Холливудын нэрт найруулагч Ричард Доннер 91 насандаа таалал төгссөнийг түүний эхнэр, продюсер Шулер мэдээлжээ. "Супермен" киног найруулснаараа алдартай Ричард Доннер Даваа гаригт нас барсан байна.

Тэрбээр 1976 оны "Omen" /муу ёр/ киногоор олон нийтэд танигдсан ба "Виллийг чөлөөл", "Сураггүй болсон хөвгүүд" зэрэг киноны продюссероор ажилласан юм.

АНУ-ын найруулагч Стивен Спилберг түүнийг кино урлагийн бүх төрлөөр ажиллах чадвартай, төрмөл авъяастан хэмээж байв.

Ричард Доннер нь 1960-аад оноос кино урлагт хөл тавьсан ч 1978 оны "Супермен" киногоор өөрийгөө батлан харуулсан юм.

ЭХ СУРВАЛЖ: ВВС