Өмнөговь аймгийн Ханбогд сумын "Цагаан хад" суурьшлын бүсэд Covid-19-ийн тохиолдол нэмэгдсэний улмаас зургадугаар сарын 24-ний 06:00 цагаас долдугаар сарын 6-ны 06:00 цаг хүртэл тэг зогссон билээ. Халдварын тохиолдол буурахгүй байгаатай холбоотойгоор Ханбогд сумын Засаг дарга энэ сарын 4-ний өдөр захирамж гаргаж, дахин долдугаар сарын 20-ныг хүртэл тэг зогсох шийдвэр гаргасан байна.

Энэ хугацаанд Цагаанхад суурьшлын бүс дэх үйлчилгээний байгууллагуудын үйл ажиллагааг 08:00-16:00 цагийн хооронд явуулахаар тогтжээ. Тус сум руу орох, гарах хөдөлгөөнийг бүрэн хязгаарласантай холбогдуулан хулгайн тээвэр болон зөвшөөрөлгүй тээврийн хөдөлгөөнд хатуу хяналт тавьж, шаардлагатай тохиолдолд хариуцлага тооцож ажиллах аж.