Ш.Батхүүгийн хэргийг анхан шатны шүүх рүү буцаав | News.MN

Ш.Батхүүгийн хэргийг анхан шатны шүүх рүү буцаав

Ш.Батхүүгийн хэргийг анхан шатны шүүх рүү буцаав

Ш.Батхүүгийн хэргийг анхан шатны шүүх рүү буцаав

Улсын Дээд шүүхийн хяналтын шатны эрүүгийн хэргийн шүүх хуралдаанаар Ш.БатхүүЧ.Ганзориг, Б.Мөнхжаргал, Г.Амарбат, Г.Алтан, Э.Сүрэн нарт холбогдох эрүүгийн хэргийг шүүгдэгч нар, тэдний өмгөөлөгчид болон хохирогчийн өмгөөлөгчийн гаргасан гомдол, прокурорын эсэргүүцлийг үндэслэн /2021.07.19/ хянан хэлэлцлээ.

Шүүх хуралдаанаар хэргийг хянан хэлэлцээд анхан болон давж заалдах шатны шүүхийн шийдвэр хууль ёсны болон үндэслэл бүхий байх шаардлагыг хангаагүй байна гэж үзэж, прокурорын эсэргүүцлийг хүлээж аван хэргийг анхан шатны шүүхээр дахин хэлэлцүүлэхээр буцааж шийдвэрлэв.

Эргэн сануулахад,  Хан-Уул дүүргийн Эрүүгийн хэргийн анхан шатны шүүх дээрх хэргийг 2020 оны аравдугаар сарын 22-ны өдөр хянан хэлэлцээд прокуророос Г.Алтан, Э.Сүрэн нарт Эрүүгийн хуулийн 17.3 дугаар зүйлийн 2.2, 21.1 дүгээр зүйлийн 1 дэх хэсэгт зааснаар яллах дүгнэлт үйлдэж ирүүлсэн хэргийг гэмт хэргийн шинжгүй гэсэн үндэслэлээр хэрэгсэхгүй болгон цагаатгажээ.

Мөн прокуророос Ш.Батхүүд Эрүүгийн хуулийн 21.1 дүгээр зүйлийн 1 дэх хэсэгт зааснаар яллах дүгнэлт үйлдэж ирүүлсэн хэрэг, Төрийн банкинд их хэмжээний хохирол учруулсан гэх хэргийг гэмт хэргийн шинжгүй гэсэн үндэслэлээр тус тус хэрэгсэхгүй болгосон байна. Харин Ш.Батхүүг хуулийн этгээдийн удирдах албан тушаалтан эрх мэдлээ урвуулан ашигласан гэмт хэргийг зохион байгуулсан, урьдчилан үгсэж тохиролцсон, бүлэглэн гүйцэтгэсэн, тусгай зөвшөөрөл олгосон баримт бичиг, тамга, тэмдэг, хэвлэмэл маягтыг хуурамчаар үйлдсэн, хуурамч болохыг мэдсээр байж ашиглаж, бусдын эд хөрөнгөнд ноцтой хохирол учруулсан, мөнгө угаах гэмт хэргийг байнга тогтвортой үйлдсэн,  бусдыг залилж, их хэмжээний хохирол учруулсан гэмт хэргийг үйлдсэн гэм буруутайд тус тус тооцож, 2015 оны Эрүүгийн хуулийн 22.12 дугаар зүйлийн 1, 23.22 дугаар зүйлийн 2, 18.6 дугаар зүйлийн 2.2, 2.3, 17.3 дугаар зүйлийн 2.2-т зааснаар нийт 8 жил хорих ял оногдуулсан.

 Ш.Батхүүгээс биет хөрөнгүүдийг гаргуулж улсын орлого болгох, гэм хорын хохиролд нийт 140 гаруй тэрбум төгрөгийг гаргуулж, иргэний хариуцагч болох нэр бүхий компаниудад олгуулахаар шийдвэрлэсэн байна. Ч.Ганзориг, Б.Мөнхжаргал, Г.Амарбат нарыг Эрүүгийн хуулийн 265 дугаар зүйлийн 265.2 дахь хэсэгт заасан аж ахуйн нэгжийн албан тушаалтан бусдад давуу байдал тогтоох зорилгоор албан тушаалын эрх мэдлээ урвуулан ашигласан гэмт хэргийг үйлдсэн гэм буруутайд тус тус тооцож,  хөөн хэлэлцэх хугацаа дууссан үндэслэлээр эдгээр шүүгдэгчдэд холбогдох хэргийг хэрэгсэхгүй болгож, эрүүгийн хариуцлагаас чөлөөлсөн.

