Сурвалжлага: Дугуйн зам шороон зам болжээ | News.MN

Сурвалжлага: Дугуйн зам шороон зам болжээ

Сурвалжлага: Дугуйн зам шороон зам болжээ

Сурвалжлага: Дугуйн зам шороон зам болжээ

Дугуйтай иргэд, өсгийт өмссөн эмэгтэйчүүд хотын төв зам дагуу явган хүний зорчих хэсгээр алхах аргагүй болжээ. Унадаг дугуй унасан хүмүүс нь машин зам руу орж явахаас өөр сонголтгүй байсан бол одоо алхаж байгаа иргэд ч автомашины замаар захлан явж байгаа харагдана. Урин дулаан цагт унадаг дугуй унах иргэдийн тоо ихэсдэг ч тэр хэрээр өөрсдийгөө эрсдэлд оруулах нь нэмэгддэг.

Дугуйн зам хийх гэсээр шороон замтай өвөлжих үү?

Дугуйн зам хийх гэсээр шороон замтай өвөлжих үү?https://news.mn/r/2453851/

Posted by News.mn on Monday, July 19, 2021

Улаанбаатарт автозамын төлөвлөлтийг анхнаасаа зөв менежментээр хийгээгүйгээс болж өнөөдөр шинээр дугуйн замыг төлөвлөх гэсэн ч боломжгүй болсон тухай албаны хүмүүс онцолдог билээ. Гэхдээ ийн хэлдэг ч жил бүр дугуйн зам тавих нэрийдлээр улсаас тодорхой хэмжээний төсөв санхүүжилт баталдаг. Тэгвэл тэрхүү батлагдсан төсвөөр хийгдэх ажил хугацаандаа амжиж дуусах уу гэдэг нь анхаарал татаж байна.

Хотын төв зам дагуу хэсэг, хэсэгхэн газарт байрладаг ногоон өнгийн тэмдэглэгээ нь элэгдсэн дугуйн зам. Явган хүний замыг хувааж гаргасан тус хэсгээр дугуйтай иргэд зорчих боломж хомс. Гэсэн ч нийслэлээс автозам засварын ажлын хүрээнд тодорхой байршлуудыг сонгон авч явган хүний замыг хуулан шинээр дугуйн замтай хослуулан хийх ажлыг эхлүүлсэн ч ахиц огт гарахгүй зуны хоёр сар шороон дээгүүр дэмий алхсан тухай иргэд хэлж байв.

Өнгөн хэсгийг нь хуулчхаад үндсэн ажилдаа орохгүй зуны улирлыг элээж буй нийслэлийн дугуйн замын ажилд хэн хяналт тавьдаг нь олон хүний сонирхлыг татна.

ДОЛООН ХУВИЙН ЯВЦТАЙ Ч ЕСДҮГЭЭР САРЫН 1-НД БҮРЭН ДУУСАХ ТӨЛӨВЛӨГӨӨТЭЙ

Дугуйн замын төслийг хариуцаж буй албаны хүмүүсээс тодруулахад, энэ онд хоёр багц хөтөлбөрийн хүрээнд нийслэлийн дугуйн замын ажлыг зохион байгуулж байгаа бөгөөд ажлын явц одоогоор долоон хувьтай байгаа аж.

Нийслэлийн төсвийн хөрөнгөөр зургаан байршилд 16.34 км дугуйн зам тавих ажил тавдугаар сард эхэлсэн. Гүйцэтгэгчээр нь “Драгон бриж” ХХК, “МАЗ” ХХК-ийн түншлэл ажиллаж, Нийслэлийн Авто замын хөгжлийн газар хянаж буй юм байна. Ажил нь эхлээд хоёр сарын хугацаа өнгөрөхөд долоохон хувийн явцтай байгаа аж.

Нийслэлийн хэмжээнд дугуйн зам байгуулсан ч зарим хэсэгтээ тасрах, мухардах асуудал гардаг. Энэ жилийн хувьд аль болох замыг тасалдуулахгүй байдлаар зураг төслийг хийжээ. Гэвч зураг төсөл нь тасалдаагүй ч бодит байдал дээр биелээгүй төлөвлөлт харагдаж байгаа юм.

