Сүүлийн 24 цагийн хугацаанд есөн хүн нас барснаар улсын хэмжээнд Covid-19-ийн улмаас 655 болсон нь харамсалтай. Нас барсан хүмүүсийн насны бүлгийн хувьд 60-69 насны 4 хүн (7-18 хоног эмчлүүлсэн), 70-79 дээш насны 1 хүн, 80-аас дээш насны 3 хүн 97-15 хоног эмчлүүлсэн), 18 настай 1 хүн (ес хоног эмчлүүлсэн) байжээ.

18 настай хохирогчийн хувьд цусны хорт хавдартай байсан бөгөөд хавсарсан өвчний улмаас нас баржээ.

Халдварын улмаас одоогоор 12888 хүн эмнэлэгт хэвтэн эмчлүүлж буйгаас 221 хүний биеийн байдал маш хүнд байгаа аж. Өчигдрийн байдлаар нийт эмчлүүлж буй хүний 8195 нь хөнгөн, 3303 нь хүндэвтэр, 1169 нь хүнд гэж тус тус оношлогджээ.

Б.ЖАРГАЛ