Монголын морин спорт уяачдын холбоо, Бөхийн холбоо, Сурын холбоо болон ТББ-ууд нэгдэн ҮАБЗ-д шаардлага хүргүүлж, төв талбай дээр тайван жагсаал зохион байгуулж байна.

Бөх, морь, сурын холбооныхон “Үндэсний их баяр наадмыг тасалдуулж болохгүй. Монгол наадмаа ёслол төгөлдөр тэмдэглэх ёстой” гэсэн байр суурьтай байгаагаа илэрхийлэв.

Мөн тэд үндэсний спортоо өөрсдөө зохион байгуулах хүсэлтэй байгаагаа хэлээд, хэрвээ шаардлагыг нь хүлээж авахгүй бол тэмцлийн хурц хэлбэрт шилжихээ мэдэгдлээ.