Дарханы замын ажил 50 орчим хувьтай байна | News.MN

Дарханы замын ажил 50 орчим хувьтай байна

Дарханы замын ажил 50 орчим хувьтай байна

Дарханы замын ажил 50 орчим хувьтай байна

Зам, тээврийн хөгжлийн сайд Л.Халтар Улаанбаатар-Дархан чиглэлийн замыг дөрвөн эгнээ болгон өргөтгөж, шинэчлэх ажлын явцтай танилцаж буй. Нийт 204.11 км замын бүтээн байгуулалтын ажлыг Азийн хөгжлийн банк болон Европын сэргээн босголтын банкны тусламжтайгаар хэрэгжүүлж байгаа юм. Өнөөдрийн байдлаар 113 км замын ажил дуусч, зорчих боломжтой болсныг албаны хүмүүс мэдээлэв. Нэгдүгээр багц 45 км зам дээр 300 гаруй тэмдэг тавих шаардлагатай ч цар тахлын улмаас үлдсэн материалыг татан авч чадахгүйд хүрчээ.

Монгол Улсын зөвлөх инженер C.ОЧИРБАТ: 

-Өнөөдрийн байдлаар замын гол бүтээн байгуулалтын ажлууд дуусч, замын хөдөлгөөнийг нээсэн. Нийт таван багц ажил хэвийн үргэлжилж байна. Азийн хөгжлийн банкнаас хоёр, дөрөвдүгээр багцыг цуцалсныг та бүхэн мэднэ. Тус банкны санхүүжилтээр эхлүүлсэн нэгдүгээр багцын замын ажил дууссан. Хоёрдугаар шатны ажил гүйцэтгэгчгүй. Дараагийн компаниуд шалгарч чадаагүй. Зам, тээврийн хөгжлийн яамнаас тендер зарлаж, саналаа Азийн хөгжлийн банкинд хүргүүлсэн. Банк саналыг хүлээн авсан ч эцсийн хариу өгөхгүй байна.

Ер нь Азийн хөгжлийн банкны санхүүжилттэй таван гүйцэтгэгч бүгд Хятадын компани байсан. Гэхдээ өнгөрсөн жил 1200 хүн ажиллуулахаар төлөвлөж байв. Энэ жил бас 1000 гаруй хүн бүтээн байгуулалтын ажилд оролцох байсан ч цар тахлын улмаас чадаагүй. Иймд гүйцэтгэгчээр нь монгол компани ажиллуулах санал гаргасан. Энэ дагуу Дарханы зам дээр монголчууд ажиллаж байна. Цөөхөн л хятад ажилчид бий. Замын бүтээн байгуулалт цар тахлын хүндхэн нөхцөлд үргэлжилж байна. Гэхдээ замын ажлыг  2022 оны арванхоёрдугаар сараас өмнө дуусгахаар  төлөвлөсөн.

Дарханы замын бүтээн байгуулалтын ажлыг хоёрхон жилийн дотор барьж, 2020 онд дуусгахаар төлөвлөсөн ч гурав дахь жилтэйгээ золгож байгаа юм. Замын ажил хойшлоход гүйцэтгэгчээр ажиллаж байсан БНХАУ-ын компани гэрээгээ цуцалсан бөгөөд цар тахал нөлөөлжээ.

Мөн замын ажлын гүйцэтгэл дээр хэд хэдэн багц дээр 20-хон хүн ажиллаж байгаа аж. Дарханы замын ажлын хоёр, дөрөвдүгээр хэсэг хамгийн их шороо тоос босч, хариуцах эзэнгүй болсон нь иргэдэд зовлон болжээ. Хэдийгээр тус хэсгийн замыг усаар норгодог ч тоос нь дарагддаггүй байна. Оршин суугчдын хувьд Зам, тээврийн хөгжлийн яамнаас эрүүл мэндээрээ хохирсон нөхөн төлбөрийг барагдуулахыг шаардахаа хэлж байгаа юм.


