Х.Ариунаа: Төр эмч, эмнэлгийн ажилчдаар наадаж байна | News.MN

Х.Ариунаа: Төр эмч, эмнэлгийн ажилчдаар наадаж байна

Х.Ариунаа: Төр эмч, эмнэлгийн ажилчдаар наадаж байна

Х.Ариунаа: Төр эмч, эмнэлгийн ажилчдаар наадаж байна

Улс даяар эрүүл мэндийн салбарт “Улаан бүс” тогтоож, эмнэлгийн эмч, ажилчид, иргэдийн ачаалалд дарагдаж байгаа билээ. Хоёр жилийн хугацаанд халуун цэг дээр ажиллаж, хүлээцтэй хандсан эмч, ажилчдын тэвчээр тасарч, ажил хаяхаа мэдэгдсэн. Тус салбарынхан төв талбайд эсэргүүцлээ илэрхийлж, суулт зарлаад ес хонож байна.

“24 сар баярлаагүй юм чинь наадмаар ч суултаа үргэлжлүүлнэ. Ээлжийн амралтаа авсан эмч нар үзэл бодлоо илэрхийлж байна. Эцэст нь бидний дууг хорино гэвэл тэмцэл ширүүснэ” хэмээн ам бардам хэлэх эмч, ажилчид цаасан хайрцаг дээр сууж, эсэргүүцлээ илэрхийлж буй юм. Цөхрөлтгүй ажиллаж байгаа эмч нарын урам яагаад мохох болов. Салбар яамнаас цар тахлын нөхцөлд хэрэгжүүлж буй зохицуулалт хэр оновчтой байгаа зэрэг асуудлаар Монголын Эрүүл мэндийн ажилтны үйлдвэрчний эвлэлийн холбооны дарга Х.Ариунаатай ярилцлаа.


-Covid-19 дотоодод тархах нь тодорхой байсан. Яг хэзээнээс эрүүл мэндийн салбарын бодлого алдагдаж эхэлсэн бэ?

-Би хүний их эмч мэргэжилтэй. Энэ салбарт 30 жил тасралтгүй ажилласан. Эрүүл мэндийн салбар улстөржиж байна. Хүний амь насыг хариуцаж байгаа салбарыг мэргэжлийн хүн мэргэжлийн түвшинд удирдаж, зохион байгуулалттай ажиллах ёстой. Тиймээс эрүүл мэндийн салбарт сайдаас эхлээд эмч ажилчдын тогтвор суурьшилтай ажиллах боломжийг хууль эрхзүйн орчинд бүрдүүлж өгөх шаардлагатай. Тэгэлгүй стратегийн томоохон салбарыг уландаа гишгэж байна. Монгол хүн эрүүл байж улс орон хөгжинө. Гэтэл эмч, ажилчдыг үл тоомсорлож, салбарыг тоохгүй хаяж байгаад харамсч байна. Цар тахлын тохиолдол дотоодод бүртгэгдсэн өдрөөс эрүүл мэндийн салбарын бодлого, төлөвлөлт дутаж, олон эрсдэл үүсгэсэн.

-Эрүүл мэндийн сайд гурван удаа солигдлоо. Энэ нь цар тахлын хүнд нөхцөлд оновчтой шийдвэр байж чадсан болов уу?

Удирдлага солигдохоор хамгийн их хохирдог хүмүүс ажилчид. Нэг нь дөнгөж томилогдоод дорвитой зүйл хийж чадаагүй байхад дараагийн хүний томилгоо хийгдэнэ гэдэг бол эрүүл мэндийн салбараар наадаж байгаа хэрэг. Томилогдоод удаагүй хүн тухайн салбарын бодлогыг тодорхойлох, яаралтай хугацаанд авч хэрэгжүүлэх үйл ажиллагааг боловсруулах гээд дөнгөж цэгцрэх шатандаа явж байхад сэлгээ хийгдэхээр дунд нь эмч, ажилчдаас гадна эмчлүүлж буй иргэд хохирч байна.

Халдвараар өвчилсөн, хөнгөн өвдсөн иргэд салбар яамны оновчгүй шийдвэрээс болж хохирсон тохиолдол их бий. Мэдээж халдвар хамгааллын дэглэм, дүрэм журмаа баримтлах нь хүн бүрийн үүрэг хэдий ч дэлхий нийтийг хамарсан цар тахалд Монгол Улс бэлэн биш байсан гэдгийг олон жишээ харуулж байна.