Нийслэлийн Эрүүгийн хэргийн давж заалдах шатны шүүх уг хэргийг 2021 оны 3 дугаар сарын 17-ны өдөр хянан хэлэлцээд анхан шатны шүүхийн шийтгэх тогтоолд өөрчлөлт оруулж, Ш.Батхүүд холбогдох зарим хэргийг гэмт хэргийн шинжгүй гэсэн үндэслэлээр хэрэгсэхгүй болгож, Ш.Батхүүд оногдуулсан ялыг 7 жил хорих болгон өөрчилж шийдвэрлэж байсан юм.

Энэ мэдээнд өгөх таны сэтгэгдэл?
7
ТэнэглэлТэнэглэл
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-20 64.119.16.114

mongoliin huuli hyanaltiinhnii avilgal deed tsegtee hurch darga nariinch zahiasiig bieluulj baigaa bololtoi tomchuud urshuugduj chipakuud yal sonsoh tsag ue yam bn

Avatar

иргэн 2021-07-20 192.82.75.211

Монголын шүүх прокурор авилга хээл хахуулд идэгдсэн, хуйвалдааны үүр уурхай болсон газар болсон, дээр нь чадваргүй шүүгчдээр дүүрсэн учраас том луйварчдын хэргийг буцаах, хойшлуулах, хугацаа хожих, хүчингүй болгох улмаар замхруулах, хүчингүй болгож байна. Засгийн газар энэ бүхнийг дийлэхгүй байна. Цаад авилгачид нь дийлдэхгүй байна шүү дээ

Avatar

Зочин99 2021-07-20 103.212.116.40

Энэ Батхүүгийн хэрэг хэзээ ч үнэн зөвөөр шийдэгдэхгүй ээ. "Өнгө мөнгө нийлбэл үнэн худал ялгарахгүй" гэсэн ардын зүйр үг бий. Том хулгайчид хувааж идсэн болохоор яаж ч чадахгүй дэнжигнүүлээд, цаг хожоод байх шиг байна. Ч. Ганзориг но-той шүү.

Avatar

Иргэн 2021-07-20 202.21.104.234

ЗГ-ын ам ажил хоёр нь дандаа зөрж байдаг. Өглөө нь авилгалтай тэмцэнэ гэх, үдээс хойш авилгалчдаа өршөөх гэнэ. Хэн одоо та нарт итгэх юм бэ. Дүр эсгэсэн, манай ЗГ үнэхээр бүтэхгүй ээ бүтэхгүй, хичнээн өөрөөр горьдож хараад ч нэмэр алга

Avatar

Өлзий 2021-07-20 192.82.68.10

Хулгайчдаа ингээд толгойг нь илээд байвал ямар юмных нь авилгатай тэмцэх байхав дээ цүнх баригч, боловсролгүй, дүйнгэ МАН гаруудаа. Та нараас үнэндээ л залхаж байна.

Avatar

Зочин 2021-07-20 202.21.108.179

ЯГ ЗӨВ

Avatar

харамсагч 2021-07-20 66.181.186.59

Анхан шатны шүүх яинь ажлаа мэддэггүй болчихсон хэрэг үү. Анхан шатны шүүх рүү буцаалаа л гэх болж

Avatar

Зочин 2021-07-20 122.201.31.80

Эд нарын үр үндэс тэр чигтээ бохирдсон!Тэгэхээр яах ёстой вэ?

Avatar

Зочин 2021-07-20 192.82.78.138

Авилга албан тушаалттантай холбоотой том луйврын хэргийг 5-10 жилээр шалгаж сунжруулаад эцэст нь хамгийн бага ял эсвэл тэнсэн харгалзах гэх мэтээр сулладаг тогтолцоо монолд л үйлчилж байна.

Avatar

зочин 2021-07-20 66.181.180.203

Түмний хөрөнгөөр тоглосон луйварчдыг дүүжлээчээ иргэж буцааж байгаад л цагаатгаад байх юм ийм байдлаар яаж шийдэх гээд байгаа юм бэ Наад Батхүүг хар баярт ирсэн хүн шиг малийгаад зогсож байна хуйвалдаад гарна гэдэг нь тодорхой харагдаж байна шүү дээ үүнээс асуух асуулт байхгүй бүх хөрөнгийг нь хураагаад шууд дүүжил

Avatar

зочин 2021-07-20 103.229.121.253

Монгол Улсад хууль байгаад хэрэг байна уу дээгүүрээ сайхан хулгай хийгээд идчихнэ тэгээд баригдахаараа Улс төрийн хэлмэгдэгч болчихно ийи хөгийн байхаар улс яаж хөгжихийн

Avatar

Зочин 2021-07-20 192.82.64.153

Хийсэн үү хийсэн авсан уу авсан хогийн төрийн мехнаизм яасан ч их яридаг юм

NewsMN Гар утасны хувилбар Татах
NEWS.mn

Мэдээллийн эх сурвалж