Нийслэлийн хэмжээнд вакцинжуулалт энэ сарын 14-өөс эхэлнэ. Дархлаажуулалтад жирэмсэн эмэгтэй,  12-оос дээш болон 16, 17  насны хүүхэд, ахмадууд хамрагдана гэж Эрүүл мэндийн яамнаас мэдээлэв.

Нийслэлийн есөн дүүргийн хэмжээнд ажиллах вакцинжуулалтын цэгүүд нь энэ сарын 14-16-нд 09:00-17:00 цаг хүртэл ажиллана. Харин энэ сарын 17, 18-нд 10:00-15:00 цаг хүртэл ажиллана.

Харин энэ амралтын өдрүүдэд /2021.07.10-07.13/ дархлаажуулалтын цэгүүд түр хугацаанд ажиллахгүй.

Баяр наадмын амралтыг тохиолдуулан ийнхүү вакцинжуулалтын цэгүүд ажиллахгүй болохыг холбогдох албаны хүмүүс мэдээлсэн. Тэгвэл энэ сарын 14-өөс эхлэх вакцинжуулалтын цэгүүдийн байршлын мэдээллийг хүргэж байна.