"СOVID-19 ЦАР ТАХАЛТ МОНГОЛ УЛСЫН БЭЛЭН БИШ БАЙСАН"

-Эмч, ажилчдын цалинг хоёр дахин нэмэх хэлэлцээр хийгдлээ. Та бүхнийг суултаа үргэлжлүүлж буйд гайхах хүн олон байна? 

-Хэвлэл мэдээлэл болон олон нийтийн цахим сүлжээгээр үр дүнгүй, хариуцлагагүй мэдэгдэл хийж байгаа хүмүүст хариуцлага тооцно. Цаасан дээр бичсэн шаардлагыг цалин хөлсийг хоёр дахин нэмсэн мэтээр гуйвуулж, намжаах оролдлого хийж байна. Одоо эмч, ажилчид цөхрөнгөө барж байгаа учраас хуурамч мэдэгдэлд итгэхгүй. Бид хангалттай итгэж, тэвчиж, хүлээсэн. Covid-19 Монгол Улсад бүртгэгдсэн цагаас эхлэн бидэнд үлгэр ярьсан.

Эмч, ажилчдын цалинг нэмэх салбарын хэлэлцээр бол энэ оны нэгдүгээр сард хийгдэх ёстой байсан. Хойшилсоор байгаад өчигдөр хийгдсэн. Бидний тавьж буй тодорхой шаардлагууд хэлэлцээрт багтсан ч бодит үр дүн гараагүй байна. Тиймээс суулт үргэлжилнэ.

"Улаан бүс"-д ажиллаж байгаа ажилчдын цалинг гурав дахин нэмнэ, илүү цагийн урамшуулал сар бүр олгоно гэх мэт. Удирдлагаас эхлээд бүх шатныхан цалингийн асуудалд хүлээцтэй хандсан. Эмч, ажилчид тэмцэнэ, ажил хаяна гэхээр урамшуулал олгоно гэж хэлээд аргалдаг жишиг тогтсон. Бодит байдал дээр өнгөрсөн жилийн арванхоёрдугаар сараас хойш илүү цагийн цалингаа аваагүй олон эмч, сувилагч байна. Халдвараар өвдсөнөөс бусад бүх эмч 24 цагаар сунаж ажиллаж байна. Зөвхөн ХӨСҮТ төдийгүй улс даяараа “Улаан бүс” болсон. Эмч, ажилчдын шантрах шалтгааныг улс өөрөө зохицуулалтгүй, төлөвлөлтгүй ажилласны улмаас бий болгоод байж, тавьж буй шаардлагыг маань хүлээж авахгүй ес хонолоо. Бид хуулийн дагуу зохих ёсны шаардлагаа л тавина.

-Таны бодлоор эрүүл мэндийн салбар халдвар бүртгэгдсэнээс хойших хоёр жилийн хугацаанд чухам юун дээр алдсан гэж харж байна вэ?

Нөхцөл байдлыг харгалзаж, менежментийн зохицуулалтыг тухай бүрд нь хийх ёстой байсан гэж бодож байна. Хүний нөөцийн хомсдолд орчихоод байхад хөдөлмөрийн үнэлэмжийг шударга олгож чадахгүй байна. Тийм байж эрүүл мэндийн салбарын хэвийн үйл ажиллагааг алдагдуулж, хуурамч мэдээлэл тараахаа зогсоох хэрэгтэй.

-Хүндэрсэн хойно нь арга хэмжээ авахаас илүүтэй урьдчилан сэргийлэлтийг маш сайн хийсэн бол нөхцөл байдал өнөөдрийн түвшинд хүрэх байсан болов уу?

-Эмч, сувилагчдаас бусад ажилчдын цалин өнөөдрийн байдлаар 460-550 мянган төгрөг байна. Халдвараар өвдсөнийхөө төлөө эмч, ажилчид листний 130-150 мянган төгрөгөөр цалинжиж байна. Тэр хүн хүссэндээ өвдөөгүй.

Мөн эрүүл мэндийн салбарт ажиллаж буй 56 мянган хүний 90 гаруй хувь нь цалингийн зээлтэй. Тэдгээр хүмүүс зээлээ төлж чадахгүйд хүрлээ.

