Найман хүүхэдтэй хятад эрийн торгуулийг 14 мянган доллар болгов | News.MN

Найман хүүхэдтэй хятад эрийн торгуулийг 14 мянган доллар болгов

Найман хүүхэдтэй хятад эрийн торгуулийг 14 мянган доллар болгов

Найман хүүхэдтэй хятад эрийн торгуулийг 14 мянган доллар болгов

Найман хүүхэдтэй хятад гэр бүл хүүхдийн тоо хязгаарладаг хууль зөрчсөнөөсөө болоод өндөр торгуульд унаж, өдгөө 2.6 сая юанийн өртэй үлдээд байжээ. Гэтэл энэ долоо хоногт дээрх өрийг 90 мянган юань болгон бууруулсан талаар эх сурвалжууд мэдээлэв.

Сичуань мужийн 50 настай Лиу Моухуа болон түүний хуучин эхнэр хүүтэй болохыг ихэд хүсдэг байжээ. Гэтэл тэдний хүсэл биелж, 2006, 2010 онд хоёр хүү төрөх хүртэл өмнө нь нийт зургаан охин мэндэлсэн аж.

Хятадад эмэгтэйчүүд нөхөртэй болмогцоо овгоо сольж, зөвхөн эрчүүд л овгоо удам дамжуулан өвлүүлж авч явдаг тул олонх гэр бүл хүүтэй болохыг илүүд үздэг байна. Гэвч хүүхдийн тоо хязгаарлах бодлогоос болоод зарим гэр бүл хүслээ биелүүлж чаддаггүй аж.

Дээрх бодлогыг үл тоон хүүхдийн тоогоо хэтрүүлсэн гэр бүлүүдэд дундаж орлогыг нь харгалзан үзэж, нутгийн захиргаа нь торгууль бичдэг байна. Лиуд тавьсан торгууль тэдний жилийн орлогоос найм дахин өндөр байж. Тиймээс хожим торгуулийг бууруулж, жилийн орлогоос нь гурав дахин өндөр болгожээ.

Лиугийн хүүхдүүд бүгд 2015 оноос өмнө буюу Хятадын засгийн газар нэг хүүхдийн бодлогыг хоёр болгож зөөлрүүлэхээс өмнө төрсөн аж. Тиймээс Лиу долоон хүүхдийн торгууль төлөх ёстой болсон гэнэ. 2.6 сая юань бол ердөө түүний гурван отгон хүүхдийн торгууль юм. Харин бусад дөрвөн хүүхдийнхээ торгуулийг хэрхэн барагдуулсан нь хэвлэл мэдээллийнхний хувьд тодорхойгүй байгаа аж.

Тэгтэл сүүлд нутгийн удирдлагууд хуралдаж, түүний өрийг 90 мянган юань болгон хөнгөлөхөөр шийджээ. Харин Лиу Моухуа “Миний таван хүүхэд дунд сургуульд, хоёр нь коллежид сурч байгаа. Тиймээс би хүүхдүүдэд болон хоол хүнсэнд зарцуулах зардлаа хасаад үлдсэн бүхнээ төлнө. Би үүргээ биелүүлж аль чадлаараа торгуулиа хурдан төлж дуусгах болно” гэж ярьжээ.

Эх сурвалж: INSIDER

Энэ мэдээнд өгөх таны сэтгэгдэл?
4
ХахаХаха
3
ЗөвЗөв
2
ХарамсалтайХарамсалтай
1
ГайхмаарГайхмаар
1
ТэнэглэлТэнэглэл
1
БурууБуруу
0
ХөөрхөнХөөрхөн
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-08 124.158.68.142

манай барууны цөөврүүд уг нь хүний эрх гэж хашгирах байх гэж бодож байвч хятадыг үзэн ядсан барууны тархи угаалтын үр дүнд бас л итгэл үнэмшлийнхээ эсрэг зогсон зөвтгөж, дэмжих байх даа, тийм үү хаха

Avatar

ажилчин 2021-07-08 64.119.27.129

бидэнд хамаагүй монголыг ингэ гээд байгаа юм уу. Тэнэг мэдээлэл хийх юм

Avatar

Зочин 2021-07-08 202.126.89.134

Энэ хэнд хэрэгтэй мэдээлэл юм бэ ! Хүнд хэрэгтэй мэдээ мэдээлэл бичих хэрэгтэй байна .

Avatar

БИЧЭЭЧЭЭ 2021-07-08 192.82.69.97

ХЯТАДЫН СУРТАЛ УХУУЛГА АА ЗОГСОО.

NewsMN Гар утасны хувилбар Татах
NEWS.mn

Мэдээллийн эх сурвалж