Швейцарийн цагдаагийн газар өнгөрсөн даваа гаригт спорт загварын машин унасан нэгэн иргэн 290 км/цагийн хурдтай явж байсныг илрүүлэн баривчилжээ. Тэрхүү зөрчил гаргагч нь 37 настай Шведийн иргэн байсан ба 570 морины хүчтэй “Mercedes-Benz AMG SLS” загварын машин хөлөглөн явж байсан байна.

Швейцарийн хуулиар 120 км/цагаас дээш хурдтай явахыг хориглодог аж. Энэхүү заасан дээд хурдаас 25 км/цагаас илүү хурдалсан тохиолдолд шүүхээр хэргийг шийдэн торгууль оногдуулдаг юм байна.

Харин дээрх Шведийн иргэн хурд хэтрүүлсэн хэргийнхээ торгуульд нэг сая швейцарь франк буюу 962 мянган ам.доллар төлөхөөр болоод байгаа ба торгуулиа бүрэн төлтөл машиныг нь цагдаагийнхийг хураан авсан байна.

Сонирхуулахад, түүний жолоодон явсан машины үнэ нь 240 мянган ам.доллар аж.

Н.Наран