Монголбанк 2021 оны зургадугаар сард 2.3 тн үнэт металл худалдан авч, оны эхнээс өссөн дүнгээр нийт 9.3 тн үнэт металл худалдан авсан байна. Энэ нь өмнөх оны мөн үетэй харьцуулбал 1.5 тн-оор буурсан үзүүлэлт юм.

Дархан-Уул аймаг дахь Монголбанкны хэлтэс 2021 оны зургадугаар сард 112.5 кг, Баянхонгор аймаг дахь Монголбанкны салбар 107 кг үнэт металл тус тус худалдан авчээ.

Монголбанкны 1 грамм алт худалдан авах дундаж ханш өнгөрсөн сард 167,924.18 төгрөг байв.

График 1. 2018-2021 онд Монголбанкны худалдан авсан үнэт металлын сарын мэдээ (кг)

График 2. 1990-2021 онд Монголбанкны худалдан авсан үнэт металлын хэмжээ (тонн)

График 3. 2021 оны 6 дугаар сард Монголбанкны алт худалдан авсан үнэ (төгрөг/грамм)