Хакүхо, Тэрүнофүжи хоёр башёг тэргүүлж байна

Хуучирсан мэдээ: 2021.07.11-нд нийтлэгдсэн

Хакүхо, Тэрүнофүжи хоёр башёг тэргүүлж байна

Хакүхо, Тэрүнофүжи хоёр башёг тэргүүлж байна

Мэргэжлийн сүмо бөхийн Нагоя башёгийн долоо дахь өдрийн барилдаанууд өчигдөр (2021.07.10) явагдлаа. Монгол бөхчүүд тэр дундаа Хакүхо М.Даваажаргал, Тэрүнофүжи Г.Ган-Эрдэнэ нар сайн барилдаж байна.

Хакүхо хэдийгээр удаан хугацаанд барилдаагүй ч урьдынх шигээ байгаагаа харуулж, башёг тэргүүлж буй юм. Тэрбээр өчигдөр маэгаширагийн гуравт эрэмбэтэй Тобизарүтай барилдаж, долоо дахь даваагаа авч, ганц ч унаагүй башёг тэргүүлж байна. Түүний адилаар Тэрүнофүжи Г.Ган-Эрдэнэ ч долоон даваатай яваа. Тэрбээр өчигдөр маэгаширагийн дөрөвт эрэмбэтэй Котоэког давжээ.

Одоогийн байдлаар Нагоя башёг Хакүхо болон Тэрүнофүжи нар долоон даваа, нэг ч унаагүй тэргүүлж байгаа бол тэдний араас зургаан даваа, нэг унаатай Котоновака, таван даваа, хоёр унаатай зургаан бөх явна.

Монгол бөхчүүдийн тухайд өчигдөр Ичиножо А.Ичинноров (4-3), Хошорюү С.Бямбасүрэн (5-2), Чиёошома Г.Мөнхсайхан (4-3), Кирибаяама Б.Лхагвасүрэн (5-2), Тамаваши Б.Мөнх-Оргил (5-2) нар ээлжит даваагаа авчээ.

Энэ мэдээнд өгөх таны сэтгэгдэл?
6
ЗөвЗөв
2
ГайхмаарГайхмаар
1
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж