ГССҮТ ажилчдынхаа цалинг 20 хувиар нэмжээ | News.MN

ГССҮТ ажилчдынхаа цалинг 20 хувиар нэмжээ

ГССҮТ ажилчдынхаа цалинг 20 хувиар нэмжээ

ГССҮТ ажилчдынхаа цалинг 20 хувиар нэмжээ

Эрүүл мэндийн сайд С.Энхболд өчигдөр /2021.7.6/ эмнэлгийн удирдлагуудад үүрэг чиглэл өгчээ. Тодруулбал, эмнэлгүүд гүйцэтгэлийн санхүүжилтээр эмч ажилчдаа урамшуулах, цалин нэмэх боломжтой талаар танилцуулж, цалинг тодорхой хувиар нэмэх үүргийг эмнэлгийн дарга нарт өгсөн байна.

Энэ үеэр Гэмтэл согог судлалын үндэсний төвийн ерөнхий захирал Э.Галбадрах сайдын өгсөн чиглэлийн дагуу бүх ажилчдынхаа цалинг 20 хувиар нэмж байгаагаа танилцууллаа. Тэрбээр, эмч, ажилчдынхаа хөдөлмөрийг шударгаар үнэлэх, цалин хөлсийг шат дараатайгаар нэмэх боломж дүүрэг болон бүх эмнэлгүүдэд байгаа гэдгийг хэлсэн юм.

Эрүүл мэндийн яамнаас эмнэлгүүдэд очих ёстой санхүүжилтийг дор бүр нь шийдэж, бас холбогдох байгууллагуудыг шахаж ажиллаж буй талаар салбарын сайд С.Энхболд мэдэгдсэн. Эрүүл мэндийн салбарын үйлдвэрчний эвлэлийн холбооноос тавьж буй үндсэн цалинг хоёр дахин нэмэгдүүлэх шаардлагыг хангах чиглэлээр боломжтой бүх арга хэмжээг авч ажиллана. Салбарынхаа цалингийн доод хязгаарыг тогтоож өгнө. Босго цалинтай болгож, дээшээ хэдэн ч төгрөгийн өндөр цалин авдаг болох бололцоог нээхийн төлөө ханцуй шамлан ажиллаж байгаагаа ч сайд онцолсон.

Халдвар авсан хүний тоо нэмэгдэж, эмч нар ачааллаа дийлэхгүйд хүрч байгаа. “Улаан бүс”-д ажилладаг нэг эмч өмнө нь 10 хүн хариуцдаг байсан бол энэ тоо өнөөдөр 40-50 болжээ. Ачаалал нэмэгдэхийн хэрээр эмч, ажилчид ч бас Covid-19 цар тахлаар өвчилж байгаа юм. Өнөөдрийн байдлаар эрүүл мэндийн салбарын 250 гаруй эмч, ажилтан Covid-19-өөр өвдсөн бөгөөд нөхцөл байдлыг харгалзаж, цалин хөлсийг нэмэгдүүлэх зайлшгүй шаардлагатай байгааг эмч нарын төлөөлөл удаа дараа илэрхийлжээ.

Энэ мэдээнд өгөх таны сэтгэгдэл?
3
ЗөвЗөв
3
ТэнэглэлТэнэглэл
1
ХахаХаха
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-07-06 203.91.115.50

Монгол Улсын Төр, Засгийн газрын эрхэмүүдээ ! Эрүүл мэндийн салбарынхан тэтгэмж тусламж хүсээгүй, мэргэжил мэдлэгээ зориулан ажиллаж байгаа хөдөлмөр ажлынхаа хөлсийг шаардсан, зөв байсан. Тэдний цалин , хөдөлмөрийн хөлс сонсоход дэндүү байна. Эд нарт талбайд суух зав байдаггүй тул ажлаасаа бууж ирээд ээлжээр төлөөлөл хариугаа хүлээгээд сууж байна! Яаралтай шийдвэрлэж өгнө үү! Хүнийхээ хөдөлмөрийг үнэлж сураачээ!!! Хүн төвтэй хүнийхээ хөдөлмөрийг бүрэн бүтэн үнэлж байж улс нийгэм чинь хөгжинө.

Avatar

Зочин 2021-07-06 66.181.189.76

Ajliin bairnaasaa haldvar avsan emch, ajilchid 3000 garuid hursen!!! Ulaan bused ajillaj bgaad haldvar avsniig tootsood, dun medeegee zoruuleed bh yum

Avatar

иргэн 2021-07-06 66.181.164.214

сайдын тушаал хир зэрэг хэрэгжих бол доо гэж … хэзээч Гэмтэл шиг цалинг хувиар нэмэхгүй дээ. Гэмтэлийн дарга мундаг залуу шүү . Өөр газрууд Худлаа л жаахан урамшуулал нэрийн дор улаан бүст ажилласан хүмүүстээ л нэг жаахан юм хялайлгах биз.угаасаа л тэгдэг….. Уг нь бүгд л эрвийх дэрвийхээрээ нэг нь нөгөөгөө нөхөж хүн бүр бараг 2 хүний ажил хийж байгаа ш тээ. Жнь: сувилагч асрагч нар ковид руу татагдаад Эмч нар нь сувилагч хийж байгаа мөдхөн асрагч хийх нь холгүй байгааг ойлгоорой….

Avatar

Zochin 2021-07-06 64.119.17.200

Doromjilchikh yumaa

Avatar

Зочин 2021-07-06 122.201.21.21

Нэмэх нь зөв. Сарын 500-600 мянган төгрөгийн цалин өгөөд байвал хэн энэ салбарт ажиллах вэ? Стратегийн ач чухал салбарууд, боловсрол, эрүүл мэндийн салбараа сайн анхаармаар байна

NewsMN Гар утасны хувилбар Татах
NEWS.mn

Мэдээллийн эх сурвалж