Клиникийн нэгдүгээр амаржих газарт өчигдөр Эрүүл мэндийн яамнаас эхо оношлогооны аппарат албан ёсоор хүлээлгэн өглөө. Тус амаржих газарт суурилуулж буй Өмнөд Солонгосын “Medison” фирмийн “Medison X8” хэмээх хэт авиа оношлогооны орчин үеийн энэхүү аппарат нь дэлхийн 80 гаруй орны эрүүл мэнд, эмнэлгийн салбарт хэрэглэгддэг бөгөөд 4D хэмжээст, өнгөт, доффлер систем зэрэг өндөр үзүүлэлттэй тоног төхөөрөмж юм.

Өөрөөр хэлбэл, санах ой сайтай тул хадгалсан дүрсүүдээ дахин ашиглаж, олон талаас нь харах боломжтой олон нэмэлт программтай аж. Эмнэлгийн тоног төхөөрөмж үйлдвэрлэдэг “Medison” фирмийн уг аппарат 76 сая төгрөгийн үнэтэй.

Д.Долгор