Тухайлбал, багц хөтөлбөрийн хүрээнд Баянзүрх дүүрэг, Энхтайваны өргөн чөлөө, МУБИС-ийн урд уулзвараас Зүүн 4 замын уулзвар хүртэл 1.5 км, Баянзүрх дүүрэг, Энхтайваны өргөн чөлөө, Зүүн дөрвөн замын уулзвараас Офицеруудын ордон хүртэлх 2.57 км замын ажлын явц хуучин байсан явган хүний замыг нь хуулснаас өөр ахицгүй байгааг бид тухайн хэсэгт очиж харлаа. Автозамын баруун, зүүн хэсгээр явган хүний замын хажуугаар зэрэгцүүлэн хийхээс гадна зарим тохиолдолд автозамаас шалтгаалан замын дундах ногоон байгууламжийн голоор дугуйн зам гаргахаар төлөвлөж шороон зам болгожээ. Энэ жилийн хувьд ганцхан дугуйн зам гаргах биш амрах цэг, гэрэлтүүлэг гээд тохижилтыг шийдэж, цогцоор нь хийхээр төлөвлөөд хугацаандаа амжаагүй өнгөрсөн жилийн зураг төслийн ажлыг ч үргэлжлүүлнэ хэмээн тооцоолсон албаны хүмүүсийн төлөвлөгөө дахин хойшлох янзтай болжээ.

ИРГЭДЭД ЭЭЛГҮЙ, ДУГУЙТАЙ ИРГЭДЭД ТУХГҮЙ ЗАМЫН АЖИЛД СТАНДАРТ ЯРИАД Ч ХЭРЭГГҮЙ

Нийслэлд хатуу хучилттай автозам барих зураг төсөл хийгдсэн ч унадаг дугуйн зам огт тусгагдаагүй аж. Тодруулбал, авто зам, явган хүний замаас багасгах боломжгүй газар нийслэлд олон байдаг. Ийм тохиолдолд замын голд байрлах ногоон байгууламжийн голоор дугуйн зам гаргах зохицуулалт хийн ажилладаг гэдгийг ч зам засварын компаниуд хэлсэн. Гэхдээ дугуйн замыг стандартын дагуу хийх нэрийдлээр урд хормойг авч хойд хормойг нөхнө гэгчийн адил болж байгааг хэн хүнгүй мэдэж байгаа. Тийм учраас олон нийтийн зорчих хэсгийн талбайг бүтээн байгуулалт хийх нэрийдлээр сүйтгэж байгаад иргэд бухимдаж буйгаа хэлсэн юм.

ИРГЭН Д.ДАШ:

-Улаанбаатарт дугуйн зам маш хангалтгүй байдаг. Анхнаасаа хотын төлөвлөлтөд оруулаагүй учраас одоо барина гэсэн ч боломж байхгүй. Миний бодлоор баруунаас зүүн тийш буюу нар зөв тойруулж, бүх урсгалыг нэг чиглэлд оруулах ёстой санагддаг. Нарны зам, Их тойрууг холбоод нэг чиглэлийн урсгалтай болговол дугуйн замын асуудлыг шийдвэрлэх болно шүү дээ. Гэтэл заавал худал, үнэн нь мэдэгдэхгүй төлөвлөгөө гаргаж түүний дагуу их хэмжээний мөнгө авдаг ч дорвитой бүтээн байгуулалт гэхээр нэг ч зам алга байна.

ИРГЭН:

-Ингээд шороо хэвээр нь байлгах байсан юм бол хуучин замыг нь оролдохгүй байсан нь хамаагүй дээр байсан. Би байнга энэ хэсгээр зорчдоггүй ч нийслэлийн төв хэсэгт хүн хамгийн олноор зорчдог хэсэг бүрд замыг нь хуулчихсан байна. Явган явах битгий хэл дугуйтай зорчих ч боломж алга. Нартай өдрүүдэд харин ч шороо нь босохгүй, бороо ороод салхи шуурвал шавар шавхай ч дийлдэхгүй болдог. Тэгээд энэ замыг өдөр, орой янзалдаггүй болохоор өглөө эрт ажил нь хийгддэг байх гэж бодохоор үгүй. Миний мэдэхээр нэг сар гаруй хугацаанд зүүн дөрвөн зам, бөхийн өргөөний хажуугийн явган хүний зам шороо хэвээр л байна. Тэгчихээд нээх сүрхий зарын самбар шиг зүйл байрлуулчихсан. Стандарт дугуйн зам гээд тэр дээр нь тодоос тод биччихсэн байгааг л гайхаж байна.

ИРГЭН:

-Хотод тав тухтай таатай орчинг бүрдүүлсэн гэж хэлдэг ч эсрэгээрээ. Иргэдэд ээлгүй, дугуйтай иргэдэд тухгүй зам гээд нэрлэчихсэн жижигхэн талбайг жил бүр засварлана. Тэр засвар хийж байгаа хэсэгт нь дугуйн зам гэж хэлж болохоор талбай ч байдаггүй санагддаг.


Авто замын орц, гарц дээр дугуйтай хүнд зориулж замыг налуу болгох, хөдөлгөөнд оролцоход зорчих хэсгийг тусгайлан тэмдэг тэмдэглэгээгээр харуулах гэх мэтээр аль болох дугуйтай иргэд зорчиход саадгүй болгох талаас нь анхаарах хэрэгтэй байна.

Хэдийгээр анх төлөвлөлт хийгээгүй ч хотын хэмжээнд дугуйн зам барих бүрэн боломжтойг албаны хүмүүс онцолсон юм. Мөн гадаадын өндөр хөгжилтэй улс орон шиг биш юмаа гэхэд байгаагаа өөд нь татахын оронд бусниулж орхидог монгол шиг газар хаана ч байдаггүйг хүүхэд хөгшидгүй хэлж байсан юм. Тэгвэл төлөвлөлт хийгээд төсвийг нь авчихсан хүмүүс дааж авсан ажилдаа хяналт тавихгүй байхад өдөр бүр тухайн хэсгээр зорчиж байгаа ард иргэд тэр ажилд нь аль хэдийн дүн тавьжээ.

Нэг ч ажилтангүй нийслэлийн дугуйн замын ажил товлосон хугацаандаа дуусах уу гэдэг нь эргэлзээтэй хэвээр байна.

Иргэдийн хэлж байгаагаар энэ ажил ирэх жил үргэлжлэх бол хариуцсан инженерүүдийн мэдээлснээр ирэх есдүгээр сард нийслэл цоо шинэ дугуйн замтай болох нь гарцаагүй…

Энэ мэдээнд өгөх таны сэтгэгдэл?
5
ТэнэглэлТэнэглэл
1
ЗөвЗөв
1
ХахаХаха
1
ХарамсалтайХарамсалтай
1
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-20 59.153.113.37

Хэдхэн дугуйчдад 2-3 сар дугуй унуулах гэж хэдэн тэрбумаар нь мөнгө үрэх хэрэг байхгүй. Дугуйн замаас илүү цэцэрлэг, сургууль барихад мөнгөө зарцуулах хэрэгтэй

Avatar

Зочин 2021-07-20 203.98.76.176

Миний бодлоор дугуй бол тээврийн хэрэгсэл, иймээс явган хүний замаар явуулж болохгүй, тусгай замыг тээврийн хэрэгсэлийн хэсэгт гаргах ёстой. Хүүхдийг бол хөдөлгөөнд оролцуулж болохгүй, Дугуй унах дадал, соеол суулгах хэрэгтэй, бараг л жолооны үнэмлэх олгох нь дээр. Дугуй унахаас илүү явган зорчигч нар нь илүү эрүүл мэндээ анхаарч байгаа бус уу, явган хүний замаар салхи татуулж давхина, хоорондоо уралдана, сигналдана, мөргөнө, охидуудийг айлгаж цочооно. Бараг машинтай мөргөлдөж осолдсноос илүү

Avatar

Зочин 2021-07-20 203.98.76.176

дугуйн ослууд их. цаашид анхаарах зүйл.
1. машин замаар явуулах
2. бага насны хүүхэд унуулж хөдөлгөөнд оруулахгүй байх
3. хүүхдийг тусгай зорилалтын газар асран хамгаалагчтай хамт унахыг зөвшөөрөх
4. одоогоор нарийн гудамж, олон хүмүүстэй тохиолдолд дугуйнаас бууж, хөтөлж хөдөлгөөнд оролцох
5. хурд хэтрүүлэхгүй явах
Хэрэв энэ журмыг мөрдөхгүй бол ЯВГАН ЗАМАА ДУГУЙЧДААС АВРАХ ХӨДӨЛГӨӨН өрнүүлж тэмцэх болноо

Avatar

Зочин 2021-07-20 202.126.90.92

Авилгатай тэмцэх хүсэл үнхээр байгаа юмуу. Сэтгүүлч нарт хийх аэил маш их байнаа. Монголд болж байгаа юм даанч алга.

Avatar

Зочин 2021-07-20 66.181.161.55

Эрлийзүүдэд тус нь зам тавьж мөнгө идүүлэх нь буруу

Avatar

Иргэн 2021-07-20 49.0.142.35

Хятадуудаар хийлгэсэн бол дор нь дуусгачихсан өдийд шинэ дугуйн замуудаараа аялчихсан шигээ л явж байх байсан даа. Даан ч манайхан хөдөлж өгөхгүй юм даа.

Avatar

Иргэн 2021-07-20 49.0.142.35

Нийслэлд зам дагуу байрлах ногоон байгууламжийн шаардлага өнөөдөр хэрэггүй болсон. Хамаг зай талбай эзлээд байгаа ногоон талбайг замын өргөтгөлд ашиглаж байж дугуйн зам чөлөөтэй гарч ирнэ. Өөр арга чарга байхгүй.

Avatar

Зочин 2021-07-20 202.55.188.81

Mungu ideh arga

Avatar

Unshigch 2021-07-20 133.62.186.54

Hiisen zamuudaa ehnees ni harhad haltuuruud ih baina aa.

Avatar

Зочин 2021-07-20 59.153.114.138

Хятал хүмүүс надаас байнга асууж надыг хэлэх үгүй болгодог юм: Энэ зам тавьсан хүмүүс одоо амьд уу ? гэж асуудаг…. Хэрэв манай улсад ийм юм хийсэн бол цаазаар авхуулсан байгаа гэж ярьдаг. Мэрэгжилийн бус би хэрвээ зам тавих болвол 30 жилийн настай зам тавьж баттай чаднаа…… надад мөнгө идэж завших ямарч сонирхол алга. Тангараг өргөөд замын ажил хиймээр байна.

Avatar

Зочин 2021-07-20 66.181.181.237

iim holduu yum hiideg zasag zailaasaa

Avatar

Зочин 2021-07-20 66.181.180.161

Нийгмийн халамжийн мөнгөнд хахчихаад ажил хийх хүн олдохоо больсон доо. Цалингаа голсон залхуучууд, авлига нэхсэн төрийн албан хаагчид л дүүрэн байна даа

Avatar

Зочин 2021-07-20 66.181.181.237

yavgan hun yavj bagtahgui baihad dugui haana yavuulah geedbga yum be. yamarch sudalgaagui, avilgal end tod haragdaj bna.

Avatar

Зочин 2021-07-20 122.201.26.3

Явган хүний замаас хумсалсан дугуйн зам нэртэй зурвас хийж мөнгө хусахаа болиорой. Тэр зурвасаар нь дугуйтай хүн тухтай, хол явах ч боломжгүй. Харин мөрөөрөө явж байгаа явган хүнийг дайрч гэмтээсэн тохиолдол хэд хэд гарсныг мэдэх юм байна. Өмнө нь зүгээр л явган хүний замын нэг хэсэгт ногоон будаг түрхээд төсөл хэмээн мөнгө цохьсон бол одоо нөгөө ногоон будагтай хэсгээ хуулж аваад бас төсөл хэрэгжүүлж байгаа юм байна л даа.

Avatar

UK 2021-07-20 202.126.88.173

Ийм дампуу бхйдалтай дугуйн замын энэ төсөл 2 сар гаруй болж байна. Энэ хооронд хуулсан замын суурь элс нь бороонд урсаад дууссан. Хүмүүс үлдсэн жаахан хэсгээр нь шахалдан барин алхана. Ер нь зуны 2-3 сар хэдэн дугуйтай хүнд зориулж явган хүний зорчих хэсгийг 50% хасдаг тэнэг хотын менежмент, менежер манай Утаанбаатаараас өөр нийслэлд байдаггүй байх. Судагаа нтр хийгээгүй, сэтгэлийн хөдлөлөөр санаачилсан ажил байх. Яг нөгөө жилд 400 сая жуулчин авна гэж бүлтэрдэг шиг.

Avatar

zov 2021-07-20 202.70.44.116

duguin zam shoroo baival deeree bitgii yanzal muu l******d hogshin nastai huuhed dairj alchih gd medrel muutai hurdan yavdag mulguu pizdaanuud tgd geldreed yavj baival taarna!!! tufiltei huuhen yanhnuud gunhnaad alhah huchtsan zam naad zurgand chin ali alind ni bna medrel muutai yu ch medehgui setguulch nar bas bnaa bna… buur neg meddegguigee meddeg yum shig nuuh gj oroldson mulguu mongonii toloo bicheech hiigsed!!!

Avatar

Зочин 2021-07-20 202.126.89.42

Улс төржөөгүй шүү. 1 л зүйлийг хэлье. Яг үнэндээ Батүүлийн үед нийслэл маань хот шиг болж бсан шүү. Наад зах нь ажлыг зөв з/б-бал яаж хурдан хугацаанд янзалж болдогыг харуулж бсан даа. Хот тохижилтынхон маш сайн ажиллаж бсан. Одоо үнэхээр хэрэг алга.

Avatar

Хот тохьжилт🧹🧹🚮🚮 2021-07-20 202.21.108.24

ТАМХИНЫ ИШ, ШҮЛС ХОГОО ЗӨВ САВАНД НЬ ХАЯЖ ЧАДДАГҮЙ ХҮМҮҮСИЙГ ХЭЗЭЭ (тогтмол) ТОРГОЖ СУРАХ ВЭ❗ХОТЫН ДАРГАА❓❗🚭🚯

Avatar

Зочин 2021-07-20 202.9.40.60

Дарханы автозам, төв замын дугуйн зам… Монголын төрийн ажил яг ийм байдаг. 30 жил ийм явж байна.

Avatar

Бөхчин 2021-07-20 122.201.22.228

Хотын даргаар өндөр боловсролтой, гадаад хэлтэй, ажлын туршлагатай, тархи толгой нь ажилладаг хүнийг томилох хэрэгтэй. Тэгвэл хот хөгжинө. Гарын булчин бөх барилдахад л хэрэгтэй.

Avatar

Зочин 2021-07-20 192.82.78.138

Зүгээр л амаараа сайхан ярьж цаасан дээр төлөвлөгөө гаргаад мөнгө идэх арга.

Avatar

Зочин 2021-07-20 73.243.206.147

Монголд тавтай морил

Avatar

Зочин 2021-07-20 202.126.90.73

УЛААНБААТАР ХОТ БОЛ ДУГУЙ УНАХ ОРЧИН НӨХЦӨЛ, АЮУЛГҮЙ БАЙДАЛ ОГТ БҮРДЭЭГҮЙ, ХАНГАГДААГҮЙ ГАЗАР!!

УЛААНБААТАР ХОТЫН УТАА, ЭЛДЭВ ХОГ ХАЯГДАЛ, ХӨРС, УСНЫ БОХИРДОЛ, ТҮГЖРЭЛ ДУНД ХҮН ЯАЖ ЭРҮҮЛ ЭНХ БАЙЖ УРТ УДААН НАСЛАХ ВЭ ДЭЭ …???? ИРГЭД НЬ ЭНЭ АЙМААР ОРЧИНОО ЦАГ АЛДАЛГҮЙ ЦӨМӨӨРӨӨ БОСЧ ХӨДӨЛМӨРЛӨН ЗАСЧ САЙЖРУУЛАХГҮЙ БОЛ БҮТЭХГҮЙ ЭЭ.. ЯДААД АЙЛУУД ХАШААНДАА МОД, НОГОО, ЦЭЦЭГ НАВЧ Ч ТАРИХГҮЙ БНШДЭЭ….

Avatar

Зочин 2021-07-20 59.153.114.138

Зам хийсэн хүнд хариуцлага ярих хэрэггүй. Шалгаруулсан албан тушаалтан хүлээн авсан комисст нэн яаралтай хариуцлага тооц. Улс өмч үр дүнгүй цацагдсан байна.

NewsMN Гар утасны хувилбар Татах
NEWS.mn

Мэдээллийн эх сурвалж