Эмч нар өвчтөнүүдтэй ор булаацалдахгүй гэж гэрээр өөрөө өөрийгөө эмчилж байна. Ийм үйл явдал манайх шиг цөөн хүн амтай улсад тохиолдож байгаа нь харамсалтай.

-Менежментийн хувьд ЭМЯ зохицуулалт хийх шаардлагатай юу?

Сүүлийн хоёр жилийн хугацаанд 3000 орчим эмч, ажилчин халдвараар өвдсөн. Гэхдээ энэ бол аймаг, сумдын статистик ороогүй тоо. Хөдөө орон нутгийн эмч нар орчин нөхцөл, техникийн хувьд хангалттай биш байдгаас болж өөрсдийгөө маш их эрсдэлд оруулж байна. Тиймээс төр засаг бодлогын хүрээнд асуудлыг зөв тодорхойлох хэрэгтэй. Хэрэв зөв менежментээр зохион байгуулж чадвал үр дүн гарна гэж бодож байна. Гол нь зөв зохион байгуулалттай, төлөвлөгөө, тооцоололтой ажиллах хэрэгцээ их байна.

-Covid-19-ийн үед улс даяар эмнэлгийн ачаалал нэмэгдсэн ч ажилтнуудын цалин хасагдсан тухай та хэллээ. Одоогоор цар тахлаас үүдэж хэчнээн эмч, сувилагч өвдөж, мөн ажлаас халагдах өргөдлөө гаргасан бэ?

Цар тахлын нөхцөл байдал хүндэрч, хоногийн мэдээгээр 1500-2000 орчим хүнээс халдвар батлагдаж, 10-20 хүн нас барж байна. Иргэдээ боддог бол эмч, ажилчдыг ажил хаяхаас өмнө төр шийдвэр гаргана. Халдварт өвчнийг анагаана гэдэг зүгээр нэг ханиад эмчлэхээс тэс өөр асуудал. Залуухан эмч нар өөрийгөө эрсдэлд оруулж сэхээнд ортол биеийн байдал нь хүндэрч байна. Музей, барилга, байшин гээд биет зүйлсэд ихээр төсөвлөж байгаа мөнгөнийхөө тодорхой хувийг л эрүүл мэндийн салбарт зарцуулаач. Цар тахлын бус үед өдөрт 8-10 цаг ажилладаг байсан эмч, сувилагч нар одоо 24 цаг амралтгүй ажиллаж байна.

Гэтэл амралтын өдөр, баярын өдрөөр "улаан бүс"-д ажилласан илүү цагийн хөлс олгохгүй байгаад гомдолтой байна. Төрөөс өгч байгаа гэж мэдээлж буй ч өвлийн 12, 1, 2, 3 дугаар сард олгох илүү цагийн урамшууллыг нийт эмнэлгийн 80 гаруй хувь нь өгөөгүй. Хөдөлмөрлөсөн хүмүүсийн хөлсийг цаг тухай бүрт олгоогүйгээс халдварын бүсэд ажиллаж байгаа эмч нар бухимдаж, ажлаасаа гарахаас өөр сонголтгүй болж байна.

Эрүүл мэндийн салбарын ажилчдын цалин бусад хөгжиж буй орнуудтай харьцуулахад 8-10 дахин бага байна. Бид тийм их хэмжээний цалин хүсээгүй. Улсын дундаж цалин нэг сая 390 мянган төгрөг байхад эмч, ажилчдын цалин 647 мянган төгрөг байна. Эмч, сувилагчид ар гэрээ тэжээх нь бүү хэл өөрсдийгөө ч анагаах цалин алга байна. Орон нутгаас сэхээнд орж, нэн хүнд хэлбэрийн оноштойгоор таван эмч ХӨСҮТ болон гуравдугаар төв эмнэлэгт хэвтэн эмчлүүлж байна. Хүнд болон хөнгөн хэлбэрээр өвдсөн 3000 гаруй хүн гэрээрээ өөрийгөө эмчилж байна.

Өнөөдөр тоног төхөөрөмж, эмнэлгийн барилга байгууламжаас илүүтэй боловсон хүчинд анхаарах цаг болсон. Чадварлаг эмч, ажилчид байснаар тэр тоног төхөөрөмжийг ажиллуулна. 9, 10 дугаар сард өвчлөл ихэсвэл эмч, ажилчдын тэнхэл үнэхээр хүрэхгүй. Цар тахлын давлагаа дахин дэгдвэл хүний нөөцийн хомсдолд ороод байгаа салбар маань бүр ч хүнд байдалд орох эрсдэлтэй.

Ажил үүргээ гүйцэтгэж байгаад халдвар авсан эмч, сувилагчдад цалин хөлсийг нь бүрэн олгох шийдвэр гаргаад байгаа. "Улаан бүс"-д 13 мянган эмч, сувилагч ажиллаж байна. Тэдгээр ажилчдын илүү цагийг яаралтай бодож, нөхөн олгохыг шаардаж байна.

Энэ мэдээнд өгөх таны сэтгэгдэл?
11
ЗөвЗөв
4
ТэнэглэлТэнэглэл
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ИРГЭН 2021-07-08 139.5.217.200

Эмч,багш нэртэй дарамтлагчдад хариуцлага тооц,энэ авгайгаас эхэл

Avatar

Зочин 2021-07-08 202.9.40.120

Энэ солиотой хөгшин авгай хуцалгүй гэртээ суу. Энэ чавганц эмч хийж байхдаа алхам тутамдаа өвчтөнгүүдээс мөнгө шаналгаж авч сурсан байна. энэ зангаа хаяж чадахгүй муу буруу зүйлд залуу хүмүүсийг уриалж төр засгийнхаа эсрэг турхирч байггаг зүгээр өнгрөөж болохгүй. Бүх юмыг мөнгөөр харж хэмжиж сурчихсан хүмүүс бол эмнэлэгийнхэн. уул нь тэд тангараг өргөсөн хүмүүс. тэгсэн мөртлөөсөө тангарагаасаа амархан няцдаг. Тийм юм байж болох уу

Avatar

Зочин 2021-07-08 150.129.140.237

Энэ авгайн цаана цалин нэмэх сургаар бүх юмны үнэ хөөрөгдөж нийтээр ядууруулах гадны тактик явж байгаа…

Avatar

Zochin 2021-07-08 188.156.90.19

HUGSHIN AVGAI, YAG KOVIDTOI HUMUUST TUSLAJ HARAGDAACH. HARVAAS UL BUTEH MUNGUNII TULUU AVGAI BNA.

Avatar

Иргэн 2021-07-08 64.119.22.236

Харин энэ чавганц эмч нарын нэрийг барьж өөрөө хоолоо олж идэж байгаа юм биш үү??? Тийм л мундаг эмч юм бол улаан бүсэд очиж сайн дураараа эмчилгээнд гар бие оролцооч

Avatar

Зочин 2021-07-08 202.126.89.8

Эруул мэндийн салбарт асуудал их байгаа яагаад 6 жил дахин 2жил суралцах 630000 тогрог ийн цалин авах гэж 8 жил суралцаж юуны толоо тангараг оргож байна аа Ажлын нохцол нь байнга овчтэй хунтэй ухэл хагацалтай харьцах нь тийм амар биш дээ Цалин холс нь торийн албан хаагчдаас багагуй л байвал зохино

Avatar

Монголын ялзарсан төр 2021-07-08 103.57.94.178

Ард иргэдээ сүүлийн 30 жил хаясандаа. Өөрсдөө ичиж үхмээр баяжсан. Бүгд төрөөс төрсөн тэрбумтангууд. Эмя нарын тэмцлийн дэмжиж байна.

Avatar

h 2021-07-08 202.9.47.8

хохин зун болхоорл гадаа хиих юмгүы сууж баыгааа өвөл суувал цалингааа 5сая болгож чадна харин мах 1к 50мянгал болндоо хотын гуйлгачидааа

Avatar

иргэн Чулуунаатар... 2021-07-08 202.21.109.53

Төр..Засгийн газар цалинг нэмэх хэрэгтэй….. Эмч нар Сангийн яам…Төрийн ордны цэвэрлэгчээс доогуур цалин авч байна……

УИХ ын гишүүдийн цалинг хасаж эмч …эмнэлгийн ажиллагсдад өгөх хэрэгтэй……

Зандан ша…..Хүрэлс…..нар онцгой анхаараах хэрэгтэй……

Avatar

mgl 2021-07-08 103.9.90.130

энэ новшнуудад хөлсөөр ажиллаж жагсаал гэж төр үймүүлэх гэж яваа новшийг баривчилж хориочээ. Эцсийн зорилго нь эмч эмнэлэгийн ажилчдийн эрх ашгийн төлөө биш шүү. Зүгээр төрийг үймүүлж тогтворгүй байдал үүсгэж эздийхээ даалгаврыг биелүүлхийн төлөө бгаа

Avatar

Зочин 2021-07-08 43.242.243.195

Энэ хүн улаан бүсэд ажилладаггүй болохоор ингэж байгаа юм болов уу. Эмч нар тэтгэвэрт сүүлийн үед гарч байгаа нь 1 саяас дээш авч байгаа гэж сонссон доо. Харин асрагч нарын цалин хөлс дэндүү бага байгаа байх шүүгч

Avatar

зочин 2021-07-08 202.21.108.46

Яагаад тансаг өрөөнд суудаг шүүгч нар 3-5 сая төгрөгийн цалин аваад өрөө жижигхэн байна гэж хуцаж болдог юм бэ. Харин хүний амийг аврах гэж ажиллаж байгаа эмч нар бага цалинтай хүнд нөхцөлд ажиллаад цалингаа нэмүүлэе гэхээр ингэж харааж ерөөдөг юм бэ. Эмч багш нарын цалин бага нь үнэн ш дээ. Улаан бүсэд ажилласан үгүй эсэх нь гол биш. Цалин өндөр байвал ядаж өвчтэй хүмүүсээс хахууль авах нь буурна биз дээ. Тэр хэрээр ард иргэд ч эмчээс нэхэл хатуу байх болно.

Avatar

Ххэх . 2021-07-08 202.9.46.207

Шал худ, аль уржигдар гялс буугаад өгцөн

Avatar

Zochin 2021-07-08 103.229.122.77

Zailaach ulaan bvsed ajillaj bga emch narin tsaling nemne geheer baritsan umnuud suuj bga sh de suult hiij bga dotor ulaan bvsed ajilladag 1ch hvn baihgvi

Avatar

Zochin 2021-07-08 66.181.161.33

Ene suult hiigeed baigaa humuus ulaan bused orj ajillahaas zailshiij ajliin 8 tsagt nomer avsan hedhen hunee uzeed argatsaaj baisan humuus diilenhi n baigaa

Avatar

zochin 2021-07-08 202.126.89.36

tiiim shuu ulaan bused ajilkagchid bish

Avatar

Зочин 2021-07-08 64.119.20.111

Та бол нас тогтсон хүн байна гэхдээ ингэж амьтан хүн үймүүлээд байх нь онцгүй харагдаж байна шүү Уулзсан эмч нар "Цалин хөлс яахав болно биз , бид Тангараг өргөсөн эмч нар энэ тахлын ард л гарчих юмсан " гэцгээдэг юм байна лээ шүү Хэдэн халтар төгрөгний бонус авчихаад ингэж бужигнуулаад дэмий дээ дэмий Та !!!

Avatar

Зочин 2021-07-08 122.201.23.28

Чи 500-600 мянган төгрөгөөр гэр бүлээ тэжээж чадах уу

Avatar

ЗОЧИН 2021-07-08 202.9.46.131

энэ авгай юу солиороод байна аа……………..

Avatar

зочин 2021-07-08 203.98.77.101

Дээдсүүдээс ковид айна өвчин эмгэг баян ядуу ялгаж тусдаг үр хүүхэд хүүхэд холбогдох хүмүүс нь амьсгалын аппараттанд орох үед эмнэлэгийн хэдэн ажилчид хэрхэн үйлчидэг талаар ойлгох байхаа энэ байдлра бол эмч сувилагч асрагч нар хүрэлцээ муугаас
эндэгдэл нэмэгдэнэ улаан бүсээ ороод үзээрэй

Avatar

иргэн 2021-07-08 124.158.94.9

Өвдсөн хүн бүр листний мөнгөөр амьдарч байна.

NewsMN Гар утасны хувилбар Татах
NEWS.mn

Мэдээллийн эх сурвалж