Замын-Үүд сумд нэг өрх нэг шинжилгээ хийгдэж эхлэв | News.MN

Замын-Үүд сумд нэг өрх нэг шинжилгээ хийгдэж эхлэв

Замын-Үүд сумд нэг өрх нэг шинжилгээ хийгдэж эхлэв

Замын-Үүд сумд  нэг өрх нэг шинжилгээ хийгдэж эхлэв

Монгол Улсын Ерөнхий сайдын бүрэн эрхт төлөөлөгч Л.Алтангэрэл Замын-Үүд боомтын үйл ажиллагааг хэвийн горимд шилжүүлэх зорилготой үе шаттай ажлуудыг хийж байна.

Тухайлбал, цар тахлын хор уршгийг арилгах, халдвар хамгааллын дэглэм мөрдүүлэх, түүнд тавих хяналтыг чангатгах, эрүүл бүс болох зорилгоор тус сумын зарим багийн нутаг дэвсгэрт 2021 оны долдугаар сарын 10-ны өдрийн 06:00 цагаас 07 дугаар сарын 19-ний өдрийг дуустал хэсэгчилсэн хөл хорио, хөдөлгөөний хязгаарлалт тогтоолоо.

Хэсэгчилсэн хөл хорио, хөдөлгөөний хязгаарлалт тогтоосонтой холбогдуулан Замын-Үүд сумын 160 төрийн алба хаагч нар гудамж, талбай, олон нийтийн газарт хөдөлгөөний хязгаарлалт, хорио цээрийн дэглэмийг сахиулан үүрэг гүйцэтгэж байна.

Мөн сумын хэмжээнд ариутгал халдваргүйтгэлийн ажил шат дараатай хийгдэж байгаа бөгөөд 2021 оны долдугаар сарын 09-ний өдөр нийтийн эзэмшлийн гудамжинд 66 км талбай буюу 396,000 м.кв талбайд халдваргүйтгэл хийгдсэн.

Түүнчлэн халдварын тархалтыг хумих зорилгоор 2021 оны долдугаар сарын 10-ны өдрөөс эхлэн Замын-Үүд суманд "1 өрх-1 шинжилгээ" аян зохион байгуулагдаж байна.

Улаанбаатар хот болон бусад аймгаас Замын-Үүд сум руу орох хүндэтгэн үзэх шалтгаантай буюу эрүүл мэнд, буяны ажлаас бусад иргэдийн зорчих хөдөлгөөнд тогтоосон хязгаарлалт хэвээр үргэлжилнэ.

Замын-Үүд сумын үндсэн оршин суугч, орон нутагт үйл ажиллагаа явуулдаг төрийн болон төрийн бус байгууллагын албан хаагчид 2021 оны 07 дугаар сарын 20-ны өдрөөс хойш нэвтрэхийг зөвшөөрөх ба PCR шинжилгээг үндэслэн нэвтрэх зөвшөөрөл олгож, 7 хоног гэрийн тусгаарлалтын дэглэмийг мөрдөх юм.

“Хилийн боомт тэдгээрийн дэглэмийн тухай” Монгол Улс, БНХАУ-ын Засгийн газрын 2004 оны хэлэлцээрийн 4.3-т заасны дагуу 2021 оны 07 дугаар сарын 11-ний өдрөөс 07 дугаар сарын 15-ны өдрийг дуустал баяр наадмын өдрүүд тохиож байгаа учир Монгол, Хятадын хилийн авто замын боомтууд ажиллахгүй.

 

 

 

Энэ мэдээнд өгөх таны сэтгэгдэл?
2
ХарамсалтайХарамсалтай
1
ЗөвЗөв
1
ХөөрхөнХөөрхөн
0
ХахаХаха
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

sonnen 2021-07-10 103.57.94.129

Ингэж ядаж замын үүдээ Ногоон бүс болгож авахгүй бол ачаа тээвэр хэцүүдлээ

Avatar

Зочин 2021-07-10 103.26.193.179

Дорноговьд тархсан юм уу.Мэдээгээр 0гэж мэдээлээд байгаа биз дээ.Хятадууд мэдчихээд шаардсан уу.

Avatar

Зочин 2021-07-10 103.26.194.84

хятадын эрлийзүүд юм чинь хятад аргаараа нууж байгаа. хятадаас маш олон тагнуул монголд байдаг тул бүх тоог сайн мэдэж байгаа.

Avatar

Llllllll 2021-07-10 150.129.140.30

Boomtoo tsegtsel gesnees borchuda buuj haa geegui bh shuu or gargalgaa haraa ch ..

NewsMN Гар утасны хувилбар Татах
NEWS.mn

Мэдээллийн эх сурвалж