Их Британийн Эрүүл мэндийн сайд Сажид Жавид covid-19-ийн халдвар авчээ. Тэрбээр маш хөнгөн хэлбэрээр өвдсөн тухайгаа мэдэгдсэн байна.

Вакцинд бүрэн хамрагдаад байсан Жавид өчигдөр /2021.07.17/ орой халдвар авснаа мэдээлээд, өөрийгөө тусгаарлаж, гэрээсээ ажиллахаар болсноо мэдэгджээ. Жавид Ерөнхий сайд Борис Жонсонтой өмнөх өдөр нь уулзсан бөгөөд тэрбээр тусгаарлагдах эсэх нь одоогоор хараахан тодорхойгүй байна.

Их Британид халдварын шинэ тохиолдлын тоо сүүлийн хоёр өдөр дараалан 50 мянга даваад байгаа ба энэ нь өнгөрсөн нэгдүгээр сараас хойшхи хамгийн муу үзүүлэлт болжээ.

Эх сурвалж: BBC