ЗАРИМ ИНЖЕНЕР, АЛБА ХААГЧИЙГ СОЛИНО

Улаанбаатар-Дархан чиглэлийн автозам хэзээ ашиглалтад орох талаар салбарын сайд мэдээлэл өгөв.

Зам, тээврийн хөгжлийн сайд Л.ХАЛТАР:

-Европын сэргээн босголт банкны санхүүжилттэй замын бүтээн байгуулалтын ажил өнгөрсөн онд удааширсан. Өнөөдөр нөхцөл байдалтай танилцахад замын шинэчлэлт, газар шорооны ажил сайн байна. Гүйцэтгэгч компаниудын тухайд хүндрэл гардаг. Үүнийг би ойлгоно. Цар тахлын үед сумдын хязгаарлалт, хотоос гарах хөдөлгөөнийг хориглох, тэг зогсолт, олон хоног үргэлжилсэн бороо зэрэг олон хүчин зүйлс нөлөөлсөн ч замын гүйцэтгэгч компаниудад ажлаа сайн хийх шаардлага тавьж байна. Нэгэнт чадна гэж олон улсын тендерт шалгарсан учраас ажлаа хийх хэрэгтэй.

Сүүлийн хэд хоногийн хувьд борооноос гадна ямар шалтгаанаар ажил удаашрах болсон талаар тодруулахад зарим инженер, алба хаагчийг солих, хүч нэмэх чиглэл өгч байна. Өрөөнөөсөө ажлаа хийх дуртай инженерүүдийг ажлын талбайд ирж ажиллахыг анхаарууллаа. Олон ч удаа хэлж байна. Талбай дээр ажиллах хатуу сануулга өглөө. Баярын өдрүүдэд ч ажлыг үргэлжлүүлнэ.

Монголын туслан гүйцэтгэгч компаниудын шүүмжлэлтэй тал нь олон ажлыг нэгэн зэрэг авч, хийж буй нэр зүүн ажил тарамддаг үзэгдэл байна. "Хоёр туулай хөөсөн хүн хоосон хоцорно" гэдэг шиг аль аль ажил нь хэрэгждэггүй. Иймд нэг сарын дотор хоцрогдлоо нөхөхийн тулд туслан гүйцэтгэгчдийн тоог нэмэх, Хятадын компани руу ажилчдаа солих сануулга бүхий албан бичиг явуулахаар төлөвлөж байна. Угтаа энд сайд нь оролцоод явах ажил биш, зөвлөх компаниуд хүн хүч, тоног төхөөрөмж, үйл ажиллагаандаа хяналт тавьж зохион байгуулах шаардлагатай юм. Зарим хүнд энэ талаар хатуухан сануулга хэллээ. Зөвлөх компаниуд гүйцэтгэгч компаниудад хяналт тавьж, шаардах ёстой.

Энэ мэдээнд өгөх таны сэтгэгдэл?
6
БурууБуруу
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-07-08 103.229.123.159

эмэгнэлтэй азгүй ард түмэн шүү

Avatar

Зочин 2021-07-08 64.119.18.155

Дарханы зам нохойн замаар орсоон, менге нь енгерсен 2 сонгуульд яваад дууссан байх аа, лав 10 жилтэй

Avatar

Зочин 2021-07-08 213.122.210.218

Бас ингээд энэ жил байхгүй гэсэн үг. Үгүй нэрээ хийж чаддаг юм нэг ч байхгүй. Би тэнгэр заяатай, хөх Монгол гэж цээжээ дэлдэхээс өөр юм байхгүй улс. Онигоо онигоо!

Avatar

Зочин 2021-07-08 202.9.40.120

Монголчууд өөрсдөө засмал зам сайн тавьж чаддаггүй мөртлөө хятадын туршлагатай компанийг оруулж ирээд богино хугацаанд чанартай зам тавиулчихъя гэхэд хятадуудыг оруулж ирэхгүй гээд тэмцээд байснаас бүх юм болсон. Үр дүнд нь хэдэн жил сунжирч Сэлэнгэ, Булган, хөвсгөл, Дарханы иргэд хохирч байна даа.

