Сүүлийн 24 цагт 7628 сорьцод шинжилгээ хийхэд  1496 шинэ тохиолдол батлагдаж, таван хүн нас барлаа. Шинээр бүртгэгдсэн тохиолдлын 806 нь Улаанбаатар хотод, 690 нь хөдөө орон нутагт бүртгэгдсэн байна. Нас баралтын тухайд 60-80 насны гурав, 80-аас дээш насны хоёр хүн Covid-19 өвчний хүндрэлээр нас барлаа.

Харин өнгөрсөн хоногт 3858 иргэн эдгэрч, эмнэлэг болон гэрийн ажиглалтаас гарсан байна.

Монгол Улсын хэмжээнд 2.1 сая хүн буюу 64.7 хувь нь вакцины нэгдүгээр тун, 1.8 сая буюу 55.2 хувь нь хоёрдугаар тунд хамрагдаад байна.