Токио: Бокс, 3х3 сагсан бөмбөгийн тамирчид Японыг зорилоо | News.MN

Токио: Бокс, 3х3 сагсан бөмбөгийн тамирчид Японыг зорилоо

Токио 2020

Токио: Бокс, 3х3 сагсан бөмбөгийн тамирчид Японыг зорилоо

Токио-2020 зуны XXXII олимпийн наадмын боксын төрөл долдугаар сарын 24-нөөс наймдугаар сарын 8-ны өдрийн хооронд зохион байгуулагдана.

Монгол Улсаас эрэгтэйчүүдийн 57 кг жинд үндэсний шигшээ баг, ШШГЕГ-ын харьяа “Сүлд” спорт хороо болон Ажнай корпорацийн тамирчин, МУГТ Э.Цэндбаатар, эрэгтэйчүүдийн 63 кг жинд ҮШБ, Зэвсэгт хүчний “Алдар” спорт хороо болон Капитрон банкны тамирчин, ОУХМ Б.Чинзориг, эмэгтэйчүүдийн 75 кг жинд ҮШБ, Уулын баяжуулах Эрдэнэт үйлдвэрийн “Хангарьд” спорт хорооны тамирчин, ОУХМ М.Мягмаржаргал оролцоно.

Монголын боксын холбооны ерөнхийлөгч Т.Мөнхбаяр өчигдөр /2021.07.15/ Хандгайт дахь Олимп цогцолборт зочилж “Токио-2020” зуны XXXII олимпийн наадамд оролцох баг тамирчиддаа амжилт хүсэн, үдэн гаргажээ.

Олимпийн рингэд хүч, ур чадвараа сорих баг тамирчид өнөөдөр өглөө дасгалжуулагч М.Буянжаргал, О.Батхүү болон бэлтгэл хангагч тамирчдын хамтаар Япон улсыг зорьж байна. Тэд Японы Шизүока мужийн Шимада хотноо долдугаар сарын 22-ны өдрийг хүртэл бэлтгэлээ хангах юм.

Монголын боксчид олимпийн наадмаас нэг алт, хоёр мөнгө, дөрвөн хүрэл медаль хүртсэн түүхтэй.

Боксын шигшээ багийн хамтаар Монголын 3х3 сагсан бөмбөгийн эмэгтэй шигшээ баг Токиог зорилоо. МУГТ С.Тулга дасгалжуулагчийн удирдлага дор дараах бүрэлдэхүүн явжээ.

Токио 2020 Олимпийн наадамд Монгол Улсаа төлөөлөн оролцох Монголын багийн бүрэлдэхүүн:

  1. Баясгалангийн Солонго
  2. Энхтайваны Чимэддолгор
  3. Мөнхсайханы Цэрэнлхам
  4. Онолбаатарын Хулан
  5. Даваасүрэнгийн Ганзул
  6. Баатарын Болор-Эрдэнэ

Олимпод бэлтгэх шигшээ багийг найман хүний бүрэлдэхүүнтэйгээр 2019 онд эцсээр байгуулж, Covid-19-ийн хүндрэлийн зарим үед бэлтгэл тасарсан ч өөрсдийн бүх нөхцөл бололцоогоор бэлтгэл сургуулилтаа хангасаар байна.

Токиогийн олимпийн 3х3 сагсан бөмбөгийн тэмцээн долдугаар сарын 24-ний өдөр эхэлнэ.

Энэ мэдээнд өгөх таны сэтгэгдэл?
4
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-16 202.55.191.205

AMJILTIIN UUD URAGSHAA

Avatar

Зочин 2021-07-16 203.91.115.47

Минжин байхгүй юм байна. 3х3 шалгы алчуур болох тодорхой болжээ.

Avatar

Зочин 2021-07-16 202.131.248.198

Цэндбаатар бас л гал цогтой, Аса аварга ид үедээ ямар байсан тэр л харагдаад байдаг юм даа. Маш чамбай нэг ч секунд анхаарлаа сарниулахгүй байж л амжилт ирнэ дээ. Гарын хөлс, зүрхний хэмнэл нэмэгдүүлэх сайхан тоглолтууд гарна байх.

Avatar

болдоо 2021-07-16 103.26.195.206

сайхан залуустаа амжилт хүсье …..

Avatar

h@@ Y xylgaij 2021-07-16 216.38.195.77

bedak1

Avatar

Зочин 2021-07-16 202.21.109.88

АМЖИЛТ

Avatar

Боги 2021-07-16 202.126.88.187

За зүгээл оролцоол ирээрэй. Тэр мэдааль огт хэргүй. Татвар төлөгчийн хувьд тэр шармал гуулийн төлөө насаар чинь тэжээх мөнгө надд алга;)

Avatar

H 2021-07-16 98.204.176.20

Tsendbaatar shg galtai tsogtoi huu medal avdag um.turuulj ch magadgui

Avatar

Бүгдэд нь амжилт хүсье 2021-07-16 64.119.27.118

АМЖИЛТ

NewsMN Гар утасны хувилбар Татах
NEWS.mn

Мэдээллийн эх сурвалж