Avatar

зочин 2021-07-08 202.131.243.186

чааваас хэдхэн км замыг өчнөөн олон жил тавьж бн дээр нь чанар стандарт гүй ман ер нь олигтой бүтээн байгуулалт нэгч алга

Avatar

Зочин 2021-07-08 66.181.161.82

МАН 2017 оноос энэ замыг тавьж байгаа гэж солиорч эхэлсэн 2023 ондч дуусах үгүй нь тодорхойгүй байна, дэлхийн хамгийн өндөр өртөгтэй зам болж байх шиг байна. алтанбулагаас замын үүд хүртэл хос төмөр замтай болчих мөнгө аль хэдийн зарцуулагдсан. 2016 онд 4,6 тэрбум байсан ЗГ-н өр одоо 13 тэрбум болчихсон дээр нь монгол банкны 2,5 тэрбум доллар, гэтэл энэ хугацаанд манай нүүрс зэс алт асар өндөр үнэтэй асар их ашиг олсон жилүүд байлаа энэ асар их мөнгө хаачив нүдэн харагдаж гарт баригдах юм байнуу

Avatar

Зочин 2021-07-08 90.188.54.82

Ингэж худлаа мэдээлэл тавихаа болиоч ээ. 204 хөн км замыг 2 жилийн дотор босгож чадахгүй байгаа нь салбарын сайдын чадваргүй,засгийн сэтгэлгүйг л илэрхийлж байна. Тэгээд буруугаа цар тахал руу чихээд.Бусад орны бүтээн байгуулалт цар тахлаас хамаарахгүй үргэлжилж байна. Арчаагүй засаг, чадваргүй албат хариуцлага хүлээж огцрохл болж байна.

Avatar

Зочин 2021-07-08 202.72.245.165

халтар хийж чадахгүй байгаа юм биш ээ. Гадаадын хөрөнгө оруулалттай, дээр нь цар тахлаас болоод хойшлоод байгаа юм. Хулгайч биш сайд ол гэвэл халтар л эхэнд нь зогсож байх шүү.

Avatar

Зочин 2021-07-08 66.181.161.65

МАН өөрийгөө магтахаас биш яг бодит бүтээн байгуулалтыг ерөөс хийж чадахгүй байна шүү!!! Энэ бол гашуун ч гэсэн үнэн!!! Зохиормол хэрэгт гүтгээд олон жил хатааж байгаа муу нэрт Бат-Үүл хотын дарга байх хугацаандаа хотын замын байгуулалтыг яаж өөрчиллөө дөө?? Гэтэл дараа нь дарга болсон нэг агрономч билүү нэг нөхөр огт юу ч хийгээгүй, харин ч Үүлийн эхлүүлсэн ажлуудыг зогсоосон шүү дээ!!!

Avatar

Зочин 2021-07-08 66.181.183.64

ХАЛТАР ХУЛГАЙЧЫГ ЗАЙЛУУЛЖ ҮЗ. АЖИЛ ХИЙЖ ЧАДАХГҮЙ ХОГ НОВШООР ЯАХАВ

Avatar

Зочин 2021-07-08 66.181.190.19

НЭГ ОНГОЦНЫ БУУДАЛ 10 ЖИЛ БАРЬСАН. ЭНЭ ДАРХАНЫ 200КМ ЗАМ 5 ЖИЛ БОЛОХ НЬ ТОДОРХОЙ. МЕТРО БАРЬВАЛ 30 ЖИЛ БОЛОХ БАЙХДАА.

Avatar

Зочин 2021-07-08 202.126.88.35

5жил болчихсоншдээ бараг

NewsMN Гар утасны хувилбар Татах
NEWS.mn

Мэдээллийн эх сурвалж