Онцгой байдлын алба хаагчид хийлдэг гудастай хөвж явсан бага насны зургаан хүүхдийг аварсан байна. Хэнтий аймгийн аврах багийнхан Гүрмийн нууранд бага насны хүүхдүүдийг осолдохоос авран хамгаалж, ар гэрийнхэнд нь хүлээлгэн өгчээ. Хэдийгээр Онцгой байдлын ерөнхий газраас усны ослоос болгоомжлохыг сэрэмжлүүлсээр байгаа ч энэ төрлийн дуудлага тасрахгүй байна. Баяр наадмын амралтын өдрүүдэд буюу энэ сарын 9-17-нд нийт 33 усны ослын тохиолдол бүртгэгдсэн байна.

Зуны улиралд иргэд согтууруулах ундаа хэрэглэсэн үедээ болон чанаргүй хийлдэг гудаснаас болж амь насаа алддаг байна. Мөн бага насны хүүхдүүддээ хараа хяналт тавьж, голын эргээр тоглуулахгүй байх, амарч зугаалахгүй байхыг сануулж байгаа юм.