

Кимийг аврахаар очсон Виталий Лазо амьд үлдэж, бууж ирж байна.

Энэ талаар Ази, Альпийн холбооны ерөнхийлөгч Лий Ин Жон ярихдаа “Би Ким Хон Бинийг оргилоос бууж байхдаа сураггүй болсон гэх дуудлагыг хүлээн авсан. Уулчид түүнийг аврахаар очсон ч бүтэлгүйтсэн гэж дуулсан” хэмээн ярьжээ.

Амиа алдсан Ким Хон Биний хувьд 30 жилийн өмнө 1991 онд хойд Америкийн хамгийн өндөр уул Деналид авчирч байхдаа гарынхаа бүх хурууг хөлдөөж тайруулсан гэнэ. Хэдийгээр амиа алдсан ч гэсэн тэрбээр аяллынхаа гол зорилгыг биелүүлж, Гималайн 8000-аас дээш өндөртэй бүхий л оргилуудад гарсан анхны хөгжлийн бэрхшээлтэй хүн болжээ. Албаны хүмүүсийн хэлж буйгаар Ким Хон Бин 14 оргилд гарсан дэлхийн 44 дэх, Өмнөд Солонгосын долоо дахь уулчин болсон аж.

Өмнөд Солонгосын ерөнхийлөгч Мүн Жэ Ин түүнд баяр хүргэн “Та Covid-19-тай тэмцэж буй ард түмэндээ бахархал, итгэл найдварыг авчирлаа” хэмээн өөрийн сошиал хуудаснаа бичсэн байжээ.

Ким зургаан уулчны хамтаар оргилд гарах аяллаа эхлүүлсэн бөгөөд тэд долдугаар сарын 14-ний өдөр 4800 метрийн өндөрт баазаа байгуулжээ.

Энэ мэдээнд өгөх таны сэтгэгдэл?
82
ХарамсалтайХарамсалтай
6
БурууБуруу
5
ЗөвЗөв
5
ХөөрхөнХөөрхөн
3
ХахаХаха
3
ГайхмаарГайхмаар
3
ТэнэглэлТэнэглэл
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-20 192.82.68.53

Та бол бахархмаар байлаа.Тайван нойрсдоо.Ум мани бадма хум

Avatar

Зочин 2021-07-20 202.126.88.163

Хүнд өөр өөрийн хүсэл сонирхол зорилго тэмүүлжл байдаг тэрэндээ хүрнэ гэдэг л хамгийн том азжаргал. Санасандаа хүрсэн юм чинь санаа амар амгалангийн ертөнцдөө морилсон нь дамжиггүйээ.Эр зориг тэвчээр хатуужлаараа ард түмэндээ урам зориг өгөөд буцсан юм чинь удахгүй сайн төрлийг олж төрөх байхаа.Ум мани бад мэ хум. Бүх өндөр оргилд гарсан дэлхийн 44хөн хүний нэг нь гээд бодоход л бахархмаар бишэрмээр сэтгэгдэл төрж байна.

Avatar

Сөр 2021-07-20 103.229.120.110

Уулчдыг ойлгох ухаан хайрла! Тэр дээр гарах ямар хэрэг байдаг юм бол доо? Амь нас 1 л заадаггүй билүү???

Avatar

ok 2021-07-20 192.82.92.45

hun amitanaas ylgarah neg l zuil husel muruudul ym.

Avatar

Зочин 2021-07-20 203.91.115.48

Um Ma Ni Bad Mi Hum

Avatar

Зочин 2021-07-20 192.82.77.191

СОЛОНГОСЫН АРД ТҮМНИЙ БАХАРХАЛ, ЭР ЗОРИГИЙН ДУУЛЬ БАЙЖЭЭ,,,ЦАСТ УУЛСЫН ЦАГААН БАРС ИХ УУЛСЫНХАА ЭНГЭР БЭЛД ДАХИН ТӨРӨХ БОЛТУГАЙ,,,

Avatar

Зочин 2021-07-20 63.141.48.143

Тайван нойрсдоо дараа төрөлдөө дахин хүн болж олон ууланд авираарай

Avatar

Зочин 2021-07-20 63.141.48.143

эвийдээ ямартайч авирч оргилд нь гарлаа сэтгэл нь амарсан байх тайван нойрсдоо

Avatar

Боги 2021-07-20 202.126.90.87

Үхснээ хиж авирдаг бнаа. Уул нуруудыг хогоор дүүргээл…… тэнэг хулгайчууд

Avatar

Зочин 2021-07-20 139.5.216.20

Um ma ni bad me hum

NewsMN Гар утасны хувилбар Татах
NEWS.mn

Мэдээллийн эх сурвалж