НҮБ унаач хүүхдүүдийн талаар Засгийн газарт мэдэгдэл гаргав | News.MN

НҮБ унаач хүүхдүүдийн талаар Засгийн газарт мэдэгдэл гаргав

НҮБ унаач хүүхдүүдийн талаар Засгийн газарт мэдэгдэл гаргав

НҮБ унаач хүүхдүүдийн талаар Засгийн газарт мэдэгдэл гаргав

Хурдан морь унаач хүүхдүүдийн талаар НҮБ-ын Монгол Улс дахь Удирдлагын багаас Засгийн газар болон олон нийтэд хандан мэдэгдэл гаргажээ. Мэдэгдлийг бүрэн эхээр нь хүргэж байна.


  • Хүүхдийн эрхийг хамгаалах тухай олон улсын өмнө хүлээсэн үүргээ биелүүлэхийг Монгол Улсын Засгийн газар, олон нийтэд хандан уриалж байна

Бид Монгол Улс хүүхдийн эрхийг дээдлэн, хууль тогтоомждоо тусган хэрэгжүүлж, тэдний сайн сайхны төлөө бүхий л арга хэмжээг авч хэрэгжүүлдгийг сайшаан дэмжиж ирсэн билээ.

Монгол Улс нь НҮБ-ын Хүүхдийн эрхийн тухай конвенц, Иргэний болон улс төрийн эрхийн тухай олон улсын пакт, Эдийн засаг, нийгэм, соёлын эрхийн тухай олон улсын пакт зэрэг олон улсын хүний ​​эрхийн тухай суурь гэрээ, конвенцод нэгдсэн орсон НҮБ-ын гишүүн улс болохын хувьд хүүхдийн эрхийг хамгаалах, сурталчлан таниулахдаа олон улсад хүлээн зөвшөөрөгдсөн зарчим, хэм хэмжээг дагаж мөрдөх үүрэг хүлээсэн. Олон улсын хөдөлмөрийн байгууллага (ОУХБ)-ын Хүүхдийн хөдөлмөрийн тэвчишгүй хэлбэрийн тухай 182 дугаар конвенцод Монгол Улс нэгдсэн орсноос хойш хорин жилийн хугацаанд монгол хүүхэд бүрийг хүүхдийн хөдөлмөрөөс, тэр дундаа аюулгүй байдал, эрүүл мэнд, ёс суртахуунд нь хохирол учруулж болзошгүй бүх төрлийн хөдөлмөр эрхлэхээс хуулийн хүрээнд хамгаалсан юм. Эдгээр олон улсын хэм хэмжээг Монгол Улсын дотоодын хууль тогтоомждоо тусгасан бөгөөд үүний дотор хүүхдийг хүчирхийлэх, мөлжихийг хориглодог Хүүхдийн эрхийн тухай хууль, Хүүхэд хамгааллын тухай хууль, саяхан Монгол Улсын Их хурлаар баталсан Хөдөлмөрийн тухай хуулийг дурдаж болно.

НҮБ-ын Монгол Улс дахь Удирдлагын баг нь НҮБ-ын Хүний эрхийн шинжээчдээс ирүүлсэн удаа дараагийн ажиглалт, зөвлөмжид үндэслэн 2019 оны 12 сарын 20-нд мэдэгдэл гаргаж, улмаар 12 сарын 23-ны өдөр Монгол Улсын Ерөнхийлөгч, Ерөнхий сайд, УИХ-ын даргад албан захидал илгээсэн билээ. Уг мэдэгдэлд дурдсанчлан хурдан морь унаач хүүхэд гэмтэх, улмаар амь насаа алдах нөхцөл байдал үүсэж байгаад туйлын их харамсаж байгаагаа үүгээр дахин илэрхийлж байна. Хурдан морины уралдаан нь хүүхдийн эрүүл мэнд, аюулгүй байдалд ноцтой аюул занал учруулдгийг санан, Монгол Улсын Засгийн газрыг 18-аас доош насны хүүхдийг жилийн аль ч улиралд хурдан морь унуулж уралдуулахгүй байхыг хууль тогтоомж, зохион байгуулалтын үйл ажиллагаандаа тусган, шаардлагатай бүхий л арга хэмжээг нэн яаралтай авч хэрэгжүүлнэ гэдэгт Нэгдсэн Үндэсний Байгууллага гүнээ найдаж байна.

НҮБ-аас Монгол Улсын Засгийн газар, орон нутгийн засаг захиргаа, эцэг эх, асран хамгаалагч, морины эзэд, уяач, бизнес эрхлэгч, олон нийтэд хандан Монгол Улсын хүний ​​эрхийн олон улсын гэрээний дагуу хүлээсэн үүрэг, амлалтаа биелүүлэхийг уриалж байна. Монгол Улс дахь НҮБ нь Монгол Улсын Засгийн газар, төрийн бус байгууллага, иргэний нийгмийн байгууллагуудын зүгээс хэрэгжүүлж буй Монголын бүх хүүхдэд сайн сайхан ирээдүйг бий болгож, тэдний эрхийг хамгаалахад чиглэсэн аливаа санаачилга, хүчин чармайлтыг дэмжиж ажиллахдаа хэзээд бэлэн байх болно.

НҮБ-ЫН МОНГОЛ УЛС ДАХЬ УДИРДЛАГЫН БАГ

Энэ мэдээнд өгөх таны сэтгэгдэл?
6
ЗөвЗөв
3
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

үнэн 2021-07-07 66.181.189.220

дандаа эрхтэн дархтан мөнгөтэй улс төрч нар морины эзэд болохоор хүүхдийн эрхийг хэн ч өмөөрөхгүй. Ганцхан хүүхдийн эцэг эх нь хүүхдээрээ хурдан морь унуулахаа л болих хэрэгтэй.

Avatar

Зосн 2021-07-07 202.126.90.1

Mongoliin ulamjlalt dotood asuudald b** orolts bi mori uyadaggui. Mongol hun uchraas ulamjlalt yumandaa gurtai. Ispanid ulangasan buhandaa heden aravaaraa murguuleed uhej b.na.Tend ochij h***

Avatar

үнэн 2021-07-07 66.181.189.220

Архангайд саяхан үсэргээний үед амиа алдсан хүүхдийн хохь болж байна уу? хэн тэр хүүхдийн амийг хариуцах юм бэ? наадам ч болоогүй байхад хүүхэд алчаад байхад яагаад. хэн ч юу ч болоогүй юм шиг уламжлалт ёс ч гэх хуцалдаад байгаа юм бэ ? ичмээр гутмаар юм даа

Avatar

Зочин 2021-07-07 202.9.46.44

Цахимаар уралдахаар гайгүй ээ. Олон хүүхэд эрсдэхгүй

Avatar

Баянзүрх дүүргийн иргэн 2021-07-07 202.9.41.20

Монгол уламжлалаар бол тийм ч олон морьд хүүхэд уралдуулдаггүй байсан бөгөөд морио унаад малд явах уралданад оролцох бол тэс өөр асуудал, хичнээн олон хүүхэд морь уралдахад оролцох тусам Чингэс хааны хэлнээс цөөнөөс цөөн эрсдэнэ, олноос олон эрсдэнэ гэдэг үг байдаг. Монгол улс олон улсын гэрээнд орсон бол гэрээгээ биелүүлэх үүрэгтэй. Монгол үндэстний уламжлал зөвхөн морь уралдуулахаар харах хэрэггүй өөр , хойч үед хэрэгтэй сайхан уламжлалууд байгаа шүү дээ.

Avatar

mnbvc 2021-07-07 81.223.16.46

Хэзээ ч биелэхгүй бид нүүдэлчид хүүхэд малд явна

Avatar

Зочин 2021-07-07 202.126.89.230

Өөр юм яриад бна малд явж болохгүй гээгүй бна

Avatar

Зочин 2021-07-07 202.126.89.63

Морийг эзэн нь эсвэл уяач нь унадаг болгож хуульчлах хэрэгтэй, хөлсний унаач ч хэрэггүй, гаж донтогуудын өмнөөс амь дүрийг хэн ч хүсэхгүй

Avatar

Зочин 2021-07-07 61.33.94.115

Бодох л ёстой асуудал. Хэдийгээр өв соёлоо хадгалах, уламжлуулах зорилго байж болох ч "мөнгө цагаан, нүд улаан" болсон зарим хүйтэн сэтгэлтнүүд унаач хүүхдийн жинг нэмүүлэхгүй байх зорилгоор хоол бага өгөх, тэр ч байтугай ясыг нь хөнгөрүүлэх зорилгоор газтай ундаа өгдөг тухай яригддаг шүү. Ер нь унаач хүүхдийн насыг дээшлүүлэх нь зөв, 18-аас доош насыг хоиглосон ч яадаг юм ер нь. Эцсийн эцэст нас бага балчир хүүхэд мориндоо даруулж, чирэгдэж, унахдаа юм мөргөж, өшиглүүлж амь насаа алдвал хайран

Avatar

Жагаа 2021-07-07 202.126.90.151

За ингээд Монгол Монголоороо байхаа болив оо

Avatar

Зочин 2021-07-07 192.82.92.112

морь уралдахгүй боллоо гээд чи би бид нар х***а болчих юмуу

Avatar

Зочин 2021-07-07 202.179.8.46

томчууд өөрснөө морио унаж уралд

Avatar

Зочин 2021-07-07 66.181.188.194

Hurdnii mori unah ni hvvhed hulsnii hudulmur erhelj baigaa yum bishee ! Vndesniihee sportoor hicheellej baigaa hereg yum. Vvniig yalgaj salgaj oilgoh ni zvitei !

Avatar

Зочин 2021-07-07 66.181.167.239

Morio unaad honi hurgandaa yavahd l bolno sh de. Extreme sport.d huuhduud bagadaad bn, yadaj bhad taria hiilgeed byar orchihson adguus shu dee…

Avatar

Хүүхэд бол зугаацах хэрэгсэл биш 2021-07-07 192.82.66.41

ТЭД бусдыг зугаацуулахын тулд амиараа дэнчин тавих ёстой юу тэ. Хэрэв тийм экстрем спортоор наадмаар байгаа бол насанд хүрсэн бүрэн эрх зүйн чадвар чадамжтай этгээдээр унуулах хэрэгтэй.

Avatar

Зочин 2021-07-07 192.82.92.112

энэ хөдөөний малнуудад жоохон хүнлэг байдал заах юмсан. чи өөрийнхөө хүүхдийг үндэсний спортоор хичээллүүлдэг үү тэгвэл

Avatar

Зочин 2021-07-07 66.181.188.194

Ene bag bol NVB bishee ! Olon ulsiin tvvnii dotor NVB-iin shiidver bv’s hvrtel vndesten ygsaatnii, uls ornii ontslogiig hargalzan vzdegiimaa !!!

Avatar

зочин 2021-07-07 202.21.100.210

Хүний эрхийн төлөө тэмцэх л болно. Өв соёл уламжлалаас болоод хүний амдьдрах эрх алдагдах ёсгүй. Дуртай бол өөрсдийнхөө хүүхдүүдийг эрэсдэлд оруулахгүй юууу. үгүй биш танай хүүхэд ч бас эрхээ эдлэх ёстой. Явж явж танай хүүхдийн төлөө шүү

Avatar

Зочин 2021-07-07 66.181.188.194

Gutsoo, muu hujaa.

Avatar

Зочин 2021-07-07 202.21.103.158

Гэрээгээр хүлээсэн үүргээ биелүүлж чадахгүй юм байж нэг их олон байгууллагад элсэх дуртай.

NewsMN Гар утасны хувилбар Татах
NEWS.mn

Мэдээллийн эх